Read Mousgoum Siŋki n’edi 5 Bible Online

Siŋki n’edi 5 - Mousgoum bible

Siŋki n’edi 5

¹Mu tala maktuɓ ktai, warni n’amlai par lai, duɓani n’anene par lai gaini ɗû, war ti na wus na wiini ni n’a sumna midiɗi Paramai zi pai ɗa. Tampoŋ gai tiki midini ta ta muguzak.

²Mu tala ɗif zi ɵeŋ na war fuŋ-n’Alaw zi spak a na muɗa gaini wulani amai maini nɵa: Ɗif n’a kiɗa aŋ mala maktuɓ hanɗa edi, a haza tampoŋ na midini edi lai ɗa asiya ɗa?

³Ɗif ktai n’a kiɗa aŋ mala maktuɓ hanɗa edi aŋ tala warni aŋ kai, amai war fuŋ-n’Alaw kaalai, azumai midiɗi yai kaalai, azumai pin afti kaalai.

⁴Mu tuwa gara, buri ɓa ɗif ktai n’a kiɗa aŋ mala maktuɓ ɗa, aŋ tala warni lai aŋ kai.

⁵Ktai arbaɗi n’abakai zi ɵi wuze a muɗaŋa: Ku tuwa kai, gurnai na war pinzibani Yuda, sirdai na war pinzibani David, a rɗa amai ya, a kiɗa aŋ mala maktuɓ hanɗa edi, a haza tampoŋ na muguzak ɗa edi lai.

⁶Nɵa mu tala ɗa amlai arbani Paramai zi pai gaini wazagai zi rgi na karni na puɗu, gaiɗi n’abakai zi ɵi wuze lai ɗa, Ahiɗi-adumi ktai gaini ɗiyi zaw, a sɗ maini n’aŋ gaini fiɗi su nɵa, Miyok midini muguzak, arni muguzak lai, hanɗa a Seze na muguzak na wiini Alaw, n’a ɵinaŋsi edi midiɗi yai paŋ.

⁷A halasi a tika maktuɓ edi war ti na wus na wiini ni n’a sumna midiɗi Paramai zi pai par.

⁸Won hlai n’a tika maktuɓ ɗa li, wazagai zi rgi na karni na puɗu gaiɗi n’abakai zi ɵi wuze na caaɓa pi puɗu e yiki siɗi azumai wuzani ahiɗi-adumi, asiya ɗi paŋ gaini gaŋgraŋ tini, gaini kup zi or tini gaini vi gaini wazagai zi ɗûgûdi zi lûgûzi, hanɗa a siiwa na wiiɗi na sɗik.

⁹Nagai e zini yama na hehe maini nɵa: tuku ku kiɗa aŋ tika maktuɓ hanɗa, aŋ haza tampoŋni edi lai, buri tuku ku nava fiɗi n’edi, gaini felku ku wuriɗisi ɗai aŋ wiini Alaw ɗai na war pinziba paŋ par, na war me me paŋ par, arbaɗi ɗai paŋ par, midini afti paŋ par lai;

¹⁰ku ziɗi aŋ aftini pai, aŋ paakai zi ɓaka lai wiini Alaw na wiimu kapai e ŋi midini afti.

¹¹Mu tala ara, mu ɵina wulaɗi ɗai zi ɵeŋ na war fuŋ-n’Alaw viya, gaini wulani wazagai zi rgi na karni, gaiɗi n’abakai zi ɵi wuze lai. Pɵaɗi ɗa, dubu dubu viya viya, dubu doogo doogo viya viya lai.

¹²E miɗi gaini wulaɗi amai maini nɵa: Spak, farai, yel, gdaŋ, hormo, kol gaini ɓiki a kiɗa a sa sin Ahiɗi-adumi n’e fiɗiŋ edi ɗa.

¹³Wazagai zi rgi n’arbani hlai n’amai ɗa paŋ, na midini afti gaini n’azumai pin afti, na midini yem-ra-n’abai ɗa lai, wazagai na war hlai hanɗa paŋ mu ɵinaŋ a na muɗa seŋ maini nɵa: Ɓiki, hormo, kol gaini spak lai haa hlai n’a vada kai n’a vada kai, sin ni n’a sumna midiɗi Paramai zi pai, gaini Ahiɗi-adumi.

¹⁴Wazagai zi rgi na karni na puɗu a muɗa: Amen. N'abakai zi ɵi wuze e yiki siɗi azumai aŋ siiwi lai.