Read Mousgoum Yosva 21 Bible Online

Yosva 21 - Mousgoum bible

Yosva 21

¹Tamaini dalam na war pinzibani Levi e tûrisi sini Eliyazar pai n’abai zi ɓaka, sini Yosva n’ahini Nun, gaiɗi tamaini dalam na war pini ziba na a hina na wiiɗi aliɗi Izrayel.

²E miɗiɗi a Silo midini afti na Kanaan maini nɵa: EPIƊ-ƊAI a miɗini wiini Musus buri a siyi fuŋ n’abakai aŋ hlai zi simni gaini hlai na faraiyi a suma woni paŋ.

³Pini miɗi na wiini EPIƊ-ƊAI, aliɗi Izrayel e siɗi fuŋ n’abakai wiiɗi Levitekai gaini hlai na faraiɗi a suma woni, war bulum na wiiɗi par.

⁴E zi viri buriɗi pakataini Kehat arbaɗi Levitekai n’alini Aaron pai zi ɓaka, e nivi fuŋ n’abakai doogo pi ɵaara war pinzibani Yuda, war pinzibani Simeyon gaini pinzibani Benyamin lai.

⁵Alini Kehat na e hini e nivi fuŋ n’abakai doogo midini afti na wiini pinzibani Efrayim, Dan gaini galni pinzibani Manase.

⁶Alini Gerson e nivi fuŋ n’abakai doogo pi hu midini aftiɗi pinzibani Isakar, Aser, Neftali gaini galni pinzibani Manase na war Basan lai.

⁷Alini Merari piɗi humuniɗi humuniɗi e nivi fuŋ n’abakai doogo pi sulu midini afti na wiini Riben, na wiini Gad gaini Zabulon lai.

⁸Aliɗi Izrayel e siɗi fuŋ n’abakai hanɗa gaini basga na wiini farai wiiɗi aliɗi Izrayel pini wala zi vili maini n’EPIƊ-ƊAI a miɗiŋni wiini Musus ɗa nɵa.

⁹Hanɗa a yikini fuŋ n’abakai na war pini zibani Yuda gaini Simeyon,

¹⁰na a sa siɗi pinzibani Aaron piɗi humunini Kehat arbaɗi alini Levi buri wala zi vili a viriɗi avut.

¹¹E sitiɗi Kiryat-Arba na yikiɗi zamai ɓa Hebron, midiɗi huwuŋ na Yuda gaini basga na ɵemaɗi paŋ. Arba a epini Anak.

¹²Amma basga na wiini fuŋ n’abai gaini fuŋ n’agogoi na pini lai e siŋni wiini Kaleb n’ahini Yefune aŋ wiini.

¹³Wiiɗi alini Aaron na pai zi ɓaka ɗa, e sitiɗi Hebron aŋ fuŋ n’abai zi ŋoyai wiiɗi ɗai zi ɵiɓi belek, gaini hlai na ɵemaɗi paŋ, e sitiɗi Libna lai.

¹⁴Yatir gaini hlai na ɵemaɗi, Estemowa gaini hlai na ɵemaɗi,

¹⁵Holom gaini hlai na ɵemaɗi, Debir gaini hlai na ɵemaɗi,

¹⁶Ain gaini hlai na ɵemaɗi, Yutar gaini hlai na ɵemaɗi, Bet-Semes gaini hlai na ɵemaɗi lai. Paŋ fuŋ n’abakai ɵeeŋe war pini ziba na sulu hanɗa.

¹⁷Midini aftini pinzibani Benyamin ɗa, Gabawon gaini hlai na ɵemaɗi paŋ, Geba gaini hlai na ɵemaɗi paŋ,

¹⁸Anot gaini hlai na ɵemaɗi paŋ, Almon gaini hlai na ɵemaɗi paŋ lai. Paŋ fuŋ n’abakai puɗu.

¹⁹Piɵini fuŋ n’abakai na wiiɗi paakai zi ɓaaka n’alini Aaron ɗa a na paŋ doogo pi hu gaini basgani paŋ.

²⁰Levitekai n’e wi piɗi humunini Kehat e nivi fuŋ n’abakai arbaɗi pinzibani Efrayim, pini wala zi vili.

²¹E siɗi fuŋ n’abakai zi ŋoyai na buri zi ɵiɓi belek: Sikem gaini basga na ɵemaɗi paŋ war hlai zi huwuŋ na wiini Efrayim, Gezer gaini hlai na ɵemaɗi paŋ lai.

²²Kibsayim gaini hlai na ɵemaɗi paŋ, Bet-horon gaini hlai na ɵemaɗi paŋ lai. Paŋ fuŋ n’abakai puɗu.

²³Arbaɗi pini zibani Dan ɗa, e nivi Elteke gaini hlai na ɵemaɗi paŋ, Gibehon gaini hlai na ɵemaɗi paŋ,

²⁴Ayalon gaini hlai na ɵemaɗi paŋ, Gat-Rimon gaini hlai na ɵemaɗi paŋ lai. Paŋ fuŋ n’abakai puɗu.

²⁵Arbaɗi pinzibani galni Manase na piɗi futi na koskoi sek ɗa e nivi Tanak gaini hlai na ɵemaɗi paŋ, Gat-Rimon gaini hlai na ɵemaɗi paŋ lai. Paŋ fuŋ n’abakai sulu.

²⁶Piɵini fuŋ n’abakai hanɗa paŋ a na doogo gaini hlai na ɵimani paŋ, buriɗi alini Kehat paŋ.

²⁷E siɗi wiiɗi alini Gerson na piɗi humuni na wiiɗi Levitekai ɗa, midini afti na wiini galni Manase fuŋ n’abakai zi ŋoyai buriɗi nagai zi ɵiɓi belek: Golan midini afti na Basan gaini hlai na ɵemaɗi, Bestra gaini afti na ɵemaɗi; paŋ fuŋ n’abakai sulu.

²⁸Midini afti na wiini pinzibani Isakar ɗa: Kishiyo gaini hlai na ɵemaɗi, Dabrat gaini hlai na ɵemaɗi.

²⁹Yarmut gaini hlai na ɵemaɗi, En-Ganim gaini hlai na ɵemaɗi lai. Paŋ fuŋ n’abakai puɗu.

³⁰Midini afti na wiiɗi pinzibani Aser ɗa: Miseyal gaini hlai na ɵemaɗi, Abdon gaini hlai na ɵemaɗi;

³¹Helkat gaini hlai na ɵemaɗi, Rehob gaini hlai na ɵemaɗi lai. Paŋ fuŋ n’abakai puɗu.

³²Midini afti na wiiɗi pinzibani Neftali ɗa, fuŋ n’abakai na buriɗi nagai zi ɵiɓi belek ɗa a hanɗa: Kades maini afti na Galeliya gaini hlai na ɵemaɗi, Hammat-Dor gaini hlai na ɵemaɗi, Kartan gaini hlai na ɵemaɗi lai. Paŋ fuŋ n’abakai hu.

³³Piɵini fuŋ n’abakai na a sa sini pinzibani Gerson pini humuniɗi humuniɗi ɗa, a na paŋ doogo pi hu gaini hlai na ɵimani paŋ.

³⁴Siɗi pinzibani Levi zamai na piɗi humunini Merari ɗa, e nivi fuŋ n’abakai puɗu gaini hlai na ɵimani paŋ midini afti na wiini Zabulon: Yokneyam gaini hlai na ɵemaɗi, Karta gaini hlai na ɵemaɗi,

³⁵Dumna gaini hlai na ɵemaɗi, Nahalal gaini hlai na ɵemaɗi lai. Paŋ fuŋ n’abakai puɗu.

³⁶Midini afti na wiini pinzibani Ruben ɗa e siɗi: Betser gaini hlai na ɵemaɗi, Yatsa gaini hlai na ɵemaɗi,

³⁷Kedemot gaini hlai na ɵemaɗi, Mefaat gaini hlai na ɵemaɗi lai. Paŋ fuŋ n’abakai puɗu.

³⁸Midini afti na wiini pinzibani Gat ɗa e siɗi fuŋ n’abakai zi ŋoyai buriɗi zi ɵiɓi belek: Ramot midini afti na wiiɗi Galaad gaini hlai na ɵemaɗi, Mahanayim gaini hlai na ɵemaɗi, Hesbon gaini hlai na ɵemaɗi,

³⁹Yaser gaini hlai na ɵemaɗi lai. Paŋ fuŋ n’abakai puɗu.

⁴⁰Piɵini fuŋ n’abakai na a sa siɗi pinzibani Merari pini wala zi vili na piɗi humuni humuni ɗa doogo pi sulu.

⁴¹Piɵini fuŋ n’abakai na Levitekai e niviŋ piɗi aliɗi Izrayel par ɗa, a na paŋ doogo doogo puɗu pi mitwis gaini hlai na ɵimani paŋ.

⁴²Fuŋ n’abakai hanɗa paŋ a nafu gaini hlai ɵimani gaini gûni gun gun.

⁴³EPIƊ-ƊAI a siɗi wiiɗi aliɗi Izrayel, afti paŋ na a ha wala mini buri a siŋɗi tamaiɗi ɗa, e tiki afti ni ɗa, e simni woni lai.

⁴⁴EPIƊ-ƊAI a siɗi simni na ɵeɗ gaiɗi ɗai na ɵemaɗi paŋ, maini na a hiɗi wala mini wiiɗi tamaiɗi nɵa. Gawɗi ktai n’a kiɗa a ɗiya miɗi nɵa aŋ kai, EPIƊ-ƊAI a hiniɗi gawɗi war tiɗi.

⁴⁵Zlinini-ha na EPIƊ-ƊAI a ziŋɗi wiiɗi aliɗi Izrayel ɗa paŋ a va amai paŋ, na a hina nɵa aŋ kai.