Read Mousgoum 3 Yohana 1 Bible Online

3 Yohana 1 - Mousgoum bible

3 Yohana 1

¹Ta n’abai ɗa, mu dara mu ɗo sini Gayus, marmaya zi diri gara, na ta mu daraŋ jre jre.

²Marmaya zi diri gara, mu firiya ɓa ku riya amai war wazagai paŋ. A zuva ɓa ku sumna jam, war amur-suku, war suŋfaɗi-agulku lai.

³Mu firiya gara, buri won hlai na tawalakai e hilisi e miɗi edi burini jre na wiiku, gaini payaiku, na ku paya war jre ɗa lai.

⁴Firyiŋa n’a suwa hanɗa aŋ kai, won hlai na mu ɵina ɓa aliya e ɗa piyi war jre ɗa.

⁵Marmaya zi diri gara, na ku zaŋ siɗi tawalakai paŋ na ɗa, ku zaŋ na ɗa war yimi, koo ɓa a za siɗi na murgakai.

⁶E zi zaida midini diri na wiiku wuzaɗi tipi paŋ. Aga ku zina piɗi burini haajaɗi na war morkoi ɗa, maini n’Alaw a daraŋ ɗa nɵa.

⁷Nagai e niyi edi buri yikini Alaw, e nivi wala ktai maa tiɗi ɗai zi yimi kai ɗa par kai.

⁸Nɵa tumu ɗa aga mu yumuɗumu ɗai na maiɗi nagai nɵa sumu, kapai mu bundumu aŋ ɗai na mu zumu sda ktai war jre.

⁹Mu ɗoɗi seŋ ktai agwi sin tipi, amma Diotrefes, ni n’a dara ɵi na wuze a dara a yimiyi sini kai.

¹⁰Buri nɵa, won hlai na mu halaɗi li ɗa, aga mu muɗa edi midini sda n’a na zaŋ ɗa, a muɗa seŋ na meefeŋ siyi, a ni ta kai, ni gaini midini dama a yimiɗi tawalakai sini kai, nagai n’e firyi e yimiɗi siɗi ɗa, a ɗiliɗi, a birgiɗi edi war tipi par lai.

¹¹Marmaya zi diri gara, meefeŋ na ɗif a zaŋ li ɗa, ku zaŋ maini ni ɵa kai, pɗem n’a zaŋ li ɗa, ku zaŋ maini ɵa. Ni n’a za pɗem ɗa a na sini Alaw par, ni n’a za meefeŋ ɗa a sɗa Alaw kai.

¹²Demetrius ɗa, ɗai paŋ e miɗi zaida na pɗem midini, a jre ɵa lai. Tiyi kaw mi zi zaida midini nɵa lai. Tuku ku sɗa lai ɓa zaida na wiyi a jre.

¹³Wazagai viya aŋ mada buri mu ɗoŋ suku, amma mu dara mu zaŋ gaini ankre gaini ala zi ɗû kai.

¹⁴Mu firya mu halaɗi mu ɗuguluku gobi, aga mu muɗumu miɗi marmu.

¹⁵Sleɗ a sumna gaiku, marmakai e ɗa ɵiɓuku wuti. Ku ɵiɓiɗi wuti wiiɗi marmakai, asiya ɗi paŋ gaini yikini yikini.