Read Mousgoum 1 Samuwel 15 Bible Online

1 Samuwel 15 - Mousgoum bible

1 Samuwel 15

¹Samuwel a miɗini wiini Sawul: EPIƊ-ƊAI a ɵinaŋasi ka suku aŋ tukuku aŋ pai midiɗi ɗii, midiɗi ɗaiŋa Izrayel ɗa mu ta. Nɵa ɵina seŋ n’EPIƊ-ƊAI a na muɗaŋ suku ɗa.

²EPIƊ-ƊAI zi Spak paŋ a na muɗa maini nɵa: Aga mu ziɗi gir wiiɗi Amalekekai, buri sdaɗi n’e ziŋɗi siɗi ɗai na Izrayel, e cikiti futi wuzaɗi, won hlai n’e hilisi war Egipte par.

³Tiyana ɗa, hala, hitimiɗi Amalekekai, tuura wazagai na wiiɗi paŋ edi: Aga ku hiniɗi kai, ku fiɗiɗi maɵagai gaiɗi falakai aliyagoi gaiɗi akoɗokokai, ɵaakai, adumai gaini haakai, ɵigini gaini ablehökai lai paŋ edi.

⁴Sawul a yikiɗisi askarai na wiini war Telaiim kap, a guna arbaɗi blaŋ blaŋ, a nava askarai dubu miya sulu, na Yuda par askarai dubu doogo lai.

⁵Saule a hala haa aha war fuŋ n’abai na wiiɗi Amalekekai, a ɓoy agoɗom war hlai na huduk ɗa par dam aŋ riɓtiɗi.

⁶A miɗiɗi wiiɗi Kenitekai: Fiki, yimi siki edi, yimi siki edi arbaɗi Amalekekai par, kapai mi vidiki edi gaiɗi aŋ bonu kai, buri ɓa tiki ki zi pɗem wiiɗi aliɗi Izrayel, won hlai n’e hilisi war Egipte par. Kenitekai e ɓûrwi edi siɗi Amalekekai par.

⁷Sawul a fiɗiɗi Amalekekai edi a Havila par haa aha miɗi Sur na te na wuzaɗi Egipte.

⁸A yima Agag, pai na wiiɗi Amalekekai karni. A vidiɗi ɗai paŋ edi, a fiɗiɗi edi gaini kaɵkar pini miɗi na wiini Alaw.

⁹Amma Sawul gaiɗi ɗai e hini Agag gaini haakai gaini adumai gaini ɵaakai na pɗamai ta ta, wazagai n’ezini puɗu puɗu na gdaŋai blaŋ blaŋ, gaini alini adumai na maɵagai gaini wazagai na pɗamai paŋ lai. E firyi e vidi wazagai hanɗa paŋ edi kai, e fiɗi edi ɗa a wazagai na maafanai, na gai hugi ɗa.

¹⁰EPIƊ-ƊAI a miɗini wiini Samuwel maini nɵa:

¹¹Tiki na mu tika Sawul aŋ pai ɗa a fuɗaŋa sa gara, buri ɓa a hinaŋa edi mak, seŋ na mu miɗiŋni a za pini kai. Seŋ hanɗa a turla hiinini Samuwel ɗa gara. A fana aŋ ɗuula sini EPIƊ-ƊAI ɵa haa.

¹²Samuwel a ɵa sini gorof, buri a hala aŋ nava gaini Sawul. Ɗai e miɗini: Sawul ɗa a hala amai midiɗi huwuŋ Karmel, a rga walani ktai aŋ woni tiɓ, asakal par a sirɓa a Gilgal sek.

¹³Samuwel a hala pini Sawul, Sawul a miɗini: EPIƊ-ƊAI a ɓukuku, Seŋ n’EPIƊ-ƊAI a muɗaŋ ɗa mu vaŋ amai ya.

¹⁴Samuwel a muɗa: Adumai n’a tuwasi ɵima na ɗa a na wata ɗa? Zaw ɵaakai n’a tuwasi ɵima na ɗa, a na wata ɗa?

¹⁵Sawul a waya seŋ a muɗa: Mi miliŋsi ahaɗi Amalekekai par, ɗai e virisi adumai gaini haakai gaini ɵaakai na pɗamai ɗa edi ya, buri e zi ɓaka wiini Epiɗ-ɗai Alaw na wiiku gaini, pini n’a hin paŋ ɗa, mi vidiŋ edi kafa.

¹⁶Samuwel a miɗini wiini Sawul: Suwi kiɗi! Mu muɗuku seŋ n’EPIƊ-ƊAI a muɗaŋasi duvuk na ɗa. Sawul a muɗa: Muɗa wiiku!

¹⁷Samuwel a miɗini: Hlai na tuku dama ku naka ku tala suku ɓa ku kiɗa wala ktai kai ɗa, ku bunda aŋ pai midini pinziba na wiiɗi Izrayel. A na ɵa kai ɗi? EPIƊ-ƊAI a ma emel muduku ɓa kapai ku za aŋ pai midiɗi Izrayel. A na ɵa kai ɗi?

