Read Mousgoum Yudas 1 Bible Online

Yudas 1 - Mousgoum bible

Yudas 1

¹Yudas, ɗif zi sda na wiini Yesu Kristu, tawalni Yakob lai, siɗi nagai n’Alaw Api a yikiɗsi, n’a diriɗi gara, n’a na giɗimiɗi lai burini Yesu Kristu.

²A zuva ɓa yum gaini ɵeɗ gaini diri a sa siki abai.

³Tiki marmakaya zi diri gara, mu firya ɓa mu ɗoɗi siki burini seŋ na wiini kûri, n’a na arbamu aŋ bonu, a za mada aŋ wala zi dewele buri mu za hanɗa, kapi mu siki arai zi pi, ŋ hitima buri yum n’Alaw a saŋ siɗi na sɗik paŋ, n’aga a saŋsi pra kir kai.

⁴Buri ɓa ɗai zamai e niyisi e ɗa arbaki, na sariya n wiiɗi a ɗosi haa gamai par, ɗai na maafanai n’e bindi yumna wiini Alaw na wiimu edi aŋ wala na meefeŋ, n’e siɗi Epin-gesamu na ktai, Epiɗ-ɗaimu Yesu Kristu ɗa kai.

⁵Tiki na ki siɗi wazagai hanɗa paŋ ya ɗa, mu dara mu ɵiki miɗiki na ɗa ɓa Epiɗ-ɗai, asakal n’a kurɗiɗisi ɗai edi war Egipte par, asakal par nagai n’e diri e yimi kai ɗa a fiɗiɗi edi.

⁶Ɗai zi ɵeŋ na war fuŋ-n’Alaw n’e giɗimi hormoɗi abaiɗi kai, amma e hini hlai zi simni na wiiɗi edi, a miliɗi war daŋgai gaini niggi, war gegeŋ n’abai haa kureɗ, aŋ biyi mefeŋ n’abai zi sariya.

⁷Sodoma gaiɗi Gomora gaini fuŋ n’abakai na ɵimaɗi nɵa lai, n’a za maini nɵa, n’a niya war zini maɵara, e tipi gaini wazagai zi rgi na maiɗi ɗai nɵa kai, e bindi aŋ wala n’a kiɗa a hitrumu, nagai e nivi gir gaini afu n’a vada kai.

⁸Nagai n’e hitri hitri na maafanai nɵa lai, pin hiiniɗi na meefeŋ ɗa, e bindi siɗi dama hi-hir, e miisiti abai na wiini Alaw, e tirki spak n’rbani hlai n’amai ɗa lai.

⁹Paŋ ktai, won hlai na Mikayel n’abaiɗi ɗai zi ɵeŋ na war fuŋ-n’Alaw gaini mat e sispi burini kopoŋni Musus ɗa maa a kiɗa aŋ tirkaŋ kai, amma a miɗiniɗa ɓa, Epiɗ-ɗai aga a zuku gir.

¹⁰Nagai ɗa e tirki ɗa a wala n’e siɗiŋ kai, pin na siɗi a siŋɗi maini wazagai n’edi buza na yel midini kai ɗa nɵa, hanɗa a wazagai n’a na tuuriɗi ɗa mal.

¹¹Haw gara buriɗi, buri ɓa e tikiti te futi na wiini Kayin, e niyi warni wili n’edi na wiini Balaam burini vrak, e bi edi na ɗa buri e fiki amai maini Kore nɵa.

¹²Ɗai hanɗa e ɗi wala zi siyer war simi na ki simiŋ arbaki tiki tawalakai zi yimi ɗa, e simi, e ci li maini na min fet nɵa, gaini hunai piɗi kai; e ɗi ɗugul zi faŋ na yem warni kai, na smer a fanaŋ, e ɗi luwoŋai n’e hili li aŋ riwi ali tini par ɗa e nivi ali tini kai, e ɗi ɗai na gaini mri azi sulu, na gaini hurɗi amai gaini sirdaini paŋ lai.

¹³E ɗi mayaw na gdaŋ na war yem-ra-n’abai, n’a ha meɵeɵebe na wiini sdani zisiyer ɗa amai, e ɗi meeɵek n’a jogo yaw yaw, na gegeŋ na tikiɗim a zizina buriɗi haa hlai n’a vada kai.

¹⁴Enok, n’ag'aŋ muguzak sin Adam par, a muɗa seŋ na wuze midiɗi maini nɵa: Epiɗ-ɗai a na halasi gaiɗi na sɗik na wiini dubu-dubu viya,

¹⁵kapai a zitiɗi sariya wiiɗi ɗai paŋ, a duguɗi gaini siyer burini sdaɗi na maafanai paŋ, gaini seŋna ɗewek na ɗai na tuwarai zi kûli siɗi e miɗiŋni.

¹⁶E ɗi ɗai na kureɗ e ŋuriyi gaini ŋuriyi, e tuwi gaini Alaw burini wazagai n’aga a za siɗi ɗa, n’e piyi pin diri na wiiɗi, miɗi a muɗa seŋ n ɗewek, e kûli ɗai pin arai, kapai e nivi der.

¹⁷Amma tiki ɗa marmakaya zi diri gara, ki hini miɗiki a kɵa gaini seŋ n’apostelai na wiini Epiɗ-ɗaimu Yesu Kristu e miɗiŋsi wuzanihlai par.

¹⁸Emiɗikisi ɓa war mefeŋ n’asakal ɗa, ɗai zi anya aga e gizi, nagai aga e zi pin diriɗi, aŋ ɗai na maafanai.

¹⁹Hanɗa e ɗi nagai ɗa, e piyi ɗa a ɓraw, e ɗi ɗai na war neŋ-si, ɗain seze warɗi kai.

²⁰Amma tikiɗa, marmakaya zi diri gara, ki rgi siki amai midini yimiki na sɗik, ki siiwi war Seze-sɗik.

²¹Ki giɗimi siki war diri na wiini Alaw, ki biyi yum na wiini Epiɗ-ɗaimu Yesu Kristu, n’a sa suŋfa n’a vada kai.

²²nagai na hiiniɗi sulu sulu ɗa ki hiini haw buriɗi,

²³na zamai ɗa, ki kûrɗiɗi edi min afu par, na zamai ɗa, ki niini buriɗi lai, ki huniɗi haa sin sapa na siɗi, buri a bunda hi-hir pin neŋ-si.

²⁴Sini ni n’a kiɗa buri a kutiki burini kɵi n’azumai, n’a kiɗa a ɗiiki wuzaɗi abai na wiini gaini tirki siki kai, war firiyi n’abai,

²⁵sin Alaw na ktai, Ɗif-si-kûri na wiimu, gaini Yesu Kristu Epiɗ-ɗai na wiimu, kol, pai, spak gaiɗi abai a sa siɗi haa gamai par, tiyana lai, haa hlai n’a vada kai, n’a vada kai. Amen.