Read Mousgoum Hebrekai 3 Bible Online

Hebrekai 3 - Mousgoum bible

Hebrekai 3

¹Nɵa ɗa, tawalakai na sɗik, na ki nivi yiki n’amai par, ki mili arki sini Yesu, ni na tumu mu suɗuŋmu edi gaglai, ɓa Apostel, Pai zi ɓaka n’abai lai.

²A nafu jre arni Alaw n’a varaŋ ɗa, maini na Musus a naka war dalamni nɵa.

³Buri nɵa a kiɗa buri a nava kola suwa na wiini Musus, buri ɓa ɗif n’a rgiti dilimi ɗa, kol na wiini a sûwiti dilimi n’a rgiti ɗa.

⁴Buri dalam paŋ ɗa a rgaŋ ɗa a ɗif, amma Ni n’a rga wazagai paŋ ɗa a Alaw.

⁵Musus a nafu aŋ ɗif na jre war dalam na wiini Alaw, maini ɗif zi sd nɵa, aŋ za zaida midini wazagai n’aga a muɗasi edi asakal.

⁶Amma Kristu a na midini dalamni ɗa maini Ahi nɵa, dalamni hanɗa mu ɗumu tumu, na ɓa mu hinumu yimumugaini gaini biyi-na-pin-ɵeɗ na wiimu, na mu ɗumu mu kulumu sumu gaini ɗa edi kai ɗa.

⁷Buri nɵa, maini na Seze-sɗik a na muɗa ɗa nɵa: Girna ɗa, na ɓa ki lini li wulani Alaw ɗa,

⁸ki bindi agulki gdaŋ, maini n’a za war fiki n’amai ɗa nɵa kai. War mefeŋ na ki titimiŋ edi war basga na kaɗataŋ

⁹na tamaiki e piyiŋa ma, e titimiŋa, -e tili sdaŋa, gaini arɗi lai

¹⁰haa buza doogo doogo puɗu. Buri nɵa agula te lumaŋa sin pinziba hanɗa, mu muɗa lai ɓa, hiiniɗi a wula na ɗa edi sek, sek e siɗiti futi na wiya kai,

¹¹nɵa war hiyŋa mu ha wala ma maini nɵa: aga e niyi war si n’amla na wiya duk kai zaŋ.

¹²Ki zi hangal, tawalakai, a zuva ɓa agul na maafuni, zi yimi-kai aga te za warni ktai arbaki kai, kapai ki hina Alaw na karni edi kai.

¹³Amma aga ki si arai zi pi arbaɗi marki mefeŋ mefeŋ paŋ, hlai na ɗif a na yika "girna" mini hai ɗa, kapai ktai arbaki a sɗa aŋ tirɗa edi pin diri zi rhai na wiini tuwur kai.

¹⁴Buri ɓa tumu aga mu nuvumu bri na wiimu gaini Kristu, na ɓa mu ɗiyumu li gdaŋ war yimi na mu tukumusi pumu gaini, haa sin dibi.

¹⁵Won hlai na ɗû a muɗa maini nɵa: Girna, ɓa ki ɵini wulani Alaw li ɗa, ki bindi agulki gdaŋ, maini n’a za war mefeŋ na wiini fiki n’amai ɗa nɵa kai.

¹⁶Nagai n’e ɵini, mini Alaw, amma e ɓilkini agulni ɗa, e ɗi ɗai ma ɗa? E ɗi nagai n’e niyisi edi war Egipte par gaini Musus ɗa kai ɗi?

¹⁷A za hiy haa buza doogo doogo puɗu ɗa siɗi ɗai ma ɗa? Siɗi nagai n’e zi tuwur, n’e mrisi edi war basga na kaɗataŋ ɗa kai ɗi?

¹⁸A ha wala mini ɓ'aga e niyi war si n’amla na wiini kai ɗa wiiɗi ɗai m ɗa? Wiiɗi nagai n’e diri e ɵini Gat kai ɗa kai ɗi?

¹⁹Nɵa mu suɗumu gaglai ɓa e kiɗi e niyi war si n’amla kai ɗa burini yimi kai na wiiɗi.