Read Mousgoum 1 Peter 5 Bible Online

1 Peter 5 - Mousgoum bible

1 Peter 5

¹Buri nɵa, n’abakai n’arbaki, ta maiɗi n’abai, na mu tala gir na wiini Kristu gaini ara, na bri na wiya aŋ warɗi abai n’aga te siŋkasi edi lai, mu siiwiki ɓa:

²Ki giɗimi fara na wiini Alaw n’a sa war tiki, ki tiki hangalki sini, maini na war dewele nɵa kai, amma war diri maini n’Alaw a firya nɵa, burini vrk kai, amma maini n’agul te dara nɵa.

³Aŋ ŋa midiɗi nagai n’e si war tiki, maiɗi epin-gezakaiɗi nɵa kai, ammamaiɗi ɗi nafara a tala siɗi par nɵa.

⁴Nɵa won hlai n’epin-gezani adumai n’abai ɗa a siŋkasi sini edi li, aga ki niviti bogorai, na wiiɗi abai, na te ɓilka edi kai.

⁵Tiki gawlakai nɵa lai, ki ɵini piɗi n’abakai, tiki paŋ aga ki simni war hûsini-si arbaɗi marki, buri Alaw a bula edi siɗi n’e kuli-siɗi, a za yum siɗi nagai n’e hûsi siɗi.

⁶Ki wiyi siki azumai piɗi ti zi spak na wiini Alaw, kapai a yiimiki amai war sartini na cosi li ɗa.

⁷Ki tiki hiiniki paŋ midini, buri a na tika hangalni siki.

⁸Ki simni gaini hangal, ki simni karki, mat na gawki a na guna blaŋ maini gurnai nɵa a na nuuma, a paya asiya asiya ɗi paŋ n’a sɗa aŋ lumaŋ.

⁹Ki bili edi sini, ki ɗiyi gdaŋ war yimi, buri ki siɗi ɓa gir na maini hanɗa ɵa, a na za siɗi tawalakaiki n’e ɗa warɗi yai lai.

¹⁰Won hlai na ki siɗi gir li agwiya ɗa, Alaw na wiini yum, n’a yikikisi siɗi abai na wiini na te vada kai, war Yesu Kristu, ni dama aga a viki amai war pɗem, aga a siki gdaŋ, wala a sɗa aŋ migiziki kaalai.

¹¹Spak paŋ a wiini haa hlai n’a vada kai, n’a vada kai. Amen.

¹²Seŋ na mu ɗoŋɗi siki aŋ siki rai zi pi, aŋ siŋkiki lai ɓaki ɗi na war yimi na jre, na wiini Alaw lai ɗa a ɗoŋaɗi na ɗa a Silvanus, na mu talaŋ ara aŋ tawal na jre.

¹³Tipi na war Babilon na zi viri edi, maiki tiki nɵa nɵa, e ɗa ɵiɓiki wuti, gaini Markus n’ahiya lai.

¹⁴Ki ɵiɓi wuti wiiɗi marki arbaɗi marki, gaini sisiɓini-mi zi diri. Tiki paŋ, na ki ɗa war Kristu ɗa, ɵeɗ a sumna miɗiki.