Read Mousgoum Siŋki n’edi 15 Bible Online

Siŋki n’edi 15 - Mousgoum bible

Siŋki n’edi 15

¹Nɵa mu tala wala zi siŋki zamai ktai amai war fuŋ-n’Alaw, n’abai, n’a bunda ɗif hiyak. Ɗai zi ɵeŋ na war fuŋ-n’Alaw muguzak gaini gir tiɗi muguzak, hanɗa a gir n’asakal, buri hiy na wiini Alaw aga a va amai ɗa gaiɗi nagai.

²Mu tala wala ktai maini yem-ra n’abai na ziŋya maini kristal nɵa, gaini jilni gaini afu, nagai n’e rɗi amai midini wala-n’ezini puɗu, gaini wala zi rgi n’a sɗa maini ɵa ɗa, gaini numero na wiini yikini lai ɗa, gai ɗiyi amai ɵimani yem-ra-n’abai na ziŋya mini kristal ɵa ɗa ca ɗa gaini gaŋgraŋ na wiini Alaw tiɗi.

³Nagai e zini yama na wiini Musus, ɵeŋ na wiini Alaw, gaini yama na wiini Ahiɗi-adumi maini nɵa: Epiɗ-ɗai Alaw, Alaw zi spak paŋ, sdaku na ku zaŋ ɗa abakai gara, a bunda ɗif hiyak lai. Futiku ɗa a ɗikat, a jre lai, Pai na midini pinziba paŋ.

⁴Epiɗ-ɗai, n’aga a suku hormo kai, a kola yikuku kaalai ɗa asiya ɗa? Sɗik ɗa ku tuku ktai. Pinzibaɗi ɗai paŋ aga e hilisi, e hûrgi azumai wuzaku, buri ɓa jre na wiiku a siŋka edi ya.

⁵Asakal hanɗa mu tala tempel na gumu na wiini zaida aŋ warni ɗa, a mala edi amai war fuŋ n’Alaw.

⁶Ɗai zi ɵeŋ na war fuŋ-n’Alaw na muguzak na gaini gir na muguzak tiɗi ɗa e niyisi edi warni tempel ɗa par, sapa na siɗi ɗa a leŋ na gai futini, n’a ŋala gara, santir zi or wuzaɗi gaini niggi ɓak ɓak

⁷Ktai arbani wazagai zi rgi na karni na puɗu par a sa kup zi or muguzak gaini vi gaini hiy na wiini Alaw, n’a na haa hlai n’a vada kai n’a vada kai wiiɗi ɗai zi ɵeŋ na muguzak ɗa.

⁸Tempel a va gaini agiyiŋ buriɗi abai na wiini Alaw, gaini spak na wiini lai, ɗif a kiɗa aŋ niya amlai warni tempel ɗa kai, haa gir na muguzak na wiiɗi ɗai zi ɵeŋ na war fuŋ-n’Alaw na muguzak a va amai.