Read Mousgoum Hebrekai 1 Bible Online

Hebrekai 1 - Mousgoum bible

Hebrekai 1

¹Aɗipar ɗa, Alaw a muɗa siɗi tiyakaimu war miɗi ɗai na min Alaw azi viya war yel kiini kiini viya.

²Amma tiyana, war mefeŋ na mu ɗumu warni na ɗa, a n muɗa sumu war Ahini n’a sini wazagai paŋ aŋ bulum, a ziti duniya paŋ gaini Ni lai.

³Ahi hanɗa, a ŋiliɗi abai na wiini, a ni n’a siŋka Alaw mal edi lai. A giɗima wazagai paŋ gain seŋni zi spak; Asakal n’a za ɓaka burini tuwur ya ɗa, a sumna war hli zi hormo na wiini Alaw, amai war hlai n’amai,

⁴a bunda abai, a sûwiɗi ɗai zi ɵeŋ na war fuŋ-n’Alaw a nava yiki zi kol n’a wa a suwa na wiiɗi nagai lai.

⁵Alaw a miɗini ka wiini ɗif zi ɵeŋ na war fuŋ-n’Alaw ktai duk ɓa: Tuku k’Ahiya, Ta mu wuku li girna ɗa, a muɗa ɵa duk ɗi? Zaw ɓa: Ta aga mu za aŋ Epini, ni aga a za aŋ Ahiya lai? A muɗa ka ɵa dk kai.

⁶Katawai pra, won hlai n’a kasi Ahi zi wi n’avut warɗi yai ɗa a muɗa ɓa: Ɗai zi ɵeŋ na war fuŋ-n’Alaw paŋ ɗa aga e hûrgi azumai wuzani.

⁷Buriɗi ɗai zi ɵeŋ na war fuŋ-n’Alaw a muɗa maini nɵa: A bindiɗi ɗaini zi ɵeŋ na war fuŋ-n’Alaw edi aŋ smer, ɗaini zi sda ɗa aŋ elesni afu n’a na ya.

⁸Amma burini Ahini ɗa a muɗa maini nɵa: Paramai zi pai na wiiku ɗa, Alaw, te na haa hlai n’a vada kai, n’a vada kai, Amaraŋai zi pai na ku ŋa gaiɗi ɗa, t'amaraŋai zi pai na wiini jre.

⁹Tuku ku dara jre, ku bula edi sin meefeŋ, buri nɵa, Alaw, Alaw na wiiku a muku emel muduku ya a emel zi firyi, a za hanɗ suku tuku kiiku, siɗi marku na zamai ɗa kai.

¹⁰A muɗa zamai pra ɓa: Ku toora eziɗi yai azumai war pi zi tiki par ɗa ku tuku Epiɗ-ɗai, hlai n’amai ɗa ku zaŋ ku tuku lai.

¹¹Hanɗa paŋ aga a vada edi, amma tuku aga ku vada edi kai; Aga a tuura edi kafa maini sapa nɵa.

¹²Aga ku faɗaŋ amai maini kaput nɵa, aga ku bundaŋ gaini wala na zamai, maini sapa na ɗif a bundaŋ nɵa, amma tuku, a suku ɵa, buzaku a vada kaalai.

¹³Arbaɗi ɗai zi ɵeŋ na war fuŋ n’Alaw ɗa, ktai n’a muɗa ka sini ɓa: Sumnasi azumai ɵima na dam haa mu bundiɗi gawku paŋ aŋ wala na ku ha amai midiɗi paramaiku midini a na ɗi?

¹⁴Nagai paŋ e ɗi seze zi ɵeŋ kai ɗi? N'e ɵiniɗisi edi buri e zini piɗi nagai n’aga e nivi kûri ɗa kai ɗi?