Read Mousgoum Paakai zi sariya 17 Bible Online

Paakai zi sariya 17 - Mousgoum bible

Paakai zi sariya 17

¹Ɗif ktai a naka midini hlai zi huwuŋ na wiini Rfraiim par, yikini ɓa Mika.

²Mefeŋ ktai a miɗiɗi wiiɗi emini mani nɵa: Sulaiku zi arzaŋ na dubu gai miya ɗaw n’e miliŋ, na ku muɗa seŋ na meefeŋ sini ɗif zi mihill burini wuzani ara ɗa, mu mulaŋ ɗa mu ta. Mu mula farai hanɗa mu ta. Nɵa emini te miɗini: Ahiya EPIƊ-ƊAI a ɓukuku.

³A wiyiɗi sulai zi arzaŋ na dubu gai miya ɗaw wiiɗi emini, nɵa emini te muɗa: Farai hanɗa aga mu saŋ edi wiini EPIƊ-ƊAI, kapai mu za alaw zi rgi wiini ahiya gaini, n’a zizina gaini kawai zi hiliyi-Tiyana, yima farai hanɗa ta par.

⁴Nɵa a wiyiɗi farai hanɗa wiiɗi emini. Emini te mula arbani par sulai zi arzaŋ miya sulu, te siŋni wiini ɗif zi hiliyi kawakai ca. Ɗif zi hiliyi kawakai a zizina alaw zi rgi na gaini kawai zi hiliyi. E ɗiyiŋ amlai war dalamni Mika.

⁵Mika a nafu gaini hlai zi siiwi Alaw ahani, a zizina alaw zi rgi zamai ktai, gaini alawai zi rgi n’agogoi n’amlai war dalam lai, a tika ahini ktai midini ta, aŋ za sda wuzani aŋ pai zi ɓaka.

⁶War sarti ni ɗa, pai a nafu war Izrayel kai, ɗif paŋ a za maini n’a dara nɵa.

⁷Gawla ktai a nafu war Betlehem, na war Yuda, piɗi humuni na wiini Yuda, a levite, a sumna woni aŋ zak.

⁸Ɗif ni ɗa a halasi war fuŋ n’abai na Betlehem na war Yuda par, aŋ paya hlai n’a kiɗa a sumna woni aŋ zak. Won hlai n’a na hala wuzani sek aŋ paya hlai zi simni midini hlai zi huwuŋ na wiini Efrayim ɗa, a co sini dalam na wiini Mika.

⁹Mika a miɗini: Ku halas wata par ɗa? A wiyini seŋ: Mu levite, na Betlehem na war Yuda par, mu hala na ɗa, aŋ paya hlai na mu kiɗa mu sumna woni aŋ zak.

¹⁰Mika a miɗini: Sumna gaya won na. Za aŋ apa, aŋ pai zi ɓaka na wiya lai, aga mu suku sulai zi arzaŋ doogo war buza dam, mu suku sapa gaini simiku lai. Ɗif na levite ɗa a giriŋa agwiya,

¹¹asakal par a za ha buri a sumna gaini Mika, ni a yimaŋ maini ktai arbaɗi alini ɵa.

¹²Mika a tika levite ɗa war sda, gawla hanɗa a bunda aŋ pai zi ɓaka na wiini, a sumna ahani lai.

¹³Mika a muɗa: Tiyana ɗa mu sɗa ɓa EPIƊ-ƊAI agaa za pɗem sa, buri ɓa pai zi ɓaka na wiya ɗa a levite.