Read Mousgoum Siŋki n’edi 18 Bible Online

Siŋki n’edi 18 - Mousgoum bible

Siŋki n’edi 18

¹Asakal hanɗa mu tala ɗif zi ɵeŋ na war fuŋ n’Alaw zamai ktai a niyasi azumai amai war fuŋ n’Alaw par, spak n’abai a sa war tini, gaglai a za midini afti paŋ buriɗi abai na wiini.

²A ɗuula a muɗa: Te kɵa azumai li, te kɵa azumai li, Babilon n’amaai, te bunda aŋ hlai zi simni na wiini matai, aŋ hlai zi simni na wiini seze na haharai paŋ, aŋ hlai zi simni na wiini wala zi ɗifli na hi-hir paŋ, aŋ hlai zi simni na wiini wazagai n’ezini puɗu puɗu na haharai, na ɗai e diriŋ kai ɗa lai.

³Buri ɓa pinzibani na zamai paŋ e ci vin zi hiy na wiini maɵaraɗi, buriɓa paakai na midini afti e zi maɵara gaiɗi, ɗai zi salaka na midini afti e zi aŋ ɗai zi farai burini faraiɗi n’abai gara.

⁴Mu ɵina wule zamai amai war fuŋ n’Alaw par a muɗa: Ki niyi edi warɗi par, tiki ɗai na wiya, kapai ki tipi gaiɗi war tuwurɗi kai, kapai gir n’abakai n’a zizina buriɗi a za siki kai.

⁵Buri ɓa tuwurɗi a wula haa amai pin hlai n’amai ta, Alaw midini a kɵa gaini meefeŋ na wiiɗi kai.

⁶Zi siɗi maini na te za siɗi na zamai ɗa nɵa, sdaɗi na te zaŋ ɗa, ki ziŋ siɗi ɵa ta ta azi sulu, kup zi vin na te jilna vin warni ɗa, ki miɗi warni azi sulu.

⁷Maini na te sumna warɗi abai gaini muluk, nɵa, aga ki hiniti te sumna war gir gaini tuwi maini hanɗa ɵa. Buri te hiina warɗi ɓa, mu sumna na ɗa maiɗi muni zi pai ɵa, mu muni na war greŋ kai, wala n’sa kwimi aga a za sa kai zaŋ.

⁸Buri hanɗa mefeŋ ktai, gir na wiiɗi aga a cosi, mri gaini tuwi gaini wiyamai, aga e ɵiŋkiti arni afu. Buri ɓa Epiɗ-ɗai Alaw n’a ɗûkliti sariya midiɗi ɗa gdaŋ gara.

⁹Paakai na midini afti n’e zi maɵara gaiɗi paŋ, n’e firyi gaiɗi war mulukɗi, aga e tuwi, e ɵi hama lai buriɗi, won hlai n’aga e tili afu n’a na yiti.

¹⁰Aga e ɗiyi edi gaigai par, buri hunai na wiini girɗi, aga e miɗi: Haw gara, haw gara, fuŋ n’abai n’abai, Babilon fuŋ n’abai na gdaŋ. Ler ɗaw kadai, sariyaku te za ya.

¹¹Ɗai zi sakala na midini afti e tuwi, aga e zi groho midini afti hanɗa lai, ɗif n’a wura wazagaiɗi zi sakala ɗa aŋ kir kai.

¹²Wazagai na maini or ɵa, arzaŋ ɵa, ali-fuŋ n’a juva gara ɵa, aidaw ɵa, leŋ na gai futini ɵa, sapa na purpur gaini aduzi zi hi sapa gaini ɵa, sapa na mekele hirra gaini luwuŋ n’a luguza pɗem paŋ, gaini wazgai n’e ziziniŋ gaini sesiyeŋni pekne ɵa, gaini wazagai n’e ziziniŋ gaini luwuŋ na wûrini caŋ gara gaini kiya, gaini kawai gaini marbre ɵa;

¹³ɓolokni luwuŋ Kanaliye ɵa, wazagai zi ɗûgûdi zi lûgûzi gaini yitir, gaini mirr, gaini wazagai zi ɗûgûdi zi lûgûzi pra, gaini vin gaini emel, gaini avdi na hiniŋ, gaini algama gaini ɵaakai gaini adumai gaini plasai gaini saretai gaiɗi bagakai gaiɗi ɗai zi daŋkai lai ɵa.

