Read Mousgoum Yosva 19 Bible Online

Yosva 19 - Mousgoum bible

Yosva 19

¹Viri n’ag'aŋ sulu e nivi afti ɗa e ɗi pinzibani Simeyon piɗi humuni humuni. Aftiɗi ɗa a nafu amlai arbani afti na wiiɗi pini zibani Yuda.

²Fuŋ n’abakai na woni ɗa a hanɗa: Ber-Seva, Sema, Molada,

³Hasar-Suwa, Bala, Ekem,

⁴Eltolad, Betul, Hormo,

⁵Siklag, Bet-Markabot, Hasar-Susa,

⁶Bet-Lebawot gaini Karuweŋ lai. Paŋ fuŋ n’abakai doogo pi hu gaini fuŋ n’agogoi na pini lai.

⁷Ain, Rimmon, Eter gaini Asan lai. Paŋ fuŋ n’abakai puɗu gaini fuŋ n’agogoi na pini lai.

⁸Fuŋ n’agogoi na ɵimani fuŋ n’abakai hanɗa a na haa a Balat-Bere na yikiɗi zamai ɗa ɓa: Ramat, na te na war gal n’amai sek. Afti na a sa sini piniziba na wiini Simeyon piɗi humuni humuni ɗa a na maini hanɗa nɵa.

⁹Bulum na wiiɗi pini zibani Simeyon a tikasi war galni afti na wiiɗi alini Yuda par. Buri nagai kiiɗi ɗa galni aftiɗi ɗa abai gara. Nɵa, alini Simeyon e nivi afti na wiiɗi war na wiiɗi par.

¹⁰Viri n’ag'aŋ hu ɗa, e nivi afti e ɗi pinzibani Zabulon, piɗi humuni humuni. Aftiɗi ɗa haa a Sarid.

¹¹Hagani aftiɗi na e niviŋ aŋ bulum ɗa a hala piɗi futi na koskoi sek gobi gaiɗi Marhala, gobi gaiɗi Dabeset haa a agoɗom wulani yem zi ki n’a na wuzaɗi Yokneyam.

¹²A Sarid par a waya piɗi futi na dawai par sek haa sini haga na wiiɗi Kiɵot-Tabor, a sirɓa a Dabrat sek amai a Yafta ɗaw.

¹³Woni par a vugasi a Gat-Hefer war gal na piɗi futi na dawai par ɗaw, a Itta-Katsin ɗaw, wuzani sek a Rimmon ɗaw, a sirɓa haa a Neya.

¹⁴A bundasi azumai par gobi gaiɗi Hannaton, a daba agoɗom wulani huduk na Yifta-El.

¹⁵Zamai pra, Katat, Nahalal, Simron, Yideyala, Betlehem. Paŋ fuŋ n’abakai doogo pi sulu gaini fuŋ n’agogoi na pini lai.

¹⁶Hanɗa a bulum na a sa siɗi piniziba na wiini Zabulon, piɗi humunini humunini ɗa, fuŋ n’abakai hanɗa paŋ gaini fuŋ n’agogoi na pini lai.

¹⁷Viri n’ag'aŋ puɗu e nivi afti ɗa e ɗi pini zibani Isakar,

¹⁸Hagani aftiɗi ɗa a vuga a Yizreyel ɗaw, Kesulut ɗaw, Sumen ɗaw,

¹⁹Hafarayim ɗaw, Siyon ɗaw, Anaharat ɗaw,

²⁰a Rabit ɗaw, Kisiyon ɗaw, Abet ɗ aw,

²¹a Remet ɗaw, En-ganim ɗaw, En-Hadda ɗaw, Bet-Patset ɗaw.

²²Gobi gaini Tabor, gaini Sasatsima, gaini Bet-Semes a daba a agoɗom wulani Yurdan. Paŋ fuŋ n’abakai doogo pi ɵaara gaini fuŋ n’agogoi na pini paŋ.

²³Hanɗa a afti zi bulum na wiiɗi pini zibani Isakar pini humuniɗi humuniɗi. Fuŋ n’abakai hanɗa gaini fuŋ n’agogoi na pini lai.

²⁴Viri n’ag'aŋ ɵim e nivi afti ɗa e ɗi pinzibani Aser piɗi humuniɗi humuniɗi,

²⁵hagaɗi ɗa a vuga a Helkat ɗaw, Hali ɗaw, Beten, Aksaf;

²⁶Allamelek, Ameyad, Miseyal ɗaw gobi gaiɗi Karmel piɗi futi na koskoi gaiɗi Sisor-Libnat.

