Read Mousgoum 1 Samuwel 25 Bible Online

1 Samuwel 25 - Mousgoum bible

1 Samuwel 25

¹Samuwel a mra. Aliɗi Izrayel paŋ e tipi war hlai ktai war tuwini. E pin ahani war Rama. Asakal hanɗa par, David a hala edi war basga na kaɗataŋ na Paran.

²Ɗif zi farai ktai a nafu a Mawon, adumaini, dubu hu, haakaini dubu ktai lai. Faraini ɗa a nafu a Karmel. A ɗif n’abai, a hala war Karmel aŋ ɵa ayirni adumaini edi.

³Ɗif yikini Nabal, munini yikiɗi ɓa Abigayil, te muni na hangali gara, na juvi gara lai; amma mofoɗi a ɗif na blaŋ gara, sdani meefeŋ gara lai. A na war pinzibani Kaleb.

⁴Edi war basga ɗa, David a ɵina ɓa Nabal a hala aŋ ɵa ayirni adumaini edi.

⁵David a vara ɗai doogo arbaɗi ɗai na pini par, a ɵiniɗi sin Nabal. A miɗiɗi maini nɵa: Hili a Karmel, ki hili sini Nabal ki kiini wutiɓa ta.

⁶Ki miɗini ɓa Alaw a ɓikiti buza hanɗa burini. A zuva ɓa wala na ku tikaŋ tuku paŋ a hala gai futini, ɵeɗ midini dalamku, midini wazagaiku paŋ lai.

⁷Tiyaa mu ɵina ɓa ɗai zi ɵi ayirni adumai ɗa e ɗa ahaku. Gaiɗi ɗaiku zi giɗimi ɗa mi ɗika ktai, mi zi wala na meefeŋ siɗi kai, mefeŋ n’e ziŋ gaiyi war Karmel taaha ɗa, walaɗi ktai a wula kaalai.

⁸Zilbiɗi ɗaiku haw le, aga e muɗuŋku. Tiyana za pɗem siɗi ɗaiɓa ɗa ta, buri e hili suku na ɗa war mefeŋ zi fet, nɵa mi siiwuku, tiyi na ɗaiku gaini David n’ahiku lai, buri ku siyisi wala na ku dara ku siɓyi

⁹Won hlai na ɗai na wiini David e cû ɗa, e miɗini wiini Nabal kal kal maini na David a miɗiŋɗi ɗa nɵa, asakal par e biyi.

¹⁰Nabal a wiyiɗi seŋ wiiɗi ɗai na wiini David maini nɵa: David ni asiya ɗa? Ahini Isai ni asiya ɗa? Girna, ɗai zi sda n’e pri edi tiɗi epin-gezakaiɗi par, e suwi viya gara.

¹¹Kapai mu tika wala zi simi n’aŋ ta, gaini yem n’aŋ ta, gaini neŋ na mu zizinaŋ wiiɗi ɗai n’e ɵi ayirni adumaiŋa ɗa, mu mulaŋ, mu saŋ wiiɗi ɗai na ɗif a sɗa hlai n’e hilisi woni par kai ɗa kiɗi ɗi?

¹²Ɗai na wiini David ɗa e wiyisi wiiɗi duɓaɗi. Won hlai n’e cûsi ɗa, e miɗini seŋ na Nabal a miɗiŋɗisi ɗa kafa.

¹³Nɵa David a miɗiɗi wiiɗi ɗaini: Ɗif paŋ a nagga kaɵkarni wuzani. Ɗif paŋ a nagga kaɵkarni wuzani tar tar. David a nagga na wiini lai, askarai n’e fiki pini e zi gobi miya puɗu. N'e hini ka ɵimani wazagai ɗa ca.

¹⁴Ɗif ktai arbaɗi ɗai na wiini Nabal par a ziɗi zaida wiiɗi Abigayil na munini a miɗiɗi: David a ɵinasi ɗai edi war basga na kaɗataŋ par aŋ ɵiɓini wuti wiini epin-gezamu: amma ni a miɗiɗi gaini wule na meefeŋ.

