Read Moyon Naga METHIU 15 Bible Online

METHIU 15 - Moyon Naga bible

METHIU 15

¹Changlaenche Jerusalem tanii Pharisi aere thiimthang aeng Jesu ningna theng aeka ensii,

²“Yngkhaena nasebok aeng upa ae purahchu reeh aeka engkik isuwru ing thaemin ensahva?”

³Jesu ing eningna abasang, “Nenuwcha ynchii khaena nenpurah ing Thangnang chongchu nenbakhiiva?

⁴Thangnang ing ariir chuve, ‘Nangnuw nangpa ijaara, amanche achuw yngkheh ing amnuw ampa taklina siraap pinave thikrasii achiisa.’

⁵Changvakonchu nenuw ing nenriir-nah, nang ing kaningtanii ikanii phava nachiichu Thangnang ting kapeehpa tanave, ama ing amnuw changmahka ampachu ijaamah khangnakho aruva.

⁶Chukhaenache nenuw nenpurah ingkhe Thangnang chongchu teen-taen seemmahchuw.

⁷Isachaang itu ae! Isaia ing nenuw nengkhaena hungsuwh vachii ichum ing ariirsa!

⁸‘Enerna chembe ki eejanah ae, Changvakonchu embarungriir chuve kithoh yndahpaknung;

⁹laaruw paam isii ibuwr dichu, Thangnang chong pangeng ichii ing, mee vakhaechu manchuw aeka vensasah ing ynrumnah ae.’ ”

¹⁰Amana Jesu ing mee aechu enka ariir, “Rungaeruw vokhehkho mang-huwruw;

¹¹baeting ijungruwh ingkhe meechu manchohmah, changvakonchu baetanii ihungsuwh inche meechu amanchohnah.”

¹²Changlaenche asebok aeng Jesu ningna vak aeka ariir ae, “Nachong kha Pharisi aeng ensiitahna embarung isiikha namanghuw mahva?”

¹³Jesu ing abasang ae, “Thangbaenna ong kapa ing aphin chumahnaka asanaen ing imuwng chaap arajung thoh aangkheng ymphichir vaata.”

¹⁴“Enuwkha bathen aeruw, enuw i mikchu mikcheerpae, mikchu ing mikchuchu cheernave engaaniimeh ing yngkuwng sungting bukvaatae.

¹⁵Pitar ing atae ithuwh chong ing mandeeng chiika nariirkha keningna iriirpeehra achii.”

¹⁶Jesu ing ariir, “Nenuwkho ata-raen ipha ing nemanghuwmah riva?

¹⁷Ynsah vakhae venting jungruwhka vokhehkho taang suwhna ichii nemanghuwmah riva?

¹⁸Nerna hungsuwh vakhaechu barungriir sungtaniiva, ama inche meechu aman-chohva.

¹⁹Ama vakhae chuve isamah barungriir, miktheh, reentaang rumee fhuwsar taklina ichuwhmah itu, vokhehkho naamak itu, lamruw, ichummah saarkhii itu, mee irensah, hava vakhae i barungriir tanii ihungsuwhva.

²⁰Hava vakhae inge mee amanchohnah; changvakonchu kik chaamru ing thaemin isah inche mee manchohmah.”

²¹Ama denchu Jesu ing bathenka Taire re Sidon paamting sisa.

²²Amana Kanaan tanii rupanuw yngkheh ing Jesu ningna thengka ichap ing iva uungsah, “O Aafhuw, Devit sapa, naning imanchuwhsara, kasanuw taklina umlae ing chuwngka ichiisuwhpak ing omna.”

²³Chang-vakonchu Jesu ing basangmah dehsa. Chutahnache asebok ae ing Jesu ningna hava rupanuw i eenuw jiika uungbirna ibathenpeehra ta aeka athamsahpae.

²⁴Changlaenche Jesu ing aba-sang, “Ki chuve Isrel siti ymmoh ae khaenapang ynjenchiir vatah.”

²⁵Changvakonchu rupanuw inche vakka vokhehkho athamsah, “Aafhuw, Ibomsara!”

²⁶Changvakonchu Jesu ing basangka ariir, “Naepang ae sahfhuw tarchu uti ting ipeeh chuve chum-mahnii.”

²⁷Rupanuw inche chumne Aafhuw, changvakonchu aafhuw thaesahnii tanii ibuw aanta rapkho uti aeng ensahnah taka abasang.

²⁸Amana Jesu ing aningna abasang, “O sanuw, nang nathacha inempak pirna! Namanden inuwzii ing phasara.” Amana sanuwchu damsa.

²⁹Jesu ing ama paamchu bathenka Galili chifhuw kuurna hungsisa. Amana reen yntongting hangkarka ongsa.

³⁰Changlaenche mee inempak ing aningna theng aeka khibong, mikchu, achong isuwhmah, reentaang ina aajaeh veruw aeka Jesu ningnache amansirpae, amana enuwchu ama ing amandam chirpae.

³¹Amanache achong isuwh mahkho suwhsa, khibong ingkho isi achehpa, mikchu ingkho imusah aphapa, reentaang ina vakhae chukho amandam chirpa. Ama vakhaechu mee vakhae aenche emutah nache ngiksae vokhehkho enuw ing Thangnang inempak amanpahpae.

³²Jesu ing asebok aechu eenka eningna ariir, “Havane ong mee vakhae i kaning amanchuwhnah ae, thaemin sarudeh aeng inii nithumchak inuwthoh onghak samuw. Ki ing enuw i venchaam thoh mangkae ae ningka tamah ing, akhaechuve lamna enven ichaam ing tam ing suwr ae naka itiihkho arusae.”

³³Amana sebok aeng embasang, “Yndahpak paambing sungne mee hangjaeh inem aansuwhnii tarchu una rivakente?”

³⁴Jesu ing eningna asiipae, “Nenuw incha tar aajaeh nenreensa?” Tar sarii re ngadii topoh tahna ta aeka embasang.

³⁵Amana Jesu ing mee vakhaechu ruwruwna ongnii khaena ariirpa.

³⁶Amana tar re ngachu chika Thangnang chu manpahka abakhiipa, amanche asebok ae ningtingche jepika, asebok ae inche mee changjaeh inemchu apeehpae.

³⁷Mee vakhae inche enven ynva ing ensahpa. Abariichu sebok aeng engkhuum tahnache buruk sariimeh bariisa.

³⁸Imaar mee vakhaechu rupanuw naepang ynvaeru ing pasar lising manrii empha.

³⁹Aanuwnache Jesu ing mee vakhaechu mangkaeka Magadaan ichii paam tingche ruwkuwngna sisa.