Read Mousgoum 1 Samuwel 17 Bible Online

1 Samuwel 17 - Mousgoum bible

1 Samuwel 17

¹Filistrekai e tipiɗi askaraiɗi zi hatam paŋ buri gaw. E tipi war Soko na war Yuda, e pi kaŋ na wiiɗi arbaɗi Soko gaiɗi Azeka, war Efes-Dammim.

²Sawul gaiɗi askarai na Izrayel e diŋgi lai, e pi war huduk z luwuŋ Terebente, e giri siɗi mini hatam miɗi Filistrekai par gar.

³Filitirkai e ɗiyisi midiɗi huwuŋ war gal hanɗa, ɗai na Izrayel e ɗiyisi midiɗi huwuŋ war gal na hanɗa par lai, huduk arbaɗi su.

⁴Gaŋgalaŋ ktai a niyasi edi war kaŋ na wiiɗi Filistrekai par. Yiki ɓa Goliat, a na war Gat par, mogoni a za gobi metre hu gaini ti ɓa.

⁵Bogorai i gaw na midini te zizina gaini kiiya, safaya na paɵani, gaini fotorok siɗi te zizina gaini kiiya lai, gumaɗi a za kilo doogo doogo ɵaara.

⁶Ñawa zi kiiya gai mi ezini ca, kawai na wiini zi hatam ɗa te zi kiiya, paɵani su lai.

⁷Luwuŋ na piɗi kaai na wiini abai maini luwuŋ n’e hi aduzi gaini nɵa, kawai na miɗi kawaini gumaɗi a za kilo na wiini kawai na murɗek gobi muguzak. Ɗif n’a libiti gumuri na wiini wuzani blaŋ.

⁸A ɗiyasi edi par zaw, a ɗuuliɗi vokɗi Izrayel zi hatam, a miɗiɗi maini nɵa: Ki niyisi edi aŋ giri siki min hatam buri ma ɗa? Ta mu ɗif na Filistre, tiki ki ɗi ɗai na wiini Sawul lai kai ɗi? Vitisi ɗif ktai arbaki par a niyasi edi ma.

⁹Na ɓa gdaŋni a suwaɓa li, a fuɗaŋa li lai ɗa, mi bindi aŋ bagakai na wiiki, amma na ɓa gdaɓa ta a suwaŋ li, mu fuɗaŋ li lai ɗa, tiki aga ki bindi aŋ bagakaina wiyi, ki zi ɵeŋ na wiyi lai.

¹⁰Ɗif na Filistre a muɗa pra: Girna mu dara mu muɗa siɗi ɗai zi hatam na Izrayel paŋ ɗa ɓa, a ɵinasi ɗif ktai ma, kapai mi hitimi gaiɗi maryi.

¹¹Sawul gaiɗi ɗai na Izrayel paŋ, hunai te yimiɗi abai gara, won hlai 'e ɗa ɵini seŋ na wiini ɗif na Filistre hanɗa.

¹²David a ahini ɗif na Öfrata, na war Betlehem na war Yuda par, n’e yikiŋ ɓa Isai, n’alini paŋ mitwis. War sarti na wiini sawul ɗa a za abai gara ta.

¹³Alini Isai n’abakai na hu, e hili edi min hatam pin Sawul. Yikiɗi a na maini nɵa: N'abai ɗa yikini ɓa Eliyab, n’aga wulani yikini ɓa Abinadab, n’ag'aŋ hu ɗa yikini ɓa Samma.

¹⁴David ɗa a ahi na debe, tawalakaini n’abakai e hili pini Sawul yaw.

¹⁵David ɗa, a hala ahani Sawul ta, a waisi a hala a giɗima haakai na wiini epini war Betlehem lai.

¹⁶Ɗif na Filistre hanɗa, gorof gorof paŋ koskoi koskoi paŋ, a ɗiyasi edi war zawwa zawwa. A za mai hanɗa ɵa haa mefeŋ doogo doogo puɗu.

¹⁷Mefeŋ ktai, Isai a miɗini wiini David n’ahini: Tika sak na wiini algama zi sisili hanɗa, gaini peŋ na doogo hanɗa lai, lawa gaini ku kiŋɗi wiiɗi tawalakaiku n’e ɗa edi war kaŋ ɗa.

¹⁸Emel n’e limi peŋ gaini na doogo hanɗa ku kaŋ wiini abai na wiiɗi askarai ɗa. Ku zilbasi jam na wiini amur-si na wiiɗi tawalakaiku ta lai, ku kaŋasi wala ktai n’a siŋka ɓa e ɗa wiiɗi jam tuku ɗaw lai.

¹⁹E ɗa edi gaini Sawul gaini vokɗi askarai na wiiɗi Izrayel edi war huduk zi luwuŋ Terebente, e ɗa hitimi gaiɗi Filistrekai.

²⁰David a faka amai gorof par cup, a hina ka haakaini tini ɗif zi giɗimi, a mula wazagai n’a hala gaini, a hala lai, maini na Isai a miɗiŋni nɵa. Won hlai n’a co war hlai n’e pi woni ɗa, a niviɗi ɗai e ɗa hili edi min hatam, e ɗûûli ɗuwal zi hatam lai.

