Read Mousgoum Filemon 1 Bible Online

Filemon 1 - Mousgoum bible

Filemon 1

¹Paulu, ɗif zi daŋgai na wiini Kristu Yesu, gaini tawal Timotewus, sin Filemon, maini zi sda, zi diri gara,

²siɗi Apfia na tawalyi, sin Arkipus na maini na war askar, sin tipi n’a na war dalamku lai,

³Alaw Apumu gaini Epiɗ-ɗai Yesu Kristu e siki yim gaini ɵeɗ.

⁴Mu za tese sin Alaw na wiya kûreɗ-kûreɗ, mu na yika yikiku war ma, war siiwiŋa lai,

⁵buri mu ɵina labar midini diri na wiiku gaini yimi na wiiku na sin Epiɗ-ɗai Yesu, gaini na siɗi na zi yimi lai.

⁶A zuva ɓa, bonuku na war yimi na gaya a za wala na pɗem, aŋ sɗa wazagai na pɗamai paŋ n’a na warmu gaini Kristu.

⁷Firyiŋa a va amai abai gara, mu nava arai zi pi viya gara lai burini diri na wiiku, buri ɓa gaiku tuku, agulɗi ɗai zi yimi a tika azumai.

⁸Buri ɓa war Kristu, mu kiɗa aŋ muɗa suku maini na mu dara ɵa, midini wazagai na ku kiɗa aŋ zaŋ.

⁹Amma mu siiwuku na ɗa gaini siiwi war yikini diri, ta Paulus na wel, na tiyana mu na aŋ ɗif zi daŋgai na wiini Kristu Yesu pra.

¹⁰Mu siiwuku na ɗa burini ahiya, na mu waŋ war daŋgai, Onesimus.

¹¹Aɗipar ɗa a naka a nufuku kai, amma tiyana ɗa a pɗem buriku tuku, buriya ta lai.

¹²Mu na ɵinuŋkuɗi, ni ɗa a agula amlai.

¹³Kadai tiɓ, mu firya ɓa aŋ ɵima dam, kapai a zina pa war balamku, kapai a sɗa aŋ zina pa war won hlai na m’aŋ war jaɓ burini labar na pɗem,

¹⁴amma mu firya mu za wala gaini diriku kai kai, kapai sdaku na pɗem ɗa a bunda maini wala zi dewele nɵa kai, amma a za pin diriku.

¹⁵Ablaŋtaŋkai ɗa Onesimus a ɓurwasi edi gaiku na ɗa buri hlai n’agwi, kapai asakal par ɗa a wayaɗi suku.

¹⁶A wayaɗi na ɗa, maini bege nɵa kir kai, amma a suwa bege, maini tawal zi diri gara nɵa: A tawal zi diri gara buriya ta, buriku tuku ɗa aga a za a suwa pra, war neŋ-si lai, war Epiɗ-ɗai lai, sulu paŋ.

¹⁷Nɵa ɗa, na ɓa mu maiku fakat ɗa, ku yimaŋ mai na ɓa ku yimaŋa na ɗa mu ta ɵa.

¹⁸Na ɓa a zuku wala na meefeŋ zaw walaku ktai aŋ tini ɗi ɗa, ku pɵaŋ mada.

¹⁹Ta Paulus mu ɗoɗi na ɗa gaini ta mal ɓa: Ta dama, aga mu vurguŋku, -mu dara mu muɗa na ɗa ɓa tuku dama ku wiya.

²⁰Nkam, tawala, za wala hanɗa buriya ta war Epiɗ-ɗai, ku tikitiŋa agula azumai war Kristu.

²¹Mu ɗoɗi suku na ɗa buri mu sɗa ɓa aga ku za pin hanɗa, mu sɗa ɓa aga ku za a suwa wazagai na mu muɗa gaini na ɗa.

²²Ku zizinaŋa ka hlai zi simni ta lai, buri mu sɗa ɓa pin siiwiki ɗa aga mu coɗi siki lai.

²³Epafras, maya zi daŋgai war Kristu Yesu, a na ɵuɓukuɗi wuti.

²⁴Markus lai gaini Aristarkus, Demas gaini Lukas, mara zi sda e ɗa ɵiɓuku wuti.

²⁵Yim na wiini Epiɗ-ɗai Yesu Kristu a za gaini hiiniku.