Read Mousgoum Yosva 15 Bible Online

Yosva 15 - Mousgoum bible

Yosva 15

¹Afti na a sa sini pinzibani Yuda pini wala zi vili na piɗi humuni humuni ɗa, a fakasi sini haga na wiiɗi Edom par haa sini Basga na Siŋ war gal n’amai sek edi merfeŋni hlai.

²Hagaɗi na war gal n’amai par a fakasi sini yem ra n’abai zi manta par, sini alesni afti n’a na ɗikat wuzani Negev ɗa.

³Amai par duɓani boŋor zi hurdi ɗaw, a Siŋ ɗaw, amai duɓaɗi Kades-Barneya par ɗaw. Woni par a vugasi a Hesron ɗaw, amai Addar ɗaw haa a cosi a Karta ta.

⁴Woni par a vuga a Asmon ɗaw a hala haa sini yem zi ki n’Egipte, a daba agoɗom mini yem ra n’abai na Mediteraneya ta. Hanɗa a hagaɗi Yuda na war gal n’amai sek ɗa.

⁵Hagaɗi na piɗi futi na dawai ɗa a yem ra n’abai zi manta haa sini hlai na Yurdan a kɵa agoɗom war yem ra n’abai woni ɗa.

⁶Woni par a vugasi gobi gaiɗi Bet-Hogla, azumai tiɗi Bet-Araba par ɗaw haa siɗi huwuŋ na Bohan n’ahini Ruben.

⁷Woni par, amai a Debir par ɗaw gobi gaini huduk na wiini Akor, a bundasi azumai sek war graŋ na wiiɗi Gilgal na te na ɗikat wuzani boŋor na Adumim n’a na woni gal n’amai par midini yem zi ki ɗa. A vuga ɵimani yem zi hiwi na En-Semes haa a En-Rogel ta.

⁸Woni par hagaɗi a vugasi war huduk na Ben-Hinon tiɗi Yebus war gal n’amai sek ɗaw, Yebus hanɗa te Yeruzalem, haa amai merfeŋɗi huwuŋ na te na wuzani huduk na Hinon piɗi futi na koskoi sek, na war gal n’azumai sek edi merfeŋni huduk na wiiɗi Refayim.

⁹Amai merfeŋɗi huwuŋ hanɗa par, yem zi liwi na Neftowa a luɓasi midini fuŋ n’abai ɗa ɗaw, midiɗi huwuŋ na Efron ɗaw, a sirɓa haa a Baala na yikiɗi na zamai ɗa ɓa: Kiriyat-Yeyarim.

¹⁰A Baala par, hagaɗi a bundasi piɗi futi na koskoi par gobi gaiɗi huwuŋ na Seyir, a vuga azumai par tiɗi huwuŋ na Yeyarim na yikiɗi zamai ɗa ɓa: Kesalon ɗaw, a niya azumai a Bet-Semes ɗaw, a Timna ɗaw

¹¹Wuzaɗi sek azumai par piɗi Ekron ɗaw, haa a Sikron ɗikat, wuzaɗi huwuŋ na Baala ɗaw, haa a Yabnel, a daba agoɗom mini yem ra n’abai na Mediteraniya.

¹²Hagaɗi na piɗi futi na koskoi par ɗa a yem ra n’abai na Mediteraniya. Hagaɗi aftini Yuda a na maini nɵa war gal na puɗu paŋ, pini humuniɗi humuniɗi.

¹³E sini galni afti ktai arbaɗi alini Yuda wiini Kaleb n’ahini Yefune maini n’EPIƊ-ƊAI a miɗini wiini Yosva ɗa nɵa. E sitini Kiryat-Arba, na yikiɗi zamai ɗa ɓa: Hebron. Arba ɗa a epini Anak.

¹⁴Kaleb a birgiɗi alini Anak na hu paŋ edi, Sesai, Ahiman gaini Talmai lai.

¹⁵Woni par a hala a hitimiɗi ɗai na Debir, na yikiɗi n’avut ɗa ɓa: Kiryat-Sefer.

¹⁶Kaleb a muɗa: Aga mu sitini Aksa n’ahiya aŋ muni wiini ɗif na a rɗa li amai midiɗi Kiryat-Sefer ɗa.

¹⁷Otniyel n’ahini Kenaz, na tawalni Kaleb a rɗa amai midiɗi. Kaleb a sitini Aksa n’ahini aŋ munini.

¹⁸Won hlai na Otniyel a tikiti li, te hogoŋ aŋ zilba tini epiɗi. Te prasi amai midini ablehöɗi par, Kaleb a zilbiti: Ku dara ɗa a maɗa?

¹⁹Te wiyini seŋ: Za yum sa ta, saŋa hlai zi liwi yem ta, buri hlai na ku saŋŋa war gal n’amai sek ɗa a kooloŋ. Nɵa Kaleb a siɗi hlai zi liwi yem n’amai par gaini hlai zi liwi n’azumai par lai.