¹⁸EPIƊ-ƊAI a ɵinuku ɓa: Hala, ku vidiɗi Amalekekai na tuwarai hanɗa edi, ku hitimiɗi haa, ku vidiɗi edi gamai.

¹⁹Seŋ n’EPIƊ-ƊAI a muɗuŋku ɗa, ku za pini kai ɗa buri maɗa? Ku kɵa sini wazagai zi der ɗa krip, ku za wala n’EPIƊ-ƊAI a firyaŋ kai ɗa buri ma ɗa?

²⁰Sawul a miɗini wiini Samuwel: Seŋ n’EPIƊ-ƊAI a muɗaŋa ɗa mu za pini ya, futi n’a siɓkitaɓa ɓa mu tikiti ɗa, mu tikiti ya lai. Mu vidiɗisi Amalekekai edi vat, mu yimasi Agag na paiɗi kai lai,

²¹amma ɗai ɗa e milisi adumai gaini haakai gaini ɵaakai lai arbani der ɗa par aŋ merfeŋni seyem na wiini wazagai n’e vidiŋ edi ɗa, kapai e zi ɓaka gaini wiini EPIƊ-ƊAI, Alaw na wiiku war Gilgal.

²²Samuwel a muɗa: Wala n’EPIƊ-ƊAI a firya gara ɗa a maɗa? A ɓaka zi yi gaini ɓaka ɗa zaw, a zi na ɗif a za pin miɗi na wiini EPIƊ-ƊAI ɗa ɗi? Slini na ɗif a ɵina seŋ ɗa sa suwa ɓaka zi zi, hangal na gai tki sin seŋ ɗa ɗe a suwa emel na war adumai na maɵagai ɗa lai.

²³Buri ɓa ɵinini Gat kai ɗa a na kal kal maini zilbi na ɗif a zilba ɗa nɵa Pi na ɗif a pa edi arni EPIƊ-ƊAI ɗa a na kal kal maini hûrgi n’azumai wuzani alawai zi rgi nɵa lai.

²⁴Nɵa Sawul a miɗini wiini Samuwel: Miɗi n’EPIƊ-ƊAI a muɗaŋa ɗa, mu za pini kai, mu za pini seŋku kaalai. Mu huniɗi e ɗi ɗai ɗa, mu ɵina ɗa piɗi lai.

²⁵Tiyana mu siiwuku, tika pini meefeŋ na wiya kai, waisi gaya, kapai mu hurga azumai wuzani EPIƊ-ƊAI.

²⁶Samuwel a miɗini wiini Sawul: Aga mu wayaɗi gaiku kai. Seŋ n’EPIƊ-ƊAI a muɗuŋku ɗa, ku ɗiya sini kai ɗa, EPIƊ-ƊAI a ɗiya suku tuku kir kaalai. Aga ku sumna aŋ pai midiɗi Izrayel kir kai.

²⁷Won hlai na Samuwel a na bunda arni buri a hala ɗa, Sawul a yima min sapa na sini ɗa, a rawasi tini.

²⁸Samuwel a miɗini: Girna par, EPIƊ-ƊAI aga a ɓisiti paiku na war Izrayel ɗa, aŋ tikiti edi tuku par, aga a sitini wiini ɗif zamai, na pɗem a suwuku.

²⁹EPIƊ-ƊAI, Pai na wiiɗi Izrayel ɗa, a rha mini kai, seŋ n’a muɗaŋ li ta ɗa a bunda wulani kaalai, Ni a bunda hiinini maini ɗif nɵa kai.

³⁰Sawul a muɗa pra: Mu za tuwur! Tiyana mu siiwuku, saŋa hormo wuzaɗi abakaiɗi ɗaiɓa gaiɗi ɗaiɓa lai agwi. Waisi gaya, kapai mu hurga azumai wuzani Epiɗ-ɗai Alaw na wiiku ɗa.

³¹Samuwel a waisi, a tika futi pini Sawul, Sawul hurga azumai wuzani EPIƊ-ƊAI.

³²Asakal par, Samuwel a muɗa: Kiŋasi Agag, pai na wiiɗi Amalekekai ɗa. Agag a halasi sini sek, gaini hunai warni kai; a hiina warni ɓa gir na wiini mri ɗa a vada vat.

³³Samuwel a muɗa: Falakai viya, aliɗi e nivi mri min kaɵkar na wiiku, amuku ɗe, ahiɗi aga a nava mri mai hanɗa ɵa lai.

³⁴Samuwel a hala war Rama, Sawul ɗe a waya ahani war Gibeya na wiini Sawul.

³⁵Samuwel arni a mula midini sawul kir kai haa sin mrini. Samuwel a tuwa midini Sawul gara: Amma EPIƊ-ƊAI tiki n’a tika Sawul aŋ pai midiɗi Izrayel ɗa, a fiɗini sini gara.