¹⁵Paŋ ktai ɗai hanɗa a e ɗifu gaiyi pɗamai gara. E ziyi wala na meefeŋ duk kai, walaiɗi ktai a ɓa duk kai, mefeŋ na mi ziŋsi gaiɗi edi war basga taaha ɗa.

¹⁶Nagai, e ɗi ka gaiyi ɗa, duvuk gaini girvudi paŋ, e ɗa buriyi maini ɵaga nɵa, won hlai na mi ɗa giɗimi haakai ɗa.

¹⁷Tiyana ɗa, a pɗem ɓa ku mula arku war seŋ hanɗa. Gir aga a halasi midini gaini dalamni paŋ, hanɗa a wala n’a na edi armu gaglai. Ni ɗa, a ɗif na ɗar kadai, a ɗif na ɗif a miɗini seŋ kai.

¹⁸Abigayil te zizina siɗi witaw tar, te mula peŋ miya sulu, koloŋ zi vin sulu, adumai na gai lifti edi ɵim, daram na wiini ali-seyem na gai sisili ɵim, gato na wiini ali luwuŋ zi vin na huleŋ miya ɗaw, na wiini ali luwuŋ Fige miya sulu, te mulaŋ duɓani ablehökai.

¹⁹Te miɗiɗi wiiɗi ɗai ɗi zi sda: Miliɗi wuza, mu na halaɗi piki. Te miɗini seŋ ktai wiini Nabal na mofoɗi kai.

²⁰Te hala gaini ablehö. Te niya tiɗi huwuŋ war gal hanɗa par ɗaw, kapai na ɗa David gaiɗi ɗaini e ɗa hilisi siɗi sek lai. Safai n’agwi e nivi li gaiɗi marɗi.

²¹David a muɗa: Farai na wiini ɗif hanɗa mu giɗimiŋni edi war basga na ɗa kadai meere, arbani par ktai maa a ɓa edi kai sam. Pɗem na mu ziŋni na ɗa, a wayaŋa midini ɗa a meefeŋ?

²²Na ɓa haa gorof par ta, ahi na wus a hina li war pinziba na wiini Nabal blaŋ ɗa, Alaw a tikaŋa gir n’abai wiini mada.

²³Won hlai n’Abigayil arɗi a mula gaini David nɵa tar ɗa, te niyasi azumai duɓani ablehö ɗa par, te bla siɗi azumai wuzani, te pa arɗi azumai midini afti.

²⁴Te bla siɗi azumai ezini te muɗa: Epin-geza, mu za meefeŋ ɗa mu ta, hinaŋa mu muɗa na ma ɗa edi ta, mu siiwuku, yima seŋŋa ɗa, ta mu bagai na wiiku.

²⁵Za barka, ku tika pin seŋ na Nabal a muɗaŋ ɗa kai, a ɗif na nafa kai maini yikini ɗa nɵa. Yikini na Nabal ɗa a waya edi ɓa "duuli", midini ɗa a hala pɗem kai. Ɗai na ku ɵiniɗiɗi ɗa, ta mu tiliɗi kai.

²⁶Tiyana ɗa, gaini EPIƊ-ƊAI jaŋ, gaiku tuku jaŋ lai, a ɗuluku aŋ ma fel edi na ɗa a EPIƊ-ƊAI, a firya ɓa ku ziti sariyaku gai muduku dama kaalai. A zuva ɓa gawku paŋ, n’e ɗa piyi aŋ zuku meefeŋ ɗa, e bindi maini Nabal ɗa nɵa.

²⁷Katu na mu kuŋkusi hanɗa, yimaŋ ta par yaw, ku siŋɗi wiiɗi ɗai n’e ɗa puku ɗa.

²⁸Mu siiwuku, ku tika pini meefeŋ na wiya ta na bagaiku ɗa kai. EPIƊ-ƊAI aga a siti pai wiini pinzibaku ɵa haa kureɗ, buri ɓa ku hitima na ɗa burini. A zuva ɓa, wala na meefeŋ a za suku duk kai zaŋ.

