Read Mousgoum Siŋki n’edi 2 Bible Online

Siŋki n’edi 2 - Mousgoum bible

Siŋki n’edi 2

¹Ɗo sin n’abai zi giɗimi Tipi na war Efesus maini nɵa: Ni n’a yima meeɵek na muguzak war tini na wus, n’a na paya arbani wazagai n’e higi lampa amai sini na muguzak zi or, a na muɗa mini nɵa:

²Mu sɗa sdaku na ku na zaŋ, gaini was n ku na fuɗaŋ ɗa lai, gaini kurfukku lai; mu sɗa edi gagli ɓa tuu ɗa ku kiɗa ku yimiɗi na maafanai suku kai, ku tetemiɗi nagai n’e yiki siɗi ɓa e ɗi apostel, kapai e ɗi apostel kaalai, ku niviɗi ɓa e ɗi z'alasakai.

³Ku na kurfuk, ku sɗa gir burini ykiŋa, ku kaya kai.

⁴Amma wala na fuɗaŋa sa suku ɗa a hanɗa: Ku hina diriku n’avut edi ta.

⁵Buri nɵa, hina muduku a kɵa gain hlai na ku kɵasi woni par, bunda gamai, waiyasi sini sdaku n’avut ɗa, ɵa kai ɗa, na ɓa ku bunda gamai kai ɗa, aga mu halaɗi muduku, aga mu tika wala n’e higi lampa amai sini edi war balamni par.

⁶Amma sdaku na pɗem n’a na ɗa ɓa: Ku bula gaw sin sdaɗi Nikolaiitekai gaini sda na ta gaini mada dama mu firyaŋ kai ɗa lai.

⁷Ni na ɵimani a na, a pɗem ɓa a ɵina wazagai na Seze a muɗaŋ siɗi Tipi. Sin ni n’a rɗa amai li, aga mu sini luwuŋ zi suŋfa n’aŋ war Paradis na wiini Alaw aŋ simi.

⁸Ɗo sin abai zi giɗimi tipi na war Smirna ɓa: N'avut gaini n’asakal, ni n’a mra su amma a bunda karni pra a na muɗa main nɵa:

⁹Mu sɗa girku gaini murgaku, - paŋ ktai ku zi farai, - gaini miisi na wiiɗi nagai n’e yiki siɗi ɓa Yudeyakai. Amma e ɗi Yudeyakai kai, e ɗi vok na wiini Satan.

¹⁰Ku huna burini gir n’aga a za suku ɗa kai. Mat aga a pukiɗi zamai n’arbaki par warɗi daŋgai kapai a tetemiki gai futini tam, aga ki siɗi gir haa mefeŋ doogo, ɗiya war jre, koo ɓa e fuɗuku edi ɗi. Aga mu suku suŋfa ɗa aŋ bogorai.

¹¹Ni na ɵimani a na, a pɗem ɓa a ɵina wazagai na Seze a muɗaŋ siɗi tipi. N'a rɗa amai li ɗa, aga a huna wuzani mri n’ag'aŋ sulu ɗ kai. Aga a za wala agwi sini kai zaŋ.

¹²Ɗo sin n’abai zi giɗimi tipi na war Pergamum, ni na kaɵkar n’a suma war gal sulu paŋ aŋ tini ɗa, a na muɗa maini nɵa:

¹³Mu sɗa hlai na ku sumna warni ɗa edi gaglai, a hlai na Paramai zi pai na wiini Satan t'aŋ warni. Yima yikiŋa tuku gdaŋ, ku pa muku midini yimi na wara ɗa kai, koo war mefeŋ na Antipas zaidaŋa na jre a nava fiɗi n’edi ahaki, war hlai na Satan a sumna warni ɗa.

¹⁴Amma wazagai zamai a na, na mu firyaŋ suku par kai ɗa. Ɗai zaai e ɗa ahaku, n’e yimi hitrai na wiini Balaam gdaŋ, Balaam n’a hitra Balak midini yel n’a kiɗi aliɗi Izrayel gaini war tanai. A ziɗi piɗi aŋ simi neŋ n’e zi ɓaka gaini wiini alawai zi rgi, aŋ zi maɵara lai.

¹⁵Pra, ɗai zamai e ɗa ahaku, n’e yimi hitrai na wiiɗi Nikolaiitekai tiɗi gdaŋ lai.

¹⁶Buri nɵa, bunda gamai, ɵa kai ɗa aga mu halaɗi muduku gobi, aga mu hitimiɗi gaini kaɵkar na ma ɗa.

¹⁷Ni na ɵimani a na ɗa, a pɗem ɓa a ɵina wazagai na Seze a muɗaŋ siɗi tipi. Sin ni n’a rɗa amai li ɗa, aga mu sini manna n’aŋ gaini ŋûyi cok, gaini gorhoyo na muɗukwi ɗaw lai, midini gorhoyo hanɗa, yiki na hehe aŋ gai ɗû sini ɗo, na ɗif zamai a siɗaŋ kai, sai a ni n’a navaŋ.

¹⁸Ɗo sin n’abai zi giɗimi Tipi na war Tiyatira ɓa: Ahini Alaw n’arni maini afu n’a ya nɵa, n’ezini maini kiya nɵa lai, a na muɗa maini nɵa:

¹⁹Mu sɗa sdaku na ku na zaŋ, gaini diriku gaini yimiku, gaini zinaiku na ku na zina piɗi ɗai, gaini kurfukku lai, mu sɗa edi gaglai ɓa sdaku n’asakal ɗa viya, a suwa n’avut.

²⁰Amma wala n’a fuɗaŋa wara suku ɗa, ku hiniti Yezabel, na te yika siɗi ɓa te munina min Alaw, te wûliɗi ɗaiŋa zi sda ɗa edi, te hitriɗi buri e simi neŋ n’e zi ɓaka gaini wiini alawai zi rgi, aŋ zi maɵara lai.

²¹Mu siɗi hlai buri te bunda gamai, amma te firya te hina maɵara na wiiɗi edi kai.

²²Tala, aga mu finiti azumai midini wala zi feŋ war gir n’abai, na gaiɗi nagai n’e zi maɵara gaiɗi lai, sai na ɓa e hinisi sda na maafanai na wiiɗi na li edi.

²³Aga mu fiɗiɗi aliɗi edi, kapai a yima midiɗi tipi paŋ ɓa n’aŋ warni hiinini ɗif gaini n’aŋ warɗi agulni lai ɗa, mu sɗaŋ ɗa mu ta. Aga mu sa sini asiya asiya paŋ n’arbaki pin sdani sdani.

²⁴Amma siki tiki, gaiɗi ɗai zamai na war Tiyatira paŋ, n’e yimi hitri hanɗa kai, n’e siɗi hiini na hulum na wiini Satan ɗa duk kai, mu muɗa maini n’e ɗa miɗiŋ ɗa ɵa: Aga mu tika guma zamai miɗiki kai.

²⁵Amma wala n’aŋ tiki ɗa, ki yimiŋ tiki pɗem haa mu halaɗi.

²⁶Sin ni n’a rɗa amai li, n’a giɗima sdaŋa li haa sin vidini ɗa, aga mu sini spak midiɗi pinziba na zamai,

²⁷aga a ŋa midiɗi gaiɗi amaraŋai zi pai zi kauwai, aga e giɵiɗi edi maini grak z'afti nɵa.

²⁸Maini na ta dama, mu nava spak tini Apa par nɵa, aga mu sitini maaɵiki na gorof-par.

²⁹Ni na ɵimani a na ɗa, a pɗem ɓa a ɵina wazagai na Seze a muɗaŋ siɗi Tipi.