Read Mousgoum Siŋki n’edi 3 Bible Online

Siŋki n’edi 3 - Mousgoum bible

Siŋki n’edi 3

¹Ɗo sin abai zi giɗimi Tipi na war Sardis ɓa: Ni na Seze na wiini Alaw na muguzak gaini meeɵek na muguzak aŋ tini a na muɗa maini nɵa: Mu sɗa sdaku ya, mu sɗa edi gaglai ɓa ɗai e ɗa kuluku ɓa ku na karku, kapai ku na gai mri su.

²Ku mna karku, ku kala weseŋ kai, ku sa gdaŋ wiiɗi nagai n’e hini agwi ɗa, n’e ŋi ta aŋ mri, buri ɓa mu nava sdaku gaini vi amai war pɗem wuzani Alaw na wiya kai.

³Buri nɵa, ku hina muduku a kɵa gaini wazagai na ku hitraŋ, na ku ɵinaŋ lai, ku yima pini, ku bunda gamai lai. Na ɓa ku sumna karku kai ɗa, aga mu halasi muduku maini ɗif zi mihill nɵa, aga ku sɗa ler n’aga mu halasi muduku warni ɗa kai.

⁴Amma zamai e ɗa arbaki war Sardis, n’e bindi sapaɗi hi-hir kai, nagai aga e hili gaya war sapa na muɗukwi, buri ɓa nagai e kiɗi midini hanɗa.

⁵Nɵa ni n’a rɗa amai li ɗa, aga a wa sapa na muɗukwi sini, aga mu haza yikini edi war maktuɓ zi suŋfa par duk kai zaŋ. Aga mu muɗa edi midini wuzani Apa, wuzaɗi ɗai zi ɵeŋ na war fuŋ-n’Alaw na wiini lai.

⁶Ni na Slimani a na, a pɗem ɓa a ɵina wazagai na Seze a muɗaŋ siɗi Tipi.

⁷Ɗo sin abai zi giɗimi tipi na war Filadelfiya ɓa: Na sɗik, na jre, ni na kle na wiini David aŋ tini, ni n’a mala min hlai li ɗa, ɗif a kiɗa a ŋ kai, a ŋ li ɗa, ɗif a kiɗa a malaŋ kaalai ɗa a na muɗa maini nɵa:

⁸Mu sɗa sdaku ya, mu mala min hlai ktai a na edi wusaku mal, na ɗif a sɗa aŋ ŋ kai, buri spakku a kiɗa kai, amma ku yima seŋ na wiya, ku pa muku midini yikiŋa kaalai.

⁹Tala, aga mu suɗuku ɗai na war tipi na wiini Satan par, n’e yiki siɗi ɓa e ɗi Yudeyakai, kapai e ɗi Yudeyakai kaalai, e zi na ɗa a eles. Aga mu kiɗisi aŋ hûrgi azumai wuzaku, kapai a yima midiɗi ɓa ta mu duruku ta.

¹⁰Buri tuku ku yima seŋ na ɓa ku siika ɗa, aga mu giɗmuku war hlai na titimi aga a halasi midini afti paŋ aŋ titimiɗi ɗai na midiɗi yai paŋ ɗa.

¹¹Mu na halasi gobi. Yima wala n’aŋ tuku ɗa gaini gdaŋ, kapai ɗif a sɗa aŋ tikiti bogoraiku tuku par kai.

¹²Ni n’a rɗa amai li ɗa, aga mu zaŋ aŋ gaarai amlai warni tempel na wiini Alaw na wiya, ni aga a niya edi warni par duk kai, aga mu ɗo yikini Alaw na wiya midini, gaini yikini fuŋ n’abai na wiini Alaw na wiya lai, Yeruzalem na ha-hai, na te halasi amai par, sin Alaw na wiya par, gaini yiki na hehe na wiya lai.

¹³Ni na ɵimani a na ɗa, a pɗem ɓa a ɵina wazagai na Seze a muɗaŋ siɗi Tipi.

¹⁴Ɗo sin abai zi giɗimi Tipi na war Laudikeya ɓa: Amen, Zaida na jre, na gai futini, pi zi tikina wiini wazagai zi rgi na wiini Alaw lai a na muɗa maini nɵa:

¹⁵Mu sɗa sdaku ya, ku na ɗarak kaalai, afu kaalai, ku nafu ɗarak zaw afu ɗi ɗa marya,

¹⁶Amma buri ku na lup-lup kadai, darak kaalai, afu kaalai ɗa, aga mu huŋvuku edi war ma par.

¹⁷Buri ɓa ku hiina warku ɓa: mu zi farai, mu bunda li aŋ ɗif zi farai, walaŋa n’aŋ kai ɗ'aŋ kai. Ku sɗa ɓa tuku dama ku ɗif na haw, na ɗai e hiini haw buriku, na murga, na melveŋ, na ganala lai, ku sɗaŋ ɵa lai.

¹⁸Buri nɵa mu suku hiini na pɗem ktai, marya ku wura or na hilu, or n’a vugasi arni afu ɗaw ya, kapai ku za aŋ ɗif zi farai, ku wura sapa na muɗukwi lai, kapai ku wa suku, kapai siyerni ganalaku a siŋka edi kai, ku wura emel z'arai, kapai ku zaŋ arku, kapai ku tala.

¹⁹Marmakaya paŋ ɗa, ta mu ɓiriɗi, mu gidiɗi lai, nɵa ku sa suku edi min sda hanɗa, ku bunda bindi na gamai lai.

²⁰Tala, mu ɗiya m’aŋ min hlai zaw mu ɵiɓa, na ɓa ɗif a ɵina li, a mala min hlai li edi buriya ɗa, aga mu niya amlai sini, mu suma simi na koskoi gaini, ni gaya ta lai.

²¹Ni n’a rɗa amai li ɗa, aga mu sini hlai aŋ sumna gaya midiɗi paramaiɗi-pai na wiya, maini na ta lai, won hlai na mu rɗa amai, mu sumna gaini Apa midiɗi Paramai zi pai na wiini nɵa.

²²Ni na ɵimani a na ɗa, a pɗem ɓa a ɵina wazagai na Seze a muɗaŋ siɗi Tipi.