Read Mousgoum Yakob 5 Bible Online

Yakob 5 - Mousgoum bible

Yakob 5

¹Tiyana, tiki zi farai ɗa, tuwi, ɗûûli lai, burini gir n’a na halasi buriki.

²faraiki ɗa aŋ gaini hufi ta, sapa na siki ɗa bumi a lumaŋ ta ta lai.

³Or gaini arzaŋ na wiiki ɗa, aŋ gain cuuri cor, cuurini ɗa aga a za aŋ wala zi zaida buriki, aga a luma neŋ siki maini afu nɵa, sini mefeŋ n’asakal ta ɗa, tiki ki tipi der amai viya.

⁴Vrakɗi ɗai zi sda n’e zi sdani hiɗi war vowaiki ɗa a na ɗuula, suuraɗi ɗai zi hiɗi ɗa a co haa ɵiman Epiɗ-ɗai zi Spak paŋ ta.

⁵Tiki ki ɗika warɗi yai ɗa war muluk, ki simi ɗa a wazagai a maakai ki simni warni hlai na pɗem, ki liki siki war mefeŋ n’e ɗa fiɗi ɗai edi.

⁶Tiki ki kûti sariya midiɗi ɗai, ki fiɗi na jre ɗa edi lai, a bla edi arki kaalai.

⁷Buri nɵa tawalakaya, ki ziyi seŋ gaini hangal, haa sini gizini Epiɗ-ɗai. Ɗif zi hirim a baiya alini seyem na pɗamai n’arni aft par gaini hangal, haa a rɗa alini seyem n’a naiya avut, gaini n’asakal ɗa lai.

⁸Tiki nɵa lai, ki ziyi seŋ gaini hangal, ki ɗiyi gdaŋ buri gizini Epiɗ-ɗai a ŋasi gobi.

⁹Tawalakya, ki nuumi wuzaɗi marki kai, kapai sariya te ɗukla midikki kai, ɗif zi ɗûkliti sariya ɗa aŋ min hlai zaw.

¹⁰Tawaklakaia, burini gir gaini ziyini-seŋ na gaini hangal ɗa, ki mili arki siɗi ɗai na min Alaw, n’e miɗi edi war yikini Epiɗ-ɗai ɗa.

¹¹Sleɗ midiɗi nagai n’e libi gir ɗa, tiki ki ɵini seŋ midini gir na wiini Yob, ki tili dibini n’EPIƊ-ƊAI a siŋni ya lai; buri Epiɗ-ɗai hiinini haw warni gara, pɗem gara lai.

¹²Tawalakaya, a suwa paŋ ɗa, ki hi miki gaini hlai n’amai kai, gaiɗi yai kaalai, gaini wala zi hi mi ktai kaalai, kam na wiiki a ɗiya nkam ɵa, zaw kai na wiiki a ɗiya zaw kai ɵa lai, kapai ki kɵi warni sariya kai.

¹³Arbaki ɗa, na ɓa ɗif aŋ war gir ɗa, a pɗem ɓa a siiwa, na ɓa ktai aŋ war fiiriyi ɗa, a pɗem ɓa a zina yama.

¹⁴Na ɓa ktai a na veglek ɗa, a pɗem ɓaa yikiɗi n’abakai na war tipi sini, nagai aga e siiwi burini, e girdini emel sini lai, war yikini Epiɗ-ɗai.

¹⁵Siiwa n’e siiwiŋ gainni yimi hanɗa aga a kurɗa ɗif zi veglek ɗa, Epiɗ-ɗai aga a tikaŋ amai, na ɓa a za ɗa a tuwur ɗa, aga a nava ni burini lai.

¹⁶Buri nɵa ki himi tuwurki wuzaɗi marki arbaɗi marki, ki piyi pɗem na wiiɗi marki arbaɗi marki lai, kapai ki nivi zûûli. Siiwa na wiini ɗif na jre ɗa, gdaŋni abai gara war sdani.

¹⁷Eliyas a ɗif murɗek mainimu tumu nɵa, a siiwa gaini kurfuk kapai faŋ a ɵa kai, faŋ a ɵa midiɗi yai kai, haa buza hu gaini tile ɵaara.

¹⁸Asakal par a waya a siiwa pra, hlai n’amai a sasi faŋ, afti a sa seyem lai.

¹⁹Tawalakaya, na ɓa ktai arbaki a wula li edi sini jre par, na ɓa ɗif zamai a wayaŋsi li warni ɗa,

²⁰aga a yima midini ɓa, ɗif n’a wayasi li ɗif na tuwur, edi warɗi futi n’a wula edi warɗi par ɗa, aga a kurɗa suŋfani mini mri par, a tuwur viya lai.