Read Mousgoum 1 Samuwel 24 Bible Online

1 Samuwel 24 - Mousgoum bible

1 Samuwel 24

¹Woni par, David a hala, a sumna war hlai na ɗai e hili woni sek gai gir ɗa, n’e yikiŋ ɓa Ein-Gedi.

²Asakal na Sawul a waisi edi piɗi Filistrekai par ya, ɗai e hilisi e miɗini ɓa David a na edi war basga na kaɗataŋ na Ein-Gedi.

³Sawul a paya asarai na tiɗi a pa azumai kai, dubu hu, war Izrayel par, a tika futi pini David gaiɗi ɗaini aŋ piyiɗi ɗaai, amai midiɗi huwuŋ na wiini haakai na buza.

⁴Won hlai n’a co gobi sini hlai na farani adumai gaini haakai aŋ woni, n’a na ɵimaɗi futi ɗa, waŋ na sini huwuŋ ktai a nafu woni, Sawul a niya amlai warni aŋ pirna huwai, kapai na ɗa, David gaiɗi ɗaini e ɗasi amlai par duɓani ca.

⁵Ɗai na wiini David e miɗini: Hanɗa a mefeŋ n’EPIƊ-ƊAI a muɗuku gaini ɓa: Ta aga mu suku gawku war tuku, aga ku za sini maini na ku dara nɵa ɗa. Nɵa David a faka, a hala a ɗukla min sapani Sawul ɗa daf.

⁶Asakal hanɗa par, David agulni te ɓaraŋ, buri a ɗukla min sapa na wiini Sawul.

⁷A miɗiɗi wiiɗi ɗaini: Na ki miɗiŋa na ɗa, a za duk kai. EPIƊ-ƊAI a hinaŋa aŋ za wala na mai hanɗa ɵa kai, aŋ tika ta sini epin-geza, sini ɗif n’emel n’e tiki ɗai war sda gaini a ma midini ɗa kai, buri EPIƊ-ƊAI a ma emel n’e tiki ɗai war sda gaini ɗa midini ni.

⁸Pin seŋ n’a miɗiŋɗi ɗa, hiiniɗi ɗai na wiini David ɗa a ɗiya zaw, e zi wala na meefeŋ sini Sawul kir kai. Sawul a niyasi edi war waŋ ɗa par, aŋ kiti morkoini wuzani sek.

⁹Asakal par, David a niyasi edi war waŋ ni ɗa par, a yikaɗi Sawul pini par a muɗa: Jaamus! Epin-geza, won hala na Sawul a bundasi arni duɓani ɗa, a tala David a goɓa azumai, a pa arni azumai midini afti, a hurga azumai.

¹⁰David a miɗini wiini Sawul, seŋ na ɗai e ɗa muɗuŋku ɓa: David a firya a zuku meefeŋ ɗa, ku yimaŋ ɗa buri ma ɗa?

¹¹Girna ɗa, ku talaŋ li gaini arku, Girna ɗa, EPIƊ-ƊAI a suku war ta, amlai war waŋ ɗa, amma, mu firya fiɗiku kai. Ɗai e miɗiŋa ɓa mu fuɗuku, amma, mu firya mu tika ta sini Epin-geza ɗa kai, buri emel n’e tiki ɗai war sda gaini a ma ɗa midini ni.

¹²Tala, min sapaku na mu ɗuklaŋ ɗa an na. Mu ɗukla min sapaku daf, amma mu fuɗuku kai. Yimaŋ muduku ɓa, meefeŋ ktai wara gaiku kai, mu firya mu faka amai suku kai, mu za meefeŋ suku kaalai. Amma tuku, ku na paya suŋfaŋa, ku firya ɓa sai ku baŋ.

¹³EPIƊ-ƊAI aga a ziti sariya hanɗa arbamu. EPIƊ-ƊAI aga a vurga meefeŋ n ku na zaŋa hanɗa, ta aga mu tika ta amai suku kai sme.

¹⁴Maini na seŋ zi siŋka maini ktai na ɗipar a muɗa ɗa nɵa: Meefeŋ a niyasi ɗa edi war ɗai na maafanai par Nɵa, aga mu tika ta mai suku kai.

¹⁵Pai na Izrayel ɗa, a niya edi aŋ hatam na ɗa gaini asiya ɗa? Ku tika futi na ɗa pini asiya ɗa? Pin hirge na gai mri su ɗa zaw, pin tinɗe ɗi?

¹⁶EPIƊ-ƊAI aga a ɗiya arbamu, aga a ziti sariya n’arbamu ɗa, aga a tala jreŋa ɗa, aga a ɵa pini pa par, a siŋka jreŋa edi lai, aga a plaŋa edi war tuku par.

¹⁷Won hlai na David a miɗini seŋ hanɗa wiini Sawul ya, Sawul a muɗa: Ku muɗa na ɗa, ku tuku David n’ahiya mal tiɓ ɗi? A wulaku tiɓ ɗi? Sawul a kɵa edi aŋ tuwi.

¹⁸Asakal par a miɗini wiini David: Jreku ɗa a suwaɓa su. Buri ku zaŋa pɗem, amma ta mu zuku ɗa a meefeŋ.

¹⁹Ku siɓkaɓa edi gaglai ɓa, tuku ku za sa ɗa war jre. EPIƊ-ƊAI a saŋa war tuku ta, amma ku fuɗaŋa kai.

²⁰Na ɓa ɗif a nava gawni li ɗa, a hinaŋ a hala wiini wuzani sek gai hangalni ɗi? EPIƊ-ƊAI a za pɗem suku, pin pɗem na ku zaŋ sa girna na ɗa.

²¹Tiyana ɗa, mu sɗa edi gaglai ɓa aga ku bunda aŋ pai, pai na wiiɗi Izrayel aga te ɗiya gai futiɗi gaiku tuku lai.

²²Nɵa tiyana ɗa, haɓa wala muku gaini EPIƊ-ƊAI ɓa, asakal mriɓa par ɗa, aga ku vada pinzibaɓa edi, kapai ɗai midiɗi a wula gaya gaini pinzibaɓa lai marwai kai.

²³David a ha wala mini wiini Sawul. Asakal par, Sawul a waya aha, David gaiɗi ɗaini e wiyi war hlaiɗi zi ŋoyai.