Read Mousgoum 1 Samuwel 21 Bible Online

1 Samuwel 21 - Mousgoum bible

1 Samuwel 21

¹David a faka a hala, Yonatan a waya aha war fuŋ n’abai ɗa lai.

²David a hala a Nob, ahani pai zi ɓaka Ahimelek. Ahimelek a halasi mini, a jiriya lai, a miɗini: Kiiku blaŋ ɗa maɵa maɵa ɗa? Ɗif puku kai ɗa, buri ma ɗa?

³David a wiyini seŋ wiini Ahimelek na pai zi ɓaka maini nɵa: Pai a muɗaŋa seŋ, a muɗaŋa maini nɵa: Seŋ na mu ɵinuku pini na ɗa, ɗif aga a sɗaŋ kai, seŋ na mu muɗuŋku ɗe, ɗif a ɵinaŋ kaalai. Gawlakai na mada ɗa, mi kitisi mi ɓa mi nivi war hlai hanɗa nɵa lai nɵa lai.

⁴Tiyana ɗa n’aŋ tuku ɗa a ma ɗa? Kasi peŋ ɵim, ɵa kai ɗe, wala n’aŋ tuku paŋ lai.

⁵Pai zi ɓaka a miɗini wiini David: Peŋ na kadai aŋ ta kai, a na ɗa a peŋ na sɗik, mu suŋku sai na ɓa gawlakai na wiiku e tipi gaiɗi falakai kai.

⁶David a waya seŋ a miɗini: Tiyi mi ɗi siɗi falakai kai, maini na mi ɗa ziŋ kureɗ, won hlai na mi hili edi min hatam ɗa nɵa. Na ɓa wazagai zi hatam na wiiɗi gawlakai na wiya a na sɗik, won hlai na mi hili edi min hatam na kadai ɗa, hatam hanɗa koo ɓa te na kadai tekeɗeɗi, wazagai ɗi zi hatam aga a za edi sɗik azi gama ɗa?

⁷Nɵa, pai zi ɓaka a sini peŋ na sɗik, n’e miliŋ edi wiini EPIƊ-ƊAI, asakal par e miliŋsi edi, e bindiŋ gaini zamai na hahakai.

⁸War mefeŋ ni ɗa, ɗif ktai arbaɗi ɗai na wiini Sawul, a nafu woni, wuzani EPIƊ-ƊAI, a ɗif na Edom par, yikini ɓa Doeg, abaiɗi ɗi zi giɗimi haakai na wiini Sawul.

⁹David a miɗini wiini Ahimelek: Mu nava kawai zaw kaɵkar tuku kai ɗi? Mu tikasi kaɵkarɓa ta kai, wala zi hatam ktai kaalai, buri ɓa ɵeŋ na wiini pai ɗa a nafu kokolai gara.

¹⁰Pai zi ɓaka a miɗini: Kaɵkar na wiini Goliat na Filistre, na ku fuɗaŋ war huduk na zi luwuŋ Terebente ɗa an na. A na gai fûɗi war kaput, amlai war sapa na wiiɗi paakai zi sda foɗ. Na ɓa ku firya ku tikaŋ ɗa, tikaŋ wiiku, buri ɓa zamai aŋ kai. David a miɗini: N'a suwa hanɗa aŋ kir kai, saŋasi.

¹¹Mefeŋ ni ɗa, David a pra edi, aŋ ŋoya sini edi wuzani arni Sawul par gaigai. A co ahani Akis, pai na Gat.

¹²Ɗai n’ahani Akis e miɗini wiini epin-gezaɗi: Hanɗa a David, pai na na midini afti na Izrayel ɗa kai ɗe? A ni n’e ziniŋ gaini yama e didimi lai ɓa: Sawul a fuɗa ɗai dubu viya amma David a fuɗa ɗai dubu doogo doogo viya ɗa kai ɗi?

¹³David a yima seŋ hanɗa paŋ ɵimani. Hunai pini wuzani Akis, pai na Gat ɗa gara ta.

¹⁴Nɵa David a tika pini a za sini maini ɗif zi dûûli nɵa, wuzani arɗi ɗai, a za wazagai zamai n’a ɵina kai, a ɓasa wala amai mini porte n min hlai, a hina teenek na mini a ka azumai sin miɗigi na mini lai,

¹⁵Nɵa Akis a miɗiɗi wiiɗi ɗai n’ahani: Tiki ki siɗi edi gaglai ɓa a ɗif na midini a hala pɗem kai, ki kiɓasai ɗa buri ma ɗa?

¹⁶Ɗai zi duuli ɗa, ahaya e ɗi kai zaw, na kapai ki kiŋasi ɗif zi duuli hanɗa a gizibasi ma ɗa? Ɗif na mai ni ɵa ɗa, ki firyi ɓa, a niya ahaya kiɗi ɗi?