Read Mousgoum 1 Peter 2 Bible Online

1 Peter 2 - Mousgoum bible

1 Peter 2

¹Buri nɵa ki hini sda na maafanai paŋ edi gaini yel paŋ, gaini rhai paŋ lai, gaini suuna gaini ginai paŋ lai.

²Maiɗi aliyagoi na kuɗu kuɗu nɵa, aga ki piyi aŋ ci fiyaw na gaini jilni kai na wiini seŋni Alaw, kapai gaini hanɗa ki siɗi aŋ wili amai sin kûri,

³na ɓa ki titimi pɗemni Epiɗ-ɗai ya ɗa.

⁴Hilisi sini, ni ahi-fuŋ na karni, na ɗai e biliŋ edi su, a na ɵa lai, amma aŋ gaini viri ɗaw, a zuva gara lai arni Alaw.

⁵Tiki lai, maini ahi-fuŋ na karni nɵa, ki rgi siki amai, kapai ki zi aŋ dalam zi seze, aŋ paakai zi ɓaka na sɗik, kapai ki zi ɓaka zi seze, n’Alaw a daraŋ war Yesu Kristu.

⁶Buri aŋ war ɗû maini nɵa: "Tili, aga mu tika war Siyon, ahi-fuŋ na koŋni dalam, na mu varaŋ edi, n’a juva gara lai, ni n’a yima li warni ɗa, siyer aga a yimaŋ duk kai zaŋ."

⁷Nɵa hormo hanɗa a na buriɗi tiki, na ki yimi ɗa, amma buriɗi nagai n’e yimi kai ɗa, ahi-fuŋ na ɗai zi rgi dalam e biliŋ edi ɗa, a bunda aŋ ahi-fuŋ na pɗem, n’a suwa paŋ, na war koŋni dalam.

⁸War hlai zamai pra ɓa: Ahi fuŋ zi dibi azi a huwuŋ n’a ɵiŋkaɗai azumai, e dibi sini buri e diri e yimi pin seŋ ɗa kai, hanɗa a wala na nagai e ɗa burini ɗa.

⁹Tiki ɗa ki ɗi pinziba zi viri n’edi, ki ɗi paakai zi ɓaka na wiini pai, pinziba na sɗik, pinziba n’Alaw a zaŋ aŋ wiini ta, kapai ki miɗi edi midini sda n’abakai na wiini ni n’e yikikisi edi war gegeŋ par sini gaglai, n’a zuva gara.

¹⁰Tiki na ɗipar ki ɗi ka ki ɗi pinziba kai, amma tiyana ki ɗi pinziba na wiini Alaw. Tiki na ɗipar ɗa Alaw a hiina haw buriki kai, amma tiyana a na hiina haw buriki.

¹¹Tiki zi diri gara, mu siiwiki buri ki ɗili siki burini dirini neŋ-siki n’a hitima gaini suŋfaɗi agul, maiɗi ɗai zi zak na morkokoi nɵa.

¹²Ki piyi payai na pɗem arbaɗi pinziba na zamai ɗa, koo ɓa e pi seŋ miɗiki ɓa ki zi ɗa a meefeŋ tekeɗeɗi, pin sdaki na pɗem ɗa, e kûli Alaw war mefeŋ n’a halasi li aŋ ɗugliɗi ɗa.

¹³Burini Epiɗ-ɗai, ki ɵini piɗi n’abakai n’e tikiɗi aŋ ŋi midini afti, pin pai n’a ŋa midini hlai paŋ,

¹⁴piɗi lawanai n’e siniɗi edi buri e zi sariya wiiɗi ɗai n’e zi meefeŋ, e kuliɗi nagai n’e zi pɗem ɗa lai.

¹⁵Ɗirini Alaw a na ɗa ɓa: won hlai na ki zi pɗem ɗa, ki dugiɗi a miɗi ɗai n tatalakai, n’e siɗi miɗi kai ɗa.

¹⁶Ki zi siki aŋ ɗai na gaini pli edi, pli n’edi na wiiki ɗa aga a za aŋ sapa n’a bara midini meefeŋki ɗa kai, amma ki zi siki aŋ bagakai na wiini Alaw.

¹⁷Ki zi hormo wiiɗi ɗai paŋ, ki diriɗi tawalakaiki war hunai paŋ, ki hûni Alaw, ki sini hormo sini pai lai.

¹⁸Tiki zi sda, ki ɵini piɗi epin-gezakaiki war waagai paŋ, piɗi na pɗamai gaiɗi na hangallai ktai kai, amma piɗi nagai na seŋɗi gir ɗa lai.

¹⁹Buri hanɗa a yum, na ɓa ɗif a liba gir burini Alaw, na ɓa a sɗa gir pin meefeŋ ktai ta kai ɗa;

²⁰Na ɓa ɗif a sɗa gir buri ɓa a za tuwur ɗa, kol na wiini aŋ wata ɗa? Amma na ɓa a sɗa gir buri ɓa a na za pɗem ɗa, a wala na pɗem arni Alaw.

²¹Alaw a yikikisi sini hanɗa, buri ɓa Kristugaini midini dama a sɗa gir buriki, a bunda aŋ wala na ki hitri sini par, kapai tiki lai ki tiki ezini:

²²Ni ɗa a za tuwur kai, e nivi rhai war mini kaalai;

²³won hlai n’e tirkiŋ, a waya tirki kai; won hlai n’a sɗa gir ɗa, mini a muɗa seŋ na meefeŋ kai, amma a hina sini war tini ni n’a ɗûkliti sariya war ɗikat.

²⁴Ni gaini midini dama a liba tuwur na wiimu, war sini amai sini luwuŋ zi dagra, kapai ɗa gaini mri sin tuwur, mu sumnumu karmu sini jre-ɗikat; tiki ki nivi zûûli ɗ buriniwuruk na wiini.

²⁵Buri ki ɗi ka maini adumai n’a wul edi nɵa amma tiyaa ɗa, tiki ki wiyisi li sini ni n’a ɗif zi giɗimi na wiiki sin ni na giɗima suŋfaɗi agulki.