¹⁴Ali luwuŋ na gai niyi, na ku daraŋ gara ɗa, a yima li edi suku par gaigai; wazagai na pɗamai, n’a juva gara ɗa a mula tuku par li, a kiɗa aŋ nava kir kai zaŋ.

¹⁵Ɗa zi sakala n’e zi farai buriɗiɗa, aga e ɗiyisi edi gaigai par burini hunai na wiini girɗi, aga e tuwi, e zi groho lai.

¹⁶Aga e miɗi ɓa: Haw gara, haw gara, fuŋ n’abai n’abai n’a wa sini ɗa a sapa zi leŋ na gai futini, na zi purpur, na mekele hirra lai, gai gini gaini or, gainiali-fuŋ na juvai gaini aidaw lai.

¹⁷Ler ktai kadai, farai n’abai mai hanɗa ɵa a tuura li edi. N'abakai na midini hulamai n’abakai gaiɗi nagai na morkoiɗi ɗa sai midini yem-ra n’abai gaiɗi nagai n’e siɗi vilini hulum midini yem-ra n’abai gaiɗi n’e zi sda agoɗom arni yem paŋ ɗa, e ɗiyisi edi gaigai par;

¹⁸e ɗûûli won hlai n’e tiliagiyiŋni fu n’a na yiti ɗa, e miɗi: Fuŋ n’a kata gaini fuŋ n’abai hanɗa a na wata ɗa?

¹⁹E pûki alogodo amai midiɗi, e tuwi, e zi groho lai, e ɗûûli e miɗi: Haw gara, haw gara, fuŋ n’abai, n’abai na faraini ɗa a bindiɗi tamaini hulamai n’abakai, n’a na midini yem-ra n’abai ɗa aŋ ɗai zi farai, ler ktai gadai a bunda aŋ hlai kadai su.

²⁰Hlai n’amai, firyi piɗi, tiki na sɗik, apostel gaiɗi ɗai na min Alaw lai firyi! Buri pin meefeŋ na te ziŋki ɗa, Alaw a ziɗi sariya li.

²¹Nɵa ɗif zi ɵeŋ na war fuŋ n’Alaw zi spak ktai a tika ahi-fuŋ, a sɗa maiɗi funi zi siri wai nɵa, a blaŋ agoɗom, war yem-ra n’abai a muɗa: Fuŋ n’abai na Babilon aga a ɵiŋka azumai gaini gdaŋ mai hanɗa ɵa, aga te nava kir kai zaŋ.

²²Ɗif aga a ɵina wulani adill gaini yama zamai zamai gaini algaita, gaini faana, aha warku kir kai. Ɗif aga a nava ɗif zi yel n’a zizina wazagai na pinzibani kiini kiini aha warku kai, tuwiɗi funi zi siri wai aga a wa aha warku kir kaalai.

²³gaglai na wiini lampa aga a za warku kai, wulaɗi ɗai n’e mili marɗi aga a ɵina aha warku kaalai, buri ɓa ɗai zi asakal n’ahaku par e ɗika e ɗi ɗai n’abakai na midini afti, buri ɓa pinziba na midini afti paŋ e wili edi pin hiilaku.

²⁴Buri ɓa aha warku ɗa, e nivi fel a wiiɗi ɗai na min Alaw gaini na wiiɗi na sɗik gaini na wiiɗi nagai paŋ n’e fiɗiɗi edi midini afti.