Read Mousgoum 1 Peter 1 Bible Online

1 Peter 1 - Mousgoum bible

1 Peter 1

¹Peter, apostel na wiini Yesu Kristu, siɗi zi viri n’edi n’e ɗa aŋ zak, -war Pontus, war Galatia, war Kapadokia, war Asiya, war Bitiniya lai.

²N'Alaw Api a yikiɗisi li, wuzani hlai par, war zi-n’edi aŋ sɗik na wiini Seze, burini ɵinini-gat, gaini yimini fel na wiini Yesu Kristu. A zuva ɓa yum gaini ɵeɗ a sa siki abai a suwa.

³Kol sini Alaw, Epini Epiɗ-ɗaimu Yesu Kristu, na pin yumni n’abai, a wuumu hehe pra, war ɵiyi-n’amai na wiini Yesu Kristu arbaɗi zi mri par, kapai mu nuvumu biyi na pin ɵeɗ,

⁴sin bulum n’a ɓilka edi kai, na gaini didiɓi kai, na jufni a ɓa kai, n’aŋ war gɗam amai war fuŋ-n’Alaw buriki, aŋ wiiki tiki

⁵n’Alaw a na giɗmiki warni spakni, pin yumni, sin kûri n’a ŋa gobi aŋ siŋkasi edi war mefeŋ n’asakal.

⁶Nɵa, aga ki vi gaini firiyi, koo ɓa tiyana ki ɗa war kwimi buri titimi zamai zamai n’a na za siki buri hlai n’agwi ka ɗi ɗa, a zuva ɓa a z ɗa ɵa.

⁷Kapai ɗa yimiki na gai titimi tam, na pɗemni a suwa or n’afu a tetemaŋ ya, n’a ɓulka edi ɗa, aga a za aŋ wala zikol, z'abai, gaini hormo lai, won hlai na Yesu Kristu aga a siŋkasi sini edi ɗa.

⁸Tiki ki tiliŋ ka duk kai, paŋ ktai ki diriŋ, tiyana kaw, ki ɗa tiliŋ kai, amma ki tiki yimiki midini, nɵa lai ki vi gaini firyi na min ɗif a sɗa aŋ muɗaŋ kai. Gaini firiyi n’abai gara,

⁹Aga ki nvi wala na ki yimi burini ɗa, a dara muɗa Kuri na wiini suŋfaɗi agulki.

¹⁰Kuri hanɗa ɗai na min Alaw, n’e miɗi edi midini yum n’Alaw a saŋ siki ɗa, e piyi aŋ tiili ezini edi, aŋ fifiki pini edi lai.

¹¹E piyi aŋ siɗi sarti gaini wazagai n’a aga a za, na seze na wiini Kritu n’a na warɗi a muɗa midini ɗa, seze n’a muɗa wuzani hlai par miini gir na wiini Kristu gaiɗi abai n’a t'aŋsi asakal hanɗa par lai.

¹²Alaw a yimiŋɗi midiɗi ɓa: Seŋ n’e miɗiŋ edi na ɗa, a na buriɗi nagai dama kai, amma a wiiki, tiyana nagai n’e ɓiki labr na pɗem ɗa, e miɗiki seŋ hanɗa edi, gaini spak na wiini seze sɗik, n’Alaw a ɵinaŋsi amai war fuŋ n’Alaw par. Ɗai zi ɵeŋ na war fuŋ n’Alaw maa e diri e siɗi ezini seŋ hanɗa edi lai.

¹³Buri nɵa, ki simni karki war hiiniki, ki simni gaini hangal, ki tiki hiiniki midini yum na Yesu Kristu aga a saŋ siki won hlai n’a siŋkasi sini li edi.

¹⁴Maiɗi ali n’e zi pin gadai nɵa, aga ki tiɓipini diriki n’avut, maini na ki ɗi ka warni, ar siɗi kai ɗa nɵa kai.

¹⁵Amma maini ni n’a yikikisi ɗa a na sɗik nɵa, nɵa tiki lai aga ki simni sɗik war payaiki paŋ.

¹⁶Buri aŋ ɗû ɓa: Aga ki simni sɗik, buri ta, mu na sɗik.

¹⁷Na ɓa ki yiki aŋ epiki ni n’a za sariya wiini asiya asiya ɗi paŋ pin sdani sdani, gaini ɓrw kai ɗa, nɵa aga ki piyi war hunai, won hlai na ki ɗa war zak.

¹⁸Buri tiki ki siɗi ɓa, e wirikisi edi warni payaiki n’a nafa kai, na ki niviŋ siɗi tamaiki par ɗa, gaini wazagai n’a kiɗa a ɓulka edi maini or gaini arzaŋ nɵa kai,

¹⁹amma gaini fel na caŋ gara, na wiini Kristu, na maini na wiini ahiɗi adumi na tirki sini kai, na gaini bili ɓulok kai lai nɵa.

²⁰A varasi avut par, wuzani piɗi yai zi tiki par, amma a siŋkasi sini edi war dibini hlai buriki,

²¹tiki na burini ni, ki yimi war Alaw, Ni n’a ɵiyaŋ amai arbaɗi zi mri par, a sitini abai ɗa lai, -kapai yimi na wiiki gaini biyi-na-pin-ɵeɗ na wiiki a na ɗa war Alaw.

²²Maini na tki ki zi siki edi hilu gaini ɵeŋki na pin jre, kapai ki zi diri arbaɗi tawalakai, gaini rhai kai, ki diri marki arbaɗi marki abai gara, gaiɗi agul na muɗukwi.

²³Bur ɓa tiki ki wii li pra, war seyem n’a purkuɗuma kai, amma war seyem n’a sɗa aŋ purkuɗuma kai, war seŋ na wiini Alaw, n’a na karni, n’a sumna haa kureɗ.

²⁴Buri ɓa, wala na karni paŋ a na maini evek nɵa, abai na wiini paŋ ɗa te na maini cifiyini evek nɵa. Evek a huula, cifiyini a kɵa azumai lai.

²⁵Amma seŋ na wiini Epiɗ-ɗai a na ɗa ɵa haa hlai n’a vada kai. Seŋ hanɗa a labar na pɗem n’a ɓaka siki.