²⁷Asakal par a gunasi piɗi futi na dawai par a Bet-Dagon haa sini Zabulon ta gaini huduk na Yifta-El azumai gaiɗi Bet-Emek gaiɗiu Neyel par a sirɓa haa gobi gaiɗi Kabul midiɗi tiy na muni sek.

²⁸Pra gobi gaiɗi Ebron, Rehobi, Hammon gaiɗi Kana haa siɗi Sidon n’amai.

²⁹A gunasi pra gobi gaiɗi Rama haa sini fuŋ n’abai na gdaŋ na wiiɗi Tirus gobi gaiɗi Hosa, a daba siɗi Mahaleɓ, Aksib, agoɗom wulani yem ra n’abai.

³⁰Zamai pra: Umma, Afek gaiɗi Rehob lai. Paŋ fuŋ n’abakai caaɓa pi sulu gaini fuŋ n’agogoi paŋ lai.

³¹Hanɗa a afti zi bulum na a sa siɗi pinzibani Aser piɗi humuniɗi humuniɗi ɗa, Fuŋ n’abakai hanɗa gaini fuŋ n’agogoi pini lai.

³²Viri n’ag'aŋ ɵaara e nivi afti ɗa e ɗi pini zibani Neftali, piɗi humuniɗi humuniɗi.

³³Hagani aftiɗi ɗa a fakasi a Helef par, a Allon par, a Saananim ɗaw, a Adami-Nekeb gaiɗi Yabeyel ɗaw haa a Lakkum, a daba a agoɗom warni Yurdan.

³⁴A gunasi piɗi futi na koskoi par a Aznot Tabor ɗaw, woni par wuzani sek a Hukkuk ɗaw, arbaɗi gaini Zabulon war gal n’amai sek gaini na wiini Aser piɗi futi na koskoi sek, gaini Yuda lai, Yurda warni gal na dawai par lai.

³⁵Fuŋ n’abakai na gdaŋai ɗa a hanɗa: Siddim, Ser, Hammat, Rakkat, Kinneret,

³⁶Adama, Rama, Hatsor,

³⁷Kades, Edrei, En-Hatsor,

³⁸Yireyon, Migdal-El, Horem, Bet-Anat, Bet-Semes lai. Paŋ fuŋ n’abakai doogo pi ɵeeŋe gaini fuŋ n’agogoi na pini lai.

³⁹Hanɗa a afti zi bulum na a sini pinzibani Neftali ɗa, pini humuniɗi humuniɗi; fuŋ n’abakai hanɗa gaini fuŋ n’agogoi na pini lai.

⁴⁰Viri n’ag'aŋ muguzak e nivi afti ɗa e ɗi pinzibani Dan pini humuniɗi humuniɗi.

⁴¹War galni afti na a sa siɗi mu nuvumu fuŋ n’abakai na hanɗa: Soreya, Estahol, Ir-semes,

⁴²Saalabin, Ayalon, Hla,

⁴³Elon, Timnata, Ekron,

⁴⁴Elteke, Gibeton, Baalat,

⁴⁵Yehud, Bene-Berak, Gat-Rimon.

⁴⁶Me-Yarkun, Rakun gaini afti n’a na ɗikat wuzaɗi Yafo.

⁴⁷Afti na wiiɗi pinzibani Dan a mulaɗi edi tiɗi par yaw, nɵa e hili e cikiti Lesem, e hitimiti haa e tikiti e fiɗiɗi ɗai na woni edi gaini kaɵkar. E simni woni, e siɗi yiki ɓa Dan, yiki na wiini epiɗi na Dan.

⁴⁸Hanɗa a afti zi bulum na a sa siɗi pinzibani Dan, piɗi humuniɗi humuniɗi. Fuŋ n’abakai hanɗa gaini fuŋ n’agogoi na pini paŋ lai.

⁴⁹Won hlai n’e viɗi gaini ɓrawni afti ya pini hagani aftiɗi, aliɗi Izrayel e sini galni afti wiini Yosva n’ahini Nun arbaɗi.

⁵⁰Pini miɗi na wiini EPIƊ-ƊAI, e sini fuŋ n’abai na a zilbaŋ ɗa, Timnat-Sela war hlai zi huwuŋ na wiini Efrayim, a zizina fuŋ n’abai ɗa a sumna woni lai.

⁵¹Hanɗa a bulum na pai zi ɓaka Eliyazar, Yosva n’ahini Nun gaiɗi n’abakai n’e giɗimi pakataiɗi arbaɗi aliɗi Izrayel e ɓûrwiŋ gaini viri na a za wuzani EPIƊ-ƊAI a Silo mini hlai na wiini gumu na e nivi gaini EPIƊ-ƊAI woni ɗa. E vidi ɓrawni afti maini hanɗa ɵa.