Read Mousgoum 2 Yohana 1 Bible Online

2 Yohana 1 - Mousgoum bible

2 Yohana 1

¹Ta n’abai ɗa, mu dara mu ɗo siɗi Kuriya, zi viri n’edi, gaiɗi aliɗi na ta mu diriti jre jre. -Mu ta kiya kai, amma nagai paŋ n’e siɗi jre ɗa lai-

²Pin jre n’aŋ warmu, n’aga a sumna gaimu haa hlai n’a vada kai.

³Yum, gaini hiinini haw gaini ɵeɗ na wiini Alaw Api, gaini na wiini Yesu Kristu n’Ahini Api a sumna gaiki war jre, war diri lai.

⁴Mu firya abai gara buri mu niviɗi zamai arbaɗi aliku e ɗa piyi war jre, pin gadai na mi niviŋsi sini Api par.

⁵Tiyana mu siiwuku, tuku Kuriya zi diri gara, -na mu ɗoɗi suku na na ɗa a gadai na hehe kai, amma a ni na mu nuvuŋmusi war pi zi tiki par ɗa, -ɓa mu durumu marmu arbaɗi marmu.

⁶Diri a siŋka edi war zi na pin gadai, hanɗa a gadai n’aga ki piyi warni ɗa, maini na ki ɵiniŋ war pi zi tiki par ɗa nɵa.

⁷Buri ɓa ɗai zi rhi ɗai viya e birisi e ɗa edi warɗi yai, miɗi na ɓa Yesu Kristu a halasi war neŋ-si ɗa, e diri e yimiŋ kai, ɗif zi rhai zaw antikristu ɗa a siŋka edi war hanɗa.

⁸Ki giɗimi siki pɗem kapai ki bi alini wala na mu zumu sda burini edi kai, amma kapai ki nivi vrak na pɗem na gaini futini.

⁹Asiya ɗi paŋ n’a sirɓa li edi gaigai n’a dara a sumna war hitri na wiini Kristu kai ɗa, Alaw aŋ gaini kai, amma ni n’a sumna war hitri hanɗa, Api gaini ahi e ɗa gaini.

¹⁰Na ɓa ɗif a halaɗi siki aŋ ɗugliki gaini hitri hanɗa kai ɗa, ki yimiŋ siki kai, ki ɵiɓini wuti maa kai.

¹¹Buri ni n’a ɵiɓini wut ɗa a tapa gaini war sdani na meefeŋ.

¹²Sla kai ɗa, wazagai viya aŋ mada, na mu ɗoŋ siki, mu firya mu ɗoŋ war kat kat gaini ankre kai, amma mu firya mu halaɗi mu ɗugliki, mu muɗumu miɗi marmu lai, kapai firyi na wiimu a va amai.

¹³Aliɗi tawalku zi viri edi ɗa, e ɵuɓuku wuti.