Read Moyon Naga JOHON 10 Bible Online

JOHON 10 - Moyon Naga bible

JOHON 10

¹Jesu ing ariir, “Ki ing neningna kariirnah: Achuw yngkheh ing jao hungruwhnii suwngkung nache hungruwhru ing aasiir lamting iraen nave, atakchu lamruwva vokhehkho aangkhiiva.

²nache ihungruwh mee chaap chuve jaocheer ajao chuva.

³aarung inche akhaena suwngkungchu aamong peehnah; enruming parka a-een ae raenche ajao aenche aaruur ensiinah amanche ama ing enuwchu aruwnah ae.

⁴Ama ing taangting ajenbasuw ae raenche maensaka ajao aenche aanuw enjiinah, yngkhaena ynchii imbe enuw ing aaruurchu emanghuwsa.

⁵Enuw ing reentaang achuw tikho jiimahnii ae; ama changden nache enuw ing aningtanii taenvaatae, akhaechuve enuw ing aaruurchu manghuwmah ae.”

⁶Jesu ing havana ynghuwnii thamin i eningna atong, changvakonchu enuw ing ynchii achiiniiva ichii manghuw-mah ae.

⁷Chukhaenache Jesu ing athar vokheh ariir, “Neningna atatak ing kariirnah, ki jao suwngkung chuping.

⁸Kathengmah rirae ihetheng aekha lamruwpae vokhehkho aangkhiipae, amatah nache jao ae inche engaruur siimahsae.

⁹Ki eenkhaar chuping. Achuw yngkheh kaningna ihungruwh mee chuve karvakata; ama ing sungting hungruwh taangting jungsuwh tunaka vokhehkho fuwrchu tuwhvaata.

¹⁰Lamruw ing itheng chuve irinii, ithehnii amanche mamaangnii khaena vatah. Ki ijuwng ing chuve nenuw ing ynriimjor ringkumchu phanii khaenava.”

¹¹“Ki isa jaocheer chuping. Isa jaocheer inche aringkumchu jao khae-nache ithii chiimah.

¹²Jao adeenmah ynneeh jaocheer inche imi ithengchu amuraenche, ama ing jaochu bathen-ka taenna; amatah nache imi inche jaochu suwrka amanpennah.

¹³Ynneeh jaocheer inche taenna, yngkhaena ynchii imbe ama ing jao khaena ynchiikho kharmah.

¹⁴Ki chuve isa jaocheer ping; ki ing kajao aechu kamanghuwsa amanche enuw ing kichu ymmanghuwsae,

¹⁵Kapa ing kichu ymmanghuw vaange ki ingkho kapa chu kamanghuwsa, amanche ki chuve kajao ae khaenache ithii phanii ing karusa.

¹⁶Amanche havana jao kuwne ihungruwhmahri ae reentaang jao aekho kadeensa. Ki ing enuw chukho henruw vakatae; amanche enuw ing kasenruwrchu siivaatae. Amana chembe enuw jaoruwr yngkhehpang ing om vaatae vokhehkho jaocheerchu yngkhehpang suwhvaata.”

¹⁷“Amatah nache kapa ing kichu aning ymmansiihsa, akhaechuve karingkum i athar karichehnii khaena kapeehdehpa.

¹⁸Achuw ingkho karingkum i iri chehmahnii. Kataksah ing ipidehnii ruwreng kadeensa, aman-che kataksah ing athar irinii ruwreng kadeensa; Havi chehnii khaenache kapa ningtanii kaphapa.”

¹⁹Havi ariir khaena Jehudi ae enruwr sungna athar barungriir asiksik ing omsae.

²⁰Mee aanem aenche enriir, “Ama umlae chuwngsa! Ama baveehsa! Yngkhaena achong nenrungaeva?”

²¹Changvakonchu areh aenche enriir, “Umlae ichuwng mee inche jinge chong chehmah! Ynsaang khen-che umlae inche mikchu mee mandam chehva takhang?”

²²Pharbuw hungvika Jerusalem nache Ynthiingnii Kuurva itunii apha-chu ahenpha.

²³Jesu ing Rumniieenna om Solomon eensukreen nache baversa.

²⁴Chutahnache Jehudi aeng abuumna vaangkong aeka aningna ensii, “Aasen iseeh ing nang ing kenuwchu idava nachiiva? Nang Khrista chu vataniive, keningna isajaeh ing riirla.”

²⁵Jesu ing abasang ae, “Ki ing kariirpa, nenuw ing thacha mah-chuw. Kapa rumingna katu vakhae aenge kaningna saarkhiipae;

²⁶changvakonchu nenuw ing thacha mahchuw yngkhaena ynchii imbe nenuw i kajao mahsachuw.

²⁷Ki kajao aenche kasenruwrchu enrungae-nah; ki ing kamanghuwsae amanche enuw ing kaanuw enjiinah.

²⁸Ki ing ichen naemah ringkumchu kapeehpae, amanche utaraenkho enuw thikmahnii ae. Achuw ingkho kakik tanii vakichehmahnii ae.

²⁹Kapa ing kaningna Ympeeh vakhae ae i aangkhengna iruungseh chupae, achuw ingkho enuw i kapa kik tanii vakichehmahnii ae.

³⁰Ki re kapa