Read Mousgoum Siŋki n’edi 19 Bible Online

Siŋki n’edi 19 - Mousgoum bible

Siŋki n’edi 19

¹Asakal hanɗa mu ɵina wule n’abai, maini na wiini firi n’abai nɵa, amai war fuŋ n’Alaw a muɗa: Haleluya! Kuri, abai gaini spak lai sini Ala na wiimu,

²buri ɓa sariya na wiini, a jre, a ɗikat. a ɗûkliti sariya midiɗi muni zi zawar n’amaai, na te ɓilka afti gaini maɵara na wiiɗi, a zilba felɗi ɗai zi sda na wiini li war tiɗi.

³E miɗi ei n’ag'aŋ sulu pra: Haleluya! Agiyiŋ na wiiɗi a ɗuguda amai ɵa haa kureɗ!

⁴N'abakai zi ɵi wuze na caaɓa pi puɗu, gaini wazagai zi rgi na karni na puɗu ɗa, e pukisiɗi azumai, e hûrgi azumai wuzani Alaw n’a sumna midiɗi Paramai zi pai, e miɗi: Amen. Haleluya!

⁵Wule ktaia halasi edi siɗi Paramai zi pai par a muɗa: Ki si kol sin Alaw na wiimu, tiki paŋ na ɗaini zi sda tiki na ki sini hormo n’abakai gaiɗi n’agogoi

⁶Mu ɵina wule ktai maini wulani firi n’abai nɵa, maini suurani yem n’abakai nɵa, maini ɓarai na wiini alaw zi ɓarai na gdaŋ nɵa, a muɗa: Haleluya! Buri Epiɗ-ɗai Alaw na wiimu, Alaw zi spak paŋ, a niya warɗi paini li.

⁷Firiyumu, firiyumu gaini firiyi n’abai, sunumu kol lai, buri tiki na wiini Ahiɗi-adumi a cosi li, muni te zizina siɗi ya lai.

⁸Buri a sa siɗi aŋ wi siɗi ɗa a sapa zi leŋ na gai futini, n’a ŋala gara, na hilu lai. - Leŋ na gai futini hanɗa a jre-ɗikat na wiiɗi na sɗik.

⁹Ɗif zi ɵeŋ na war fuŋ n’Alaw a muɗaŋa: Ɗo ɓa: Sleɗ midiɗi nagai n’e yikisi mini simi na wiini tiki na wiini Ahiɗi-adumi. Asakal par a muɗaŋa: Hanɗa a seŋ na jre na wiini Alaw.

¹⁰Mu ɵiŋka sa azumai ezini, aŋ hurga azumai ezini, amma a muɗaŋa: Ku za hanɗa kai, ta mu maiku zi sda, mu maiɗi tawalakaiku n’e ɗa zi zaida midini Yesu, ku hurga ɗa azumai wuzani Alaw ktai, buri ɓa seze na wiini seŋ zi miɗi na wuze ɗa, a zaida na midini Yesu ɗa.

¹¹Nɵa mu tala hlai n’amai gaini mili edi mal. Plis na muɗukwi a niyasi edi, n’a sumna midini e yikiŋ ɗa ɓa na Ɗikat, na Jre. A ɗûkliti sariya, a hitima lai war jre.

¹²Arni ɗa maini afu n’a ya nɵa, bogorai gai pi midini viya, yikini ktai a na gai ɗû, na ɗif a sɗaŋ kai, sai ni ktai.

¹³Sapa na waŋ sini ɗa, a sapa n’a jiiba arni fel, yikini ɓa Seŋ na wiini Alaw.

¹⁴Vokɗi askarai na war fuŋ n’Alaw a tapa pini, midini plasai na muɗukakai gaini sapa zi leŋ na gai futini siɗi, na muɗukwi, na hilu.

¹⁵Kaɵkar na mini a suma gara a niyasi edi war mini par, n’a fuɗa pinziba na zamai gaini. A ni n’aga a ŋa midiɗi gaiɗi amaraŋai zi kawai, a ni n’aga a kirpa ali luwuŋ zi vin na wiini hiy n’abai wiini Alaw zi spak paŋ, n’aŋ war wala n’e siriŋ warni kapai e sipiɗiŋ ɗa.

¹⁶Sini sapani lai, sini ɓalakni lai, yiki ktai aŋ gai ɗû maini nɵa: Paiɗi paakai, Epiɗ-ɗai na wiiɗi Epiɗ-ɗai paŋ.

¹⁷Mu tala ɗif zi ɵeŋ na war fuŋ n’Alaw gai ɗiyi amai war futi zaw, a ɗuula wazagai zi ɗifli n’a na ɗufla amai arbani hlai n’amai ɗa paŋ a muɗa: Hilisi, diŋgisi min simi n’abai na wiini Alaw,

¹⁸kapai ki simi neŋɗi paakai, neŋɗi abakaiɗi askarai, neŋɗi ɗai zi spak, gaini neŋni plasai gaini na wiiɗi ɗai n’e simni midini, neŋ na wiiɗi ɗai paŋ, na bagakai gaiɗi na kempekai, n’abakai gaiɗi n’agogoi lai.

¹⁹Mu tla wala n’ezini puɗu, gaiɗi paakai na midini afti paŋ, gaiɗi askaraiɗi paŋ gai diŋgi buri e hitimi gaini ni n’a sumna midini plis, gaiɗi askaraini.

²⁰E yimi wala n’ezini puɗu ɗa gaini ɗif na min Alaw na jre kai, n’a za wazagai zi siŋki wuzani wala n’ezini puɗu ɗa, na gaini hanɗa, a wûliɗi nagai na wala zi siŋki na wiini wala n’ezini puɗu a tika siɗi ɗa, n’e hûrgi azumai wuzani wala zi rgi n’a sɗa maini ɵa ɗa. Nagai sulu paŋ e pukuɗi karɗi warɗi avai z'afu, na sufre a na ya woni.

²¹Na zamai ɗa, kaɵkar n’a niyasi edi min nin’a sumna midini plis ɗa a fiɗiɗi edi, wazagai zi ɗifli paŋ a va gaini neŋɗi.