²¹Ɗai na Izrayel gaiɗi Filistrekai e zizin siɗi miɗi marɗi min hatam.

²²David a hina wazagai n’a kaŋɗi tini, a siŋni tini ɗif n’a giɗima wazagai ɗa, a lawa edi min hatam. Won hlai n’a co edi tar, a zilba jam na wiiɗi tawalakini.

²³Won hlai n’a na haɗa kalaŋ gaiɗi hai, gaŋgalaŋ na wiiɗi Filistrekai, na yikini ɓa Goliat, a Filistre na Gat par, a niyasi edi arbaɗi askarai na wiiɗi par. A muɗa seŋni n’a na muɗaŋ wiiɗi Izrayel kureɗ ɗa. David a ɵina seŋ hanɗa.

²⁴Won hlai n’e tili ɗif hanɗa, ɗai na Izrayel ɗa paŋ e hûni gara, e wiyi gai duɓaɗi.

²⁵Ɗai na Izrayel e miɗi: Ɗif n’a na halasi na ɗa, ki tiliŋ ya tiɓ ɗi? A halasi na ɗa aŋ miɗiɗi seŋ na ɗewek wiiɗi ɗai na Izrayel. Ɗif n’a fuɗaŋ li ɗa, pai aga a sini farai viya, aga a sitini ahini aŋ muni, pinzibani aga a sa tar aha war Izrayel kaalai.

²⁶David a zilbiɗi ɗai n’e ɗa ɵimani gobi a muɗa: Ɗif na fuɗa Filistre hanɗa li ɗa, aga e zi sini ɗa a ma ɗa? Sini ɗif n’a tika siyer hanɗa li edi midiɗi Izrayel par ɗa? Filistre ni tiɓ ɗa asiya ktai ɗa? Filistre na gaziɗaŋ hanɗa, na kapai a guvula miɗi vokɗi askarai n wiini Alaw na karni ɵa blaŋ ɗa?

²⁷Ɗai e miɗini wiini David ɗa a seŋ ni ɵa ktai, e miɗini ɓa ɗif n’a fuɗaŋ li aga e zi sini nɵa lai nɵa lai.

²⁸Eliyab, tawalni n’abai ɗa, a ɵina seŋ na David a na muɗaŋ gaiɗi ɗai ɗa, a za hiy sini David. A miɗini: Ku halasi won na tiɓ buri ma ɗa? Ku hinasi haakaiku edi war basga tini asiya ɗa? Ta mu sɗuku ya, a kukusi na ɗa a eles na muku ɗa, gaini hiiniku na mefeŋ ɗa lai. Ku halasi na ɗa aŋ tala hatam n’a na za.

²⁹David a waya seŋ: Mu za na meefeŋ ɗa a ma ɗa? Ɗif a muɗa mini edi kir kai ɗi?

³⁰A hinaŋsi ka duɓani, a hala a zilba ɗif zamai pra. Ɗai e miɗini maini n’e miɗiŋnisi ɗa ɵa ɗaai.

³¹Ɗai n’e ɵini seŋ na David a na muɗaŋ ɗa, e hili e miɗini wiini Sawul; Sawul a ɵina aŋ yikasi David,

³²David a miɗini wiini Sawul: Jaamus! Hiniɗi ɗai e kwimi burini ɗif hanɗa kai. Ta na ɵeŋku aga mu hala mu hitima gaini Filistre hanɗa.

³³Sawul a miɗini wiini David: Ku kiɗa ku hala aŋ hitima gaini Filistre hanɗa kai, buri tuku k’arwagwi, ni a ɗif n’aŋ war hatam na ɗa haa war gawlani par,

³⁴David a miɗini wiini Sawul: Mu naka mu giɗima haakai na wiini apa. Won hlai na gurnai zaw urs a yima li hiiki ktai pa par ɗa,

³⁵mu lawa pini, mu ɵiɓaŋ, haa mu ɵitisi hiiki mini par su. Na ɓa a fakasi li gaya ɗa, mu yimaŋ wulani, mu ɵiɓaŋ, mu fuɗaŋ lai.

³⁶Mu fuɗa gurnai gaini urs ɗa ma hanɗa ɵa, Filistre na gaziɗaŋ hanɗa, aga mu fuɗaŋ maini ɵa lai, buri a guvula miɗi askarai na wiini Alaw na karni.

³⁷EPIƊ-ƊAI n’a kurɗaŋasi edi min gurnai par, mini urs par lai, aga a kurɗaŋa edi tin Filistre hanɗa par lai. Nɵa Sawul a miɗini wiini David: Hala, EPIƊ-ƊAI a za gaiku!

³⁸Sawul a wiini sapa na wiini sini David, a witini bogorai zi kiiya midini, a wiini safaya paɵani lai.

³⁹David a nagga kalkar na wiini Sawul ɗa wuzani, amai midini sapa par. A firya a hala gaini, amma a kiɗa kai, buri a hitra gaini kai. David a miɗini wiini Sawul, mu kiɗa aŋ hala wuza gai hanɗa kai, buri mu hitra sa gaini kai. David a fokoŋ edi.

