Read Mousgoum 2 Peter 1 Bible Online

2 Peter 1 - Mousgoum bible

2 Peter 1

¹Simon Peter, ɗif zi sda lai, apostel na wiini Yesu Kristu lai, siɗi nagai n’e nivi yimi na wûrini abai mainina wiyi nɵa, pin jre-ɗikat na wiini Alaw na wiimu gaini Ɗif-si-kûri Yesu Kristu.

²Yim gaini ɵeɗ a sa siki abai pin siɗi na ki siɗi Alaw gaini Yesu Epiɗ-ɗai na wiimu.

³Alaw war spakni a sumu wazagai paŋ n’a kiɗa aŋ zina pini payaimu, war yimimu na pini, a siŋkumu aŋ sɗa ni n’a yikumusi gaiɗi abai na wiini, gaini gdaŋ na wiini lai.

⁴Gaiɗi abai, gaini spak, Alaw a za ɵinini-ha n’abakai gara, na pɗamai gara lai sumu, nɵa won hlai na ki nivi ɵinini ha hanɗali ɗa, ki kiɗi ki niyisi edi warɗi yai na gaini hufi tini suuna na maafanai par, ki kiɗi ki tipi ktai gaini Alaw lai.

⁵Buri hanɗa, ki fiɗi was, kapai ki tiki payai na pɗem sini yimi na wiiki, sini payai na pɗem ɗa ki tiki siɗi na jre,

⁶sin siɗi na jre ɗa, ki tiki ɗilini-si, sin ɗilini-si ɗa ki tiki siiki, sin siiki ɗa, ki tiki yimi na pin Alaw,

⁷sin yimi na pin Alaw ɗa, ki tiki diri zi tawal, sini diri zi tawal ɗa, ki tiki diri na siɗi ɗai paŋ lai.

⁸Buri ɓa na ɓa wazagai hanɗa aŋ siki, na ɓa a za li viya lai ɗa, aga a hinikikadai yaw kai, muɗaŋ kaalai, burini siɗi na mu suɗumu Epiɗ-ɗaimu Yesu Kristu ɗa.

⁹Amma ni na wazagai hanɗa aŋ sini kai ɗa, ni a ɗif na melveŋ, arni aŋ gai dûgi duk, buri midini a wula gaini tuwurni na ɗipar n’a haza edi ɗa lai.

¹⁰Nɵa, tawalakai, aga ki fiɗi was a suwa pra, buri ki siŋki yiki na ki yikisi gaini edi, gaini viri na ki virisi gaini lai. Na ɓa ki zi maini hanɗa nɵa ɗa, aga ki ɵiɓi tukum kai zaŋ.

¹¹Aga ki niyi aha, warɗi pai na te vada kai, na wiini Epiɗ-ɗai, Ɗif zi kûri na wiimu Yesu Kristu, gaini seŋ kai.

¹²Pin hanɗa, aga mu ɵiki miɗiki gaini wazagai hanɗa kûreɗ-kûreɗ, tiki ki siɗi hanɗa ya ɵa lai, ki ɗiyi gdaŋ ya war jre na ki niviŋ ya lai tekeɗeɗi.

¹³A tala ara pɗem gai futini lai, na ɓa m’aŋ war si hanɗa hai ɗa, aga mu ɵiki miɗiki gaini hanɗa kapai ki simni karki.

¹⁴Buri mu sɗa edi gaglai maini n’Epiɗ-ɗaimu Yesu Kristu gaini midini dama a siŋkaŋa ɗa nɵa, ɓa sarti n’aga mu hina si hanɗa edi ɗa a ŋasi ya gobi.

¹⁵Amma aga mu fuɗa was, kapai asakal na mu yima edi li ɗa, miɗiki aga a kɵa gaini wazagai hanɗa lai.

¹⁶Buri tiyi mi siŋkiki midini spakni gaini gizini Epiɗ-ɗaimu Yesu Kristu ɗa, pin labarna jre kai, n’a ɵina gaini gir, na ɗai e hiiniŋ war yel na wiiɗi ɗa kai, buri ɓa tiyi mi ɗi zaidakai na mi tiliti abaini gaini aryi.

¹⁷Buri Alaw Api a sini kol gaiɗi abai, won hlai na wule a halasi edi siɗiabai n’amai na te suwa paŋ par ɓa: Hanɗa a ahiya na mu daraŋ gara, n’a vaŋa firyiŋa amai gara lai.

¹⁸Wule hanɗa tiyi mi ɵiniŋ gaini ɵimayi, a wasi amai war fuŋ n’Alaw par, won hlaina mi ɗa gaini amai midiɗi huwuŋ na sɗik.

¹⁹Tiyi mi yimi ɓa seŋ na miɗi ɗai na min Alaw ɗa, a waa n’aŋ gaini ɗiyi gdaŋ, tiki ki tiki hangalki sini ɗa a futini, a na maiɗilampa na te za gaglai war hli n gegeŋ haa hlai a sɗasi edi nɵa, haa maaɵiki na gorof par te diyasi amai war agulki.

²⁰Avut paŋ, tiki ki siɗi ɓa, miɗi na wiiɗi ɗai na min Alaw n’aŋ war ɗû ɗa, a muɗa edi buri na ɓa ɗif ktai a siŋkaŋ ka edi gaglai wuzani hlai par ɗa a na ɵa kai.

²¹Buri miɗi na wiiɗi ɗai na min Alaw a muɗa edi pin dirina wiini ɗif kai, ɗai e miɗi mini Alaw edi ɗa pin huguni Seze sɗik