Read Mousgoum Yosva 20 Bible Online

Yosva 20 - Mousgoum bible

Yosva 20

¹EPIƊ-ƊAI a miɗini wiini Yosva:

²Miɗiɗi wiiɗi aliɗi Izrayel ɓa: Ki viri fuŋ n’abakai zi ŋoyai maini na mu miɗiŋni wiini Musus ɗa nɵa.

³Ɗif na a ɵiɓa li belek pini dirini kai, hiini hanɗa a nafu warni avut par kai, a hala a ŋoya warni ktai arbani, a bunda aŋ hlai zi ŋoyai buriki wuzani ni n’a vurga felni ɗif na a mra ɗa.

⁴Ɗif zi ɵiɓi belek aga a lawa sini ktai arbani fuŋ n’abakai hanɗa, a ɗiya anene mini magala par, a siŋka seŋni wiiɗi n’abakai na war fuŋ n’abai ni ɗa, nagai aga e yimiŋ gaiɗi, e sini hlai n’aga a sumna woni lai.

⁵Na ɓa ɗif na a vurga felni tawalni na a mra ɗa a tika futi pini li ɗa, e sini ɗif zi belek ɗa kai, buri a fuɗa maini pini dirini kai, a gawni avut par kaalai.

⁶Aga a sumna warni fuŋ n’abai hanɗa haa ɗai na doogo e zitini sariya, haa sini mrini pai n’abai zi ɓaka n’aŋ warni sarti ni ɗa. Asakal par ɗif zi ɵiɓi belek a waya aha war dalamni, war fuŋ n’abai na a lawasi woni par lai.

⁷Aliɗi Izrayel e viri fuŋ n’abai na Kades war Galeliya amai midini hlai zi huwuŋ na wiini Efrayim; Sikem, amai midiɗi huwuŋ na wiini Efrayim. Kiryat-Arba, na yikiɗi zamai pra ɓa Hebron amai midiɗi huwuŋ na wiini Yuda.

⁸Anene kata duɓani ra na Yurdan, a Yeriko piɗi futi na dawai par e viriti: Betser edi warni basga na kaɗataŋ, midini afti na plas na wiiɗi pini zibani Ruben, Ramot na war Galaad midini afti na wiiɗi pinzibani Gad, Golan war Basan midini afti na wiini pinzibani Manase.

⁹Hanɗa a fuŋ n’abakai na a vara buri aliɗi Izrayel e ŋûyi woni gaiɗi morkokoi n’e ɗa arbaɗi paŋ, kapai woni hlai na ɗif a ɵiɓa belek li pini dirini kai ɗa, a ŋoya woni, nɵa kapai ɗif zi virgi fel ɗa a fuɗaŋ su wuzaɗi sariya na wiiɗi ɗai na doogo ɗa kai.