Read Mousgoum 1Yohana 2 Bible Online

1Yohana 2 - Mousgoum bible

1Yohana 2

¹Aliya, wazagai hanɗa, mu ɗoŋ siki na ɗa ɓa kapai ki zi tuwur kai; amma n ɓa ɗf a za tuwur li ɗa, ni n’a zizina seŋmu wuzani Alaw a na, Yesu Kristu na jre.

²Nuri ni gaini midini dama a s sini edi aŋ wala zi ɓaka, na burini tuwurmu, buri na wiimu ktai kai, amma buri na wiiɗi ɗai na midiɗi yai gaiɗi abaiɗi lai.

³Aga musuɗumu ɓa tumu mu suɗuŋmu ya ɗa war hanɗa: na ɓa mu yimumo seŋ zi gadai na wiini.

⁴Ni n’a muɗa ɓa "mu sɗaŋ ya", amma a yima pin gadaini kai ɗa, ni a ɗif z'eles, jre aŋ warni kaalai.

⁵Amma ni n’a yima seŋni, diri na wiini Alaw aŋ gaini vi amai warni gai futini. Pin hanɗa, aga mu suɗumu ɓa tumu mu ɗumu warni.

⁶Ni n’a sɗa sini ɓa a na war ni ɗa, aga a paya maini na ni a paya ɗa nɵa.

⁷Tiki marmakaya zi diri gara, na mu ɗo siki na ɗa a seŋ zi gadai na hehe kai, amma a gadai n’a na aɗipar, na ki niviŋsi war pi zi tiki par, seŋ z gadai ni ɗa a seŋ na ki ɵiniŋ ɗa.

⁸Mu kuɗum aŋ muɗumu lai ɓa a wala na hehe fakat war Yesu, warki tiki lai, buri ɓa gegeŋ a na vuga, gaglai na jre a na ŋala tiyana lai.

⁹Ni n’a yika sini ɓa aŋ war gaglai, amma a bula gaw sini tawalni ɗa aŋ war gegeŋ hai.

¹⁰Ni n’a dara tawalni aŋ war gaglai, wala zi dibi azi burini tawalni aŋ sini kai.

¹¹Amma ni n’a bula gaw sin tawalni ɗa, aŋ war gegeŋ, a paya na ɗa war gegeŋ lai, a sɗa hlai n’a na hala woni sek ɗa kai, buri gegeŋ ŋulva arni tik.

¹²Tiki aliya, mu ɗo siki na ɗa buri ɓa Alaw a hiniki tuwurki mak, burini yikini Yesu.

¹³Tiki tamai, mu ɗo siki na ɗa, buri ɓa ki siɗi ni n’a na, haa war pi zi tiki par; tiki gawlakai, mu ɗo siki na ɗa buri ɓa ki rɗi amai midini na meefeŋ.

¹⁴Aliya mu ɗo siki na ɗa, buri ɓa tiki ki siɗi Api ya. Tiki tamai, mu ɗo siki na ɗa, buri tiki ki siɗi ni n’a na war pi zi tiki par. Tiki gawlakai mu ɗo siki na ɗa, buri ɓa ki ɗa gdaŋai, buri ɓa seŋni Alaw a sumna warki, buri ɓa ki rɗi amai midini na meefeŋ ya lai.

¹⁵Ki diriti yai ɗa kai, wazagai na warɗi yai ɗa kaalai. Na ɓa ɗif a diriti yai ɗa, a dara Alaw n’Api ɗa kai.

¹⁶Buri wazagai na warɗi yai ɗa paŋ: dirini neŋ-si gaini suuna na wiini arai, gaini kûlûni-si na pin wazagai zi der, wazagai hanɗa paŋ a na sin Api par kai, amma siɗi yai par.

¹⁷Yai aga te vada edi gaini diriɗi lai, amma ni n’a na za diri na wiini Alaw ɗa aga a sumna haa hlai n’a vada kai.

¹⁸Aliya, hanɗa a hlai n’asakal. Tiki ki ɵini lai ɓa antikristu a na halasi, amma antikristu tiyana ɗa e ɗa viya. Pin hanɗa aga mu suɗumu ɓa mu ɗumu na ɗa war mefeŋ n’asakal.

¹⁹Nagai e niyiɗi arbamu par, na ɓa e ɗifu na wiimu ɗa aga e simni gaimu. Amma tiyana ɗa, siŋka edi armu gaglai ɓa arbaɗi ɗa, ktai na wiimu aŋ kai.

²⁰Amma tiki ɗa ki nivi mini-emel n’e tiki ɗai war sda gani sini na sɗik par, tiki ki siɗi hanɗa lai.

²¹Mu ɗo siki ɗa, buri na ɓa tiki ki siɗi jre ɗa kai ɗa kai, amma buri ɓa ki siɗiŋ ya, buriɓa seŋ z'eles ktai aŋ war jre kai zaŋ.

²²Ɗif z'eles ɗa asiya ɗa? A ni n’a muɗa ɓa Yesu a Kristu kai ɗa kai ɗi! Hanɗa a antikristu ɗa, ni n’a dara a sɗa Api kaalai, Ahi kaalai ɗa.

²³Asiya ɗi paŋ n’a muɗa ɓa a sɗa Ahi ki ɗa, Api aŋ gaini kaalai, amma ni n’a sɗa Ahi ɗa, Api aŋ gaini.

²⁴Amma tiki ɗa a zuva ɓa se! na ki ɵiniŋ war pi zi tiki par ɗa a sumna warki na ɓa wala na ki ɵiiŋ war pi zi tiki par a na warki ɗa, tiki lai aga ki simni warni Ahi gaini Api.

²⁵Wala na ni a zumu ha midini ɗa a suŋfa n’a vada kai.

²⁶Mu ɗoɗi wala hanɗa siki buriɗi nagai n’e ɗa wiliki edi ɗa.

²⁷Amma tiki, mini-emel n’e tiki ɗai war sda gaini, na ki niviŋ sini par ɗa, aga a za gaiki, jaaki buri ɗif a hitriki kir kai, maini mini emel n’e tiki ɗai war sda gaini na wiini ni n’aga a hitriki midini wazagai paŋ nɵa, ni ɗa a jr, eles warni kai, ki simni warni ni, maini na mini emel n’e tiki ɗai war sda gaini a hitriŋki nɵa.

²⁸Tiyana ɗa aliya, ki simni warni, kapai koo ɓa gizini a za kaswata ɗi mu sumnumu gaini yimi, kapai mu tukumu siyer, mu sumnumu edi gaigai sini par war gizini kai.

²⁹Na ɓa tiki ki siɗi ɓa Kristu a na jre-ɗikat, aga ki siɗi lai ɓa asiya ɗi paŋ n’a za jre ɗikat a waŋsi ɗa a Alaw.