⁴⁰David tikiti amaraŋai na wiini, a vara kriyit na kirnai kirnai agoɗom wulani yem par ɵim, a mulaŋ war guɓai na wiini zi gɗam ɗa ca. A militi viliyuni tini, a hala sini ɗif na Filistre ɗa.

⁴¹Filistre ɗa a torasi sini David sek gai hangal hangal, ɗifni na luba gmarni n’abai ɗa wuzani su.

⁴²Filistre ɗa a tala David, a miisaŋ warɗi agulni, a talaŋ aŋ arwagwi n’agwi kadai na mekele kriŋ, n’a wa juf gara lai.

⁴³Filistre a miɗini wiini David: Ku halasi sa gaini amaraŋa ɗa, mu hirge ɗi? Filistre a tusa David war yikiɗi alawai na wiini.

⁴⁴Sin vidini a miɗini wiini David maini nɵa: Vugasi, mu sa neŋku wiini wala zi ɗifli n’arbani hlai n’amai gaini wazagai n’edi buza.

⁴⁵David a miɗini wiini Filistre: Tuku ku halasi sa na ɗa gaini kaɵkar, gaini kawai gaini yalla, amma ta mu halaɗi suku na ɗa war yikini EPIƊ-ƊAI zi Spak paŋ, Alaw na wiiɗi askarai na wiiɗi Izrayel, na ku naguvula mini gaini seŋ na ɗewek na ɗa.

⁴⁶Girna ɗa, EPIƊ-ƊAI aga a suku war ta, aga mu fuɗuku, aga mu ɗukla muduku edi, girna aga mu sa kopoŋɗi Filitirkai n’e ɗa wr kaŋ ɗa wiini wala zi ɗifli n’arbani hlai n’amai, gaini wazagai n’ezini puɗu puɗu na midini afti lai, nɵa, duniya na gaini abaiɗi ga te sɗa ɓa Alaw na wiiɗi Izrayel a na.

⁴⁷Nɵa vokɗi ɗai n’ŋ won na ɗa aa e siɗi ɓa EPIƊ-ƊAI a kurɗa ɗif edi gaini kaskar kai, gaini kawai kaalai. EPIƊ-ƊAI ni a epin-gezani hatam ɗa, a siki war tiyi na ɗa a ni lai.

⁴⁸Won hlai na Filistre a faka aŋ hala sini David sek katawai ɗa, David a purma witaw aŋ hala edi mini aŋ hitima gaini lai.

⁴⁹David a wa tini amlai war guɓaini, a tikasi kiryit edi ktai, a biliti gaini viliyu na wiini, a ɗigira Filistre ɗa midini arni fas, kiryit ɗa niya amlai midini arni, a kɵa azumai gaini warni.

⁵⁰Nɵa, gaini viliyu ktai, kiryit ktai lai, David a rɗa amai midini Filistre ɗa, a bula Filistre ɗa azumai, a fuɗaŋ lai. Paŋ ktai kaɵkar a nafu tini kai.

⁵¹David a lawa, a ɗiya midini Filistre ɗa, a soto kaɵkar na wiini edi war forni par, a fuɗaŋ edi, a ɗukla humokni edi gaini kaskar. Won hlai na Filistrekai e tili ɓa gaŋgalaŋ na wiiɗi a mra li ɗa, e pri edi gaini rûvi

⁵²Ɗai na Izrayel gaiɗi na Yuda, e fiki gaini ɗuwal zi gaw, e tikifuti piɗi Filistrekai haa aha miɗi Gat ta, haa aha miɗi Ekron ta lai. Filistrekai n’e nivi wuruk n’abakai ta ta ɗa, e mri war futi na Saraiim, haa a Gat gaiɗi Ekron ta lai.

⁵³Asakal n’aliɗi Izrayel e tiki futi piɗi haa e wiyisi li ɗa, e virmi kaŋ na wiiɗi Filistrekai ɗa.

⁵⁴David a tikasi humokni Filistre ɗa tini, a kaŋsi war Yeruzalem. Amma wazagai zi hatam na wiini Filistre ɗa a kaŋ aha war damalni.

⁵⁵Won hlai na Sawul a tala David a na hala aŋ hitima gaini Filistre ɗa, Sawul a zilba Abner, n’abaiɗi askarai na wiini maini nɵa: Abner, aragwi hanɗa a ahini asiya ɗa? Abner a wiyini seŋ: Jaamus mu siɗaŋ kai sam!

⁵⁶-Pai a miɗini: Nɵa paya futini ɗa, kapai ku siɗa epini ɗa.

⁵⁷Won hlai na David a fuɗasi Filistre li, a waisi li ɗa, Abner a yimaŋ pini a kaŋ wuzani Sawul. Humokni Filistre a nafu tini David ɗaw.

⁵⁸Sawul a miɗini: Ahiya, tuku k’ahini asiya ɗa? David a wiyini seŋ: Ta m’ahini Isai, na ɗifku zi sda na war Betlehem par ɗa.