²⁹Na ɓa ɗif a na paya aŋ zuku meefeŋ ɗa, Epiɗ-ɗai Alaw na wiiku aga a pa tini muduku, amma gawuku ɗa, aga a ɵiŋka suŋfaɗi edi gaigai maini gaini viliyu nɵa.

³⁰Pɗem n’EPIƊ-ƊAI a muɗa gaini ɓ'aga a zaŋ suku paŋ ɗa, won hlai n’a zaŋ li, a tukuku li aŋ pai midiɗi Izrayel lai ɗa,

³¹aga ku hina aŋ siɗa gir war hiiniku, zaw ku nava huwyi, buri ɓa ku fuɗa ɗif su, pin wala ktai kaalai, buri ku firya ku siŋka jreku edi kiiku gai muduku dama kai. Won hlai n’EPIƊ-ƊAI a zuku pɗem li ɗa, ku hina muduku a wula gaya kai.

³²David a miɗiɗi wiiɗi Abigayil: Kol sini Epiɗ-ɗai Alaw na wiiɗi Izrayel, n’a ɵinukusi aŋ nava gaya war yivai na girna hanɗa.

³³Teseku buri yelku, tese suku tuku na ku ɗalaŋa girna aŋ ma fel edi, aŋ siŋka jreŋa edi kiiya gai mada dama lai.

³⁴Alaw na wiiɗi Izrayel, a firya ɓa mu za meefeŋ suku kai. Ku halasi a hili ma witaw aŋ nava gaya kai ɗa, haa gorof na hlai rum rum ta ɗa, ahi na wus ktai maa aga a hina ahani Nabal kir kai.

³⁵David a yima wala na te kaŋsi ɗa war tiɗi par, a miɗiɗi: Waia aha jam, tala na muu par, mu ɵinaŋ ya, mu zuku yim ya lai.

³⁶Abigayil te wayasi ahani Nabal, a nafu gaiɗi fet n’amai ahani. Te fet n’amai na wiini pai. Nabal agulni te va gaini firyi, a ciina marwai. Te miɗini seŋ ktai maa kai, haa hlai a sɗasi edi.

³⁷Gorof par, won hlai na suwul a vada edi arni par li, munini te miɗini seŋ n’a za ɗa. Nɵa agulni te mra warni, te bunda maini ahi-fuŋ nɵa.

³⁸Mefeŋ asakal par a za gobi doogo, EPIƊ-ƊAI a ɵiɓa Nabal, Nabal a mra.

³⁹David a ɵina ɓa Nabal a mra su, a muɗa: Kol sini EPIƊ-ƊAI n’a zitaɓa sariya na jre, war miisi na Nabal a miisaŋa ɗa, a hinaŋa aŋ za meefeŋ sini kai, EPIƊ-ƊAI a siŋka jreŋa edi ya. Meefeŋ na wiini a hinaŋ a kɵa midini ni dama. David a zilbiti Abigayil buri a tikiti aŋ muni.

⁴⁰Ɗai na wiini David, e hili ahaɗi Abigayil war Karmel, e miɗiɗi maini nɵa: David a ɵiniyisi suku, a dara a tukuku aŋ muni.

⁴¹Te faka amai, te hurga azumai, te pa arɗi azumai te muɗa: Ta mu bagai na wiiku, mu za aŋ bagai na te ma eziɗi ɗai zi sda na wiini epin-geza edi.

⁴²Abigayil te pirma aŋ faka amai witaw, te niya duɓani ablehöɗi, te mula falakai zi sda piɗi ɵim, te tika futi piɗi ɗai na David a ɵiniɗisi ɗa. Nɵa te hina aŋ munini.

⁴³David a tikiti Ahinowam na Yizreyel par, aŋ muni ɗaw lai, gai suliɗi e hini aŋ falakaini.

⁴⁴Sawul a siti Mikal n’ahini na munini David wiini Palti na Galim par, n’ahini Laiis.