²⁰Hanɗa a bulum na wiiɗi pinzibani Yuda, pini humuniɗi humuniɗi:

²¹Fuŋ n’abakai na war gal n’amai sek na wiiɗi pinzibani Yuda gobi gaini hagaɗi Edom sek, a hanɗa: kabseyel, Eder, Yagur,

²²kina, Dimona, Adeyada,

²³Kades, Hatsor, Yitnan,

²⁴Zif, Telem, Beyalot,

²⁵Hasor-hadata, Keriyot-hetron, na yikiɗi zamai ɓa Hatsor.

²⁶Amam, Sema, Molada,

²⁷Hatsar-Gadda, Hesmon, Bet-Pelek,

²⁸Hatsor-Suwal, Bersabe, Biziyotoya,

²⁹Baala, lim, Atsem,

³⁰Eltolad, Kesil, Hormo,

³¹Siglak, Madmanna, Sansanna,

³²Lebayot, Silim, Ain gaini Rimmon. Paŋ fuŋ n’abakai caaɓa pi ɵeeŋe gaini fuŋ n’agogoi na pini lai.

³³Fuŋ n’abakai na war Sefela ɗa a hanɗa: Estahol, Soreya, Asna,

³⁴Zanowa, Ein-Gannim, Tapuwa, Einam,

³⁵Yarmut, Adullam, Soko, Azeka,

³⁶Saarayim, Aditayim, Gedera gaini Gederotayim. Paŋ fuŋ n’abakai doogo pi puɗu gaini fuŋ n’agogoi na pini paŋ.

³⁷Senan, Hadasa, Migdal-gad,

³⁸Dilayan, Mitspa, Yokteyel,

³⁹Lakis, Botskat, Eglon,

⁴⁰Kabbon, Lamas, Kitlis,

⁴¹Gederot, Bet-Dagon, Naama gaini Makkeda. Paŋ fuŋ n’abakai doogo pi ɵaara gaini fuŋ n’agogoi na pini lai.

⁴²Libna, Eter, Asan,

⁴³Yifta, Asna, Netsiɓ,

⁴⁴Keila, Akzib gaini Maresa. Paŋ fuŋ n’abakai ɵeeŋe gaini fuŋ n’agogoi na pini lai.

⁴⁵Ekron gaini fuŋ n’abakai na piɗi, hlai na ɵemaɗi lai paŋ.

⁴⁶Siɗi Ekron par gaini gal na piɗi futi na koskoi sek ɗa, fuŋ n’abakai n’a na gobi gaiɗi Asdod gaini fuŋ n’agogoi paŋ lai.

⁴⁷Asdod gaini fuŋ n’abakai na piɗi paŋ gaini fuŋ n’agogoi lai, Gaza gaini fuŋ n’abakai na piɗi paŋ gaini n’agogoi lai, haa sini yem zi ki n’Egipte haa sini yem ra n’abai ɗa ta.

⁴⁸Amai midini hlai zi huwuŋ ɗa a: Samin, Yatir, Soko,

⁴⁹Danna, Kiriya-Sanna, a dara a muɗa: Debir.

⁵⁰Anad, Estemo, Anim,

⁵¹Gosen, Holon gaini Gilo. Paŋ, fuŋ n’abakai doogo pi sulu gaini fuŋ n’agogoi na pini lai.

⁵²Arad, Duma, Eseyan,

⁵³Yanum, Bet-Tapuwa, Afeka,

⁵⁴Humeta, Kiriya-Arba, a dara a muɗa: Hebron gaini Siyor. Paŋ fuŋ n’abakai ɵeeŋe gaini fuŋ n’agogoi na pini lai.

⁵⁵Mayon, Karmel, Zif, Yutta,

⁵⁶Yisreyel, Yokdeyam, Zanowa,

⁵⁷Kayin, Gibeya gaini Timna. Paŋ fuŋ n’abakai doogo gaini fuŋ n’agogoi na pini lai.

⁵⁸Halhul, Bet-Sur, Gedor,

⁵⁹Maarat, Bet-Anot gaini Eltekon. Paŋ fuŋ n’abakai ɵaara gaini fuŋ n’agogoi na pini lai.

⁶⁰Kiyat-Baal, a dara a muɗa: Kiriyat-Yeyarim, gaini Rabba. Paŋ fuuŋ n’abakai sulu gaini fuŋ n’agogoi na pini lai.

⁶¹Fuŋ n’abakai n’edi warni basga ɗa a hanɗa: Bet-Araba, Middin, Sekala,

⁶²Nibsan, Ir-Mela, Ein-Gedi. Fuŋ n’abakai ɵaara gaini fuŋ n’agogoi na pini lai.

⁶³Pini zibani Yuda e kiɗi e birgiɗi pini zibaɗi Yebuzitekai n’e simni a Yeruzalem kai. Yebuzitekai e zi fuŋ gaiɗi alini Yuda aha warɗi Yeruzalem haa girna.