Read Mousgoum Hebrekai 13 Bible Online

Hebrekai 13 - Mousgoum bible

Hebrekai 13

¹Hili wuzaki gaini diri zi tawal n’arbaɗi marki.

²Morkokoi n’e hilisi ahaki ɗa, ki yimiɗi sik i pɗem, ki wuli miɗiki gaini hanɗa kai. Buri zamai, won hlai n’e zi hanɗa, e yimiɗi ɗai zi ɵeŋ na war fuŋ-n’Alaw siɗi war siɗi kai.

³Ki hini miɗiki a kɵa buriɗi nagai n’e ɗa war daŋgai, maini na tiki ki ɗa warɗi daŋgai gaiɗi nɵa, nagai n’e ɗa siɗi gir ɗa, nɵa lai, buri ɓa tiki ki ɗa ar si lai.

⁴A zuva ɓa tiki ɗa, ɗif paŋ a sini hormo, hlai zi feŋ na wiini wus gaiɗi muni ɗa, wala na hi-hir aga a za warni kai. Alaw aga a ɗûkliti sariya midiɗi nagai n’e piyi payai na hi-hir, gaiɗi n’e zi maɵara lai.

⁵Ki hini dirini farai a nagga sin hiiniki kai, ki firyi gaini wala n’aŋ tiki ɗa, Buri Alaw gaini midini dama a muɗa ɓa: Aga mu hinuku edi duk kai, mu hinuku edi duk kai zaŋ lai.

⁶Buri nɵa, mu kuɗumu aŋ muɗumu gaini hangalmu ɓa: Epiɗ-ɗai a ni n’a zina pa, mu huna zamai ɗa a ma ɗa? Ɗif murɗek a za sa ɗa a ma ɗa?

⁷Ki hini miɗiki a kɵa gaiɗi nagai n’e ɵi wuzaki, nagai n’e ɓiki seŋ n’Alaw siki, tili dibini suŋfaɗi, tili sini yimi na wiiɗi lai.

⁸Yesu Kristu a na ɗa ɵa, a bunda kai, a ɗibi, girna, haa hlai n’a vada kai.

⁹Ki hini ɗif a tirɗiki edi gaini hitrai zamai zamai na maafanai ɗa kai, buri ɓa agul te nava gdaŋ pin yum, gaini wala zi simi kai, buri gadai na wiini simi ɗa a za wala ktai na pɗem siɗi nagai n’e ɗa zi gaini gadaini.

¹⁰Tumu ɗa gûwiŋ zi ɓaka na wiimu a na, nagai n’e zi sda amlai warni gumu ɗa, e kiɗi e nivi simi na wiiɗi war na wiimu par kai.

¹¹Wazagai n’e fiɗiŋ liaŋ ɓaka ɗa, pai n’abai zi ɓaka a ka felni amlai war Hlai na sɗik, kapai a za ɓaka burini tuwur gaini, amma wazagai hanɗa mal ɗa e yiŋ edi, anene duɓani fuŋ n’abai ɗa par.

¹²Nɵa Yesu lai, kapai a bindiɗi ɗai edi sɗik gaini fel na wiini ɗa, a sɗa gir anene duɓani fuŋ n’abai ɗa par.

¹³Buri nɵa, hulumo anene sini, edi duɓani fuŋ ɗa par, tupumu gaini aŋ liba siyerni.

¹⁴Buri ɓa fuŋ n’abai n’a vada edi kai na wiimu aŋ war hlai hanɗa kai, amma mu piyumu na ɗa a fuŋ n’abai n’a na halasi.

¹⁵Buri nɵa, war Yesu zumu ɓaka zi kol sini Alaw kûreɗ-kûreɗ, a dara muɗa: wala n’a niyasi wr mi par a na sa kol sin Alaw wuzani arɗi ɗai doogo.

¹⁶Amma zini pɗem, gaini zinai n’arbaɗi marki ɗa, ki hini miɗiki a wula gaini kai, buri Alaw a firya ɗa a ɓaka na mai hanɗa ɵa ɗa

¹⁷Ki ɵini piɗi nagai n’e ɵi wuzaki, ki gidi piɗi lai, buri nagai e ɗa tiki hangalɗi siki, buri e siɗi ɓa Alaw aga a zilbiɗi midini. Hiniɗi e zi hanɗa gaini marava kai, buri hanɗa a za wala na pɗem siki kai.

¹⁸Ki siiwi buriyi, buri mi yimi fakat ɓa mi ɗa gaini hiini na pɗem, mi diri mi piyi payai na pɗem wuzani arɗi ɗai paŋ lai.

¹⁹Mu siiwiki abai paŋ ɓa ki zi hanɗa kapai mu wayaɗi siki witaw a suwa.

²⁰A zuva ɓa Alaw n’a sa ɵeɗ, ni n’a ɵiyasi ɗif zi giɗimi n’abai Epiɗ-ɗaimu Yesu Kristu, amai war mri par, war fel na wiini bonu n’a vada kai,

²¹a bindiki aŋ kiɗi burini wazagai na pɗamai paŋ, kapai ki zi dirini, a zuva ɓa a za wazagai n’a tala arni pɗamai gaimu war Yesu Kristu. Ni na kol a wiini haa hlai n’a vada kai. Amen.

²²Tawalakai, mu siiwiki, ki yimi arai zi pi hanɗa siki, buri mu ɗoɗi siki gulai kadai.

²³Timotewus na tawalmu ɗa e ɵiŋsi ya, na ɓa a cosi li witaw ɗ, aga mi hiliɗi piɗi maryi aŋ ɗugliki.

²⁴Ki ɵibiɗi wuti wiiɗi nagai n’e ɵi wuzaki ɗa, gaiɗi zi yimi paŋ lai. Nagai na war Italia e ɵiɓiki wuti.

²⁵Yum a sumna gaiki paŋ.