Read Mousgoum Paakai zi sariya 12 Bible Online

Paakai zi sariya 12 - Mousgoum bible

Paakai zi sariya 12

¹Ɗai na war pinzbani Efrayim e tipi siɗi, e hili a Safon. E zilbini mini Yefte maini nɵa: Won hlai na ku hala aŋ hitima gaiɗi alini Ammon ɗa, ku yikiyi gaiku kai buri maɗa? Tiyi aga mi ɵi afu pini dalamku, mi yuku edi gaini lai.

²Yefte a wiyiɗi seŋ a muɗa: Ta gaiɗi ɗaiɓa ɗa, seŋ a nafu arbaɗi gdaŋ gaiɗi pinzibani Ammon, won hlai na mu zilbiki buri ki zini pa ɗa, tiki ki piliɓa edi war tiɗi par kai.

³Won hlai na mu tala ɓa ki hili fu aŋ piliɓa edi kai ɗa, mu sa suŋfaŋa edi ta, mu niya aha piɗi Amonitekai, EPIƊ-ƊAI a siɗiŋa war ta lai. Girna ɗa, ki hilisi aŋ hitimiŋa ɗa buri maɗa?

⁴Asakal hanɗa, Yefte a tipiɗi ɗai na war Galaad ɗa paŋ aŋ hitima gaiɗi ɗai na war pinzibani Efrayim, ɗai na Galaad e rɗi amai midini pinzibani Efrayim, buri ɗai na war pinzibani Efrayim e miɗiɗi ɓa: Tiki ki ɗi ɗai na ki prisi gaini pri edi war pinzibani Efrayim par, war pinzibani Manase par lai.

⁵Ɗai na Galaad e tiki hlai n’e huwi woni ta ta na war ra Yurdan ɗa, kapai e cikiɗi ɗai na war pinzibani Efrayim n’e vigizi woni ɗa. Ɗif paŋ na war pinzibani Efrayim n’a vugasi li woni ɗa, ɗai na war pinzibani Galaad e zilbini mini maini nɵa: Ku ɗif na Efrayim ɗi? A waya seŋ li ɓa, zaw kai ɗa,

⁶E miɗini ɓa, ku yika ɓa: cibolet haw, na ɓa ni a yikaŋ li ɓa: Sibolet ɗa, nɵa e siɗi ɓa a ɗif na Efrayim, nɵa e yimiŋ, e ɵi wulani mini hlai zi huwi na wulani Yurdan ɗa. Ɗai na war pinzibani Efrayim e mri dubu doogo doogo puɗu pi sulu war mefeŋ ni ɗa.

⁷Yefte a za aŋ gaŋgalaŋ zi spak aha warɗi Izrayel haa buza ɵaara, asakal par a mra, e piŋ war fuŋ n’abai ktai war Galaad.

⁸Asakalni par, Ibsan na Betlehem a bunda aŋ gaŋgalaŋ zi spak war Izrayel.

⁹Alini na maɵagai ɗa doogo doogo hu, na falakai doogo doogo hu lai, a siɗi alini na falakai wiiɗi pinziba na zamai, a mulasi falakai wiiɗi alini na maɵagai na doogo doogo hu edi arbaɗi pinziba na zamai ɗa par lai. A sumna aŋ gaŋgalaŋ zi spak war Izrayel haa buza muguzak.

¹⁰Asakal par Ibsan a mra, e piŋ war Betlehem.

¹¹Asakal par Elon na Zabulon par, a bunda aŋ gaŋgalaŋ zi spak aha war Izrayel, a za buza doogo war sda hanɗa.

¹²Asakal par Elon a mra, e piŋ war Ayyalon midini afti na wiini Zabulon.

¹³Asakalni par, Abdon n’ahini Hilel na war fuŋ n’abai na Piraton par a bunda aŋ gaŋgalaŋ zi spak war Izrayel.

¹⁴Alini na maɵagai doogo doogo puɗu, tiyakaini doogo doogo hu lai, e zi paŋ doogo doogo muguzak, e hili gaini ablehökai doogo doogo muguzak lai. A za buza war sda hanɗa mitwis.

¹⁵Asakal par a mra e piŋ war Piraton midini afti na wiini Efaiim, midini huwuŋ na wiiɗi Amalekekai.