Read Mousgoum Paakai zi sariya 4 Bible Online

Paakai zi sariya 4 - Mousgoum bible

Paakai zi sariya 4

¹Asakal mrini Ehud par, aliɗi Izrayel e wiyi aŋ zi wazagai na maafanai wuzani arni EPIƊ-ƊAI pra.

²EPIƊ-ƊAI a siɗi edi tini Yabin, pai na Kanaan n’a sumna war fuŋ n’abai na Hatsor, abaiɗi askaraini na wiini yikini ɓa: Sisera, a sumna war fuŋ n’abai na Haroset-Goyim.

³Aliɗi Izrayel e siɗi gir tini Yabin haa buza caaɓa, buri ɓa Saret zi gaw zi kawai na wiini miya ɵeeŋe, nɵa e tuwi EPIƊ-ƊAI.

⁴War sarti ni ɗa, muni na mini Alaw ktai na yikiɗi ɓa Debura munini Lapidot te nafu aŋ gaŋgaleɓi zi spak war Izrayel.

⁵Te sumna azumai aŋ za sariya ɗa, pini hura na e yikiŋ ɓa: Hura n’e sini yikiŋ ɓa: Hura na wiiɗi Debura, arbaɗi Rama gaiɗi Betel, war hlai zi huwuŋ na wiini Efrayim. Aliɗi Izrayel e hili amai siɗi kapai te ziɗi sariya.

⁶Te ɵina pini Barak, n’ahini Abinowam na war Kedes-Neftali par, te miɗini: Epiɗ-ɗai Alaw na wiiɗi Izrayel a na muɗa suku maini nɵa: Hala siɗi huwuŋ Kabor, arbaɗi pinzibani Neftali gaini Zabulon par, ku mula ɗai zi hatam puku dubu doogo.

⁷Aga mu hogoɗi Sisera na abaiɗi askarai na wiini Yabin ɗa aŋ halaɗi edi mini yem zi ki na Kison gaini Saretaini zi gaw gaiɗi askarai na pini ɗa lai; buri aga mu saŋ war tuku.

⁸Barak a miɗiɗi: Na ɓa ku hala gaya ɗa, aga mu hala, na ɓa ku hala gaya kai ɗa, aga mu hala kaalai.

⁹Debura te wiyini seŋ: Aga mu hala gaiku, amma, futi na ku tikiti na ɗa aga ku nava kol kai, buri ɓa EPIƊ-ƊAI, aga a sa Sisera ɗa war tiɗi muni. Debura te hala gaini war Kades.

¹⁰Barak a tipiɗi ɗai na war pinzibani Zabulon gaini Neftali war Kades, ɗai e hili gaini dubu doogo, Debura te hala gaini lai.

¹¹Heber na war pinzibani Kenit, a yima sini edi siɗi pinzibaɗi kenitai na zamai ɗa par, siɗi alini Hobab na muɗini Musus, a hala haa edi sini luwuŋ Terebente n’aŋ war Sanaiim, gobi gaiɗi Kades, a pa gumuni woni.

¹²Labar a cosi sini Sisera ɓa, Barak n’ahini Abinowam ɗa a ha amai midiɗi huwuŋ Tabor.

¹³Nɵa Sisera a tipiɗisi ɗai na wiini haa a Haraset-Goyim par, agoɗom wulani yem zi ki na Kison gaini Saret zi gaw zi kawai na miya ɵeeŋe ɗa paŋ.

¹⁴Nɵa Debura te miɗini wiini Barak: Faka amai, buri girna ɗa te yuvai n’EPIƊ-ƊAI aga a sa Sisera war tuku. EPIƊ-ƊAI gaini midini dama aga a ɵa wuzaku aŋ hitimaŋ, Barak a niyasi azumai midiɗi huwuŋ Tabor par gaiɗi ɗai na dubu doogo na pini ɗa, pini.

¹⁵EPIƊ-ƊAI a hina hunai n’abai a yima Sisera, Saretaini, gaiɗi vokɗi ɗaini zi gaw ɗa paŋ e ɵiri edi, ɗai e fiɗiɗi edi gaini kaɵkar wuzani arni Barak. Sisera a hinasi Saretni zi gaw ɗa edi a lawa gaini ezini.

¹⁶Barak a tika futi pini Saretai zi gaw gaini vokɗi askarai lai haa a Haroset-Goyim ta. Askarai na wiini Sisera gaini hlaiɗi paŋ e nivi fiɗi n’edi gaini kaɵkar, ɗif ktai maa a hina piɗi kai.

¹⁷Sisera a lawa gaini ezini sini gumu na wiiɗi Yael na munini Heber na Kenit, buri ɓa ɵeɗ a nafu arbani Yabin pai na Hatsor gaiɗi pakataini Heber na Kenit.

¹⁸Yael te lawasi mini Sisera te miɗini: Niyasi amlai epin-geza, niyasi amlai ahaya. A niya amlai ahaɗi, te birini wala midini bar.

¹⁹A miɗiɗi: Sai ma ta, za barka, sasi yem zi ci agwi. Te mala miɗi agulai zi fiyaw ɗa edi, te sini a ca, asakal par te waya te birini wala midini bar.

²⁰A miɗini pra: ɗiya mini hlai zaw, na ɓa ɗif a zilbuku li ɓa: Ɗif aŋ woni na kai ɗi? Ku miɗini ɓa: Ɗif aŋ kai.

²¹Sisera a kaya abai su, weseŋ a yimaŋ marwai, nɵa Yael na munini Heber ɗa, te tikasi kawai n’e ɓili gumu gaini azumai tiɗi, te tikasi kawai n’e tûkiŋ azumai gaini tiɗi ɗaw lai, te gozosi witaw, te pa kawai na ktai pini ɵimani tiɓ, te tokoŋ azumai, haa mini a niya azumai arni afti.

²²Won hlai na Barak a na tikasi futi pini Sisera aŋ payaŋ ɗa, Yael te niyasi anene mini te miɗini: Halasi aga mu suŋkuku ɗif na ku na payaŋ ɗa. A niya amlai ahaɗi, a nava Sisera azumai waŋ gaini mri, kawai n’e ɓili gumu gaini azumai ɗa pini ɵimani gaini tûki tok la

²³War mefeŋ ni ɗa, Alaw a sa rɗi n’amai wiiɗi aliɗi Izrayel midini Yabin pai na Kanaan.

²⁴Hatam na wiiɗi aliɗi Izrayel na gaini Yabin pai na Kanaan ɗa a bunda gdaŋ a suwa haa e fiɗi Yabin pai na Kanaan ɗa edi.