Read Mousgoum 1 Peter 3 Bible Online

1 Peter 3 - Mousgoum bible

1 Peter 3

¹Falakai, tiki nɵa lai, ki ɵini piɗi maɵagaiki, kapai na ɓa zamai e ɗa n’e diri e ɵini pini seŋ kai kaw ɗa, aga e yimi pin payaiki, koo ɓa ki miɗi seŋ siɗi kai ɗi,

²won hlai n’e tili li sdaki na hilu, na zi hormo lai ɗa.

³A zuva ɓa gan na wiiki a juva anene war amur-si kadai kai, maini ayir zi tirɗi zaw wazagai zi gan zi or zaw sapa na juvai nɵa kai.

⁴Amma aga a za ɗa a gan n’amlai warɗi agul, na wiini ɗif n’amlai, a wala zi gan na ɓilka edi kai, na wiini seze zi hangal, zi ɵeɗ, hanɗa a wala n’a tala pɗem gara wuzani arni Alaw.

⁵Falakai na sɗik na ɗipar n’e biyi tini Alaw ɗa, e zizini siɗi maini hanɗa nɵa, e gidi piɗi maɵagaiɗi.

⁶Maiɗi Sara te gada pini Abraham, te yikaŋ lai ɓa epingezaɗi, won hlai na ki zi pɗem, ki bindi aŋ aliɗi na falakai, ki hini hunai ktai maa a turliki amai kai.

⁷Maɵagai, tiki nɵa lai, ki simni gaini hangal, gaiɗi falakaiki war ɵeŋ n’arbaɗi marki, ki yimiɗi falakaiki maini wala na gdaŋni abai gara kai nɵa, ki kuliɗi midiɗi amai, buri ɓa nagai lai, e mili bulum zi suŋfa gaiki; kapai wala ktai a ɗala siiwaki kai.

⁸Na mu vada gaini ɓa: A juva ɓa hiiniki a tapa ktai, ki tili hawɗi marki, ki diri diri zi tawal arbaɗi marki, ki zi pɗem siɗi marki, ki simni warni hûsini-si.

⁹Ki wiyi meefeŋ midini meefeŋ kai, tirki midini tirki kaalai, amma ki ɓiki, buri Alaw a yikikisi ɗa sini hanɗa, kapai ki nivi ɓiki aŋ bulum.

¹⁰Na ɓa ɗif a dara suŋfa a dara a tala mefeŋ na pɗem lai a giɗimiti alesini burini meefeŋ a giɗima mini burini rhai lai.

¹¹A yima sini edi sini meefeŋ par a za pɗem a paya ɵeɗ, a tika futi pini lai.

¹²Buri Epiɗ-ɗai arni aŋ midiɗi ɗai na jre, ɵimani aŋ gai zigi zak aŋ ɵina siiwaɗi lai; amma arni Epiɗ-ɗai aŋ gaini bindi edi siɗi nagai n’e zi meefeŋ ɗa.

¹³Na ɓa ki piyi aŋ zi pɗem siɗi ɗai gaiɗi agulki paŋ ɗa, n’aga a ziki meefeŋ ɗa asiya ɗa?

¹⁴Amma ɓa ki nivi gir burini jre-ɗikatɗa, ki firyi gaini firyi, ki hûni wala n’e ɗa huniŋ ɗa kai. Ki turli amai kaalai.

¹⁵Amma warɗi agulki ɗa, ki zi Kristu n’EPIƊ-ƊAI ɗa edi aŋ sɗik, ki simni gaini zizini kureɗ aŋ muɗa edi wuzani asiya asiya paŋ n’a zilbiki miki midini biyi-na-pin-ɵeɗ n’aŋ warki.

¹⁶Amma aga ki zi hangal gaini hormo gaini hiini na pɗem laikapai nagai n’e pi seŋ miɗiki war jre kai, pin wala ktai kai gaiɗi nagai n’e tirki payaiki na pɗem war Kristu ɗa, siyer a yimiɗi.

¹⁷Ku sɗa gir buri ɓa ku na za pɗem ɗa, pɗem a suwa na ku za meefeŋ ɗa, na ɓa Alaw a dara ɓa a za suku mai hanɗa ɵa ɗa.

¹⁸Buri ɓa Kristu gaini midini dama a sɗa gir azi ktai burini tuwur Ni na meefeŋni aŋ kai, buriɗi na maafanai, kapai a kiki sini Alaw. A nava fiɗi n’edi war neŋ-si, amma war seze a bunda karni.

¹⁹Gaini seze hanɗa, a hala a ɓaka seŋ, sini seze n’aŋsi warɗi daŋgai.

²⁰Siɗi nagai na ɗipar e diri e ɵini kai, won hlai n’Alaw a na ziya seŋ gaini hangal hai ɗa, war mefeŋ na Nowa, a na zizina arken, na ɗai viya kai, mitwis kadai e kûrɗi edi arni yem par ɗa.

²¹Hanɗa a wala n’a na siŋka midini baptisme n’a na kurumu tiyana, baptisme hanɗa a tika selte na wiini neŋ-si edi kai, amma a ɗiyi na ɗif a ɗiya midini yiki n’Alaw a yikaŋsi gaini hiini na hilu, war ɵiyi n’amai na wiini Yesu Kristu,

²²n’a hala amai war hlai n’amai, n’a sumna war hlai zi hormo na wiini Alaw, na ɗai zi ɵeŋ na war fuŋ n’Alaw, n’abakai na zi spak paŋ e ɗa azumai pini.