Read Mousgoum 2 Tesalonikekai 2 Bible Online

2 Tesalonikekai 2 - Mousgoum bible

2 Tesalonikekai 2

¹Buri izini Epiɗ-ɗai Yesu Kristu gaini tipimu na sin ɗa, tiyi mi siiwiki tawalakai,

²Koo na ɓa e miɗi ɗ a seŋ na sini Alaw par ɗi, ɓa a na siyi tiyi par ɗi, zaw ɓa te letre n’e miɗki ɓa mi ɗutiɗi mi ɗi tiyi kaw ɗa, na ŋa e miɗiki ɓa mefeŋ na wiini Epiɗ-ɗai a cosi ya ɗa, ki tuurli edi witaw tar kai, ki hûni kaalai.

³Ki hini ɗif a rhiki edi gaini yel na maɗi maɗi kai zaŋ. Hini n’edi na wiini yimi aga a za avut haw, na meefeŋ ɗa aga a siŋkasi sini edi haw lai, ni n’a na burini bi n’edi ɗa,

⁴a gaw n’aga a faka durkusi amai, a yika sini ɓa, a suwa wala n’e yikiŋ ɓa Alaw paŋ, na ɗai e ɗa hûrgi azumai wuzani ɗa, aga a niya haa amlai warni tempel na wiini Alaw, a sumna amlai warni a yika sini dama ɓa a Alaw.

⁵Won hlai n mu nasi ka gaiki ɗa, mu miɗiki gaini ya, miɗiki a wula vi ɗi?

⁶Amma tiyana, tiki ki siɗi wala n’a dalaŋ aŋ siŋkasi sini edi wuzani hlaini kai ɗa.

⁷Buri ɓa hiila na wiini meefeŋ ɗa, a na za sda tiyana, ni n’a na ɗalaŋ ɗa a yima sini li edi agwiya, suwi.

⁸Nɵa, na meefeŋ aga a siŋkasi sini edi, ni n’EPIƊ-ƊAI aga a fuɗaŋ edi gaini smer na mini par, n’aga a hazaŋ edi, won hlai n’ga a siŋkasi sini, edi war gizini.

⁹Gizini na meeefeŋ ɗa aga a za pini spak na wiini Satan, war hiia gaini wazagai zi siŋki gaini hiila z'eles.

¹⁰Gaini wazagai na maafanai zi rhai ɗa paŋ lai. Buriɗi nagai n’e ɗa bi edi, buri e yimi jre n’a kiɗa kûriɗi kai, e diriŋ kaalai.

¹¹Nɵa Alaw a hinasi hiini zi wili n’edi na gdaŋ midiɗi, kapai e yimi pini eles.

¹²Kapai nagai paŋ n’e yimi pin jre ɗa kai, amma e firyi war jre ɗiakt kai ɗa, sariya te ko midiɗi.

¹³Nɵa tiyi ɗa tawalakai zi diri gara, na wiini Epiɗ-ɗai, a dewele buriyi buri mi zi tese sini Alaw buriki kûreɗ-kûreɗ, buri ɓa Alaw a virikisi aŋ merfeŋ seyem n’avut sini kûri, kapaieze a ziki edi aŋ sɗik, kapaiki yimi pini jre ɗa lai.

¹⁴A yikikisi gaini labar na pɗem na tiyi mi ɓikiŋ ɗa sini hanɗa lai, kapai ki niviti abai na wiini Epiɗ-ɗaimu, Yesu Kristu.

¹⁵Buri nɵa, tawalakai, ki ɗiyi gdaŋ, ki yimi hitri na mi siŋki ɗa tiki pɗem, koo na mi miɗiŋki gaini mi, koo na mi ɗuŋki war letre ɗi.

¹⁶A zuva ɓa Epiɗ-ɗaimu Yesu Kristu gaini midini dama gaini Alaw Apumu n’a durumu, n’a sumu arai zi pi n’a vada kai gaini biyi-na-pin-ɵeɗ na pɗem lai pin yumni,

¹⁷a siki arai zi pi, a siki gdaŋ lai, war sda na pɗamai paŋ war seŋ na pɗamai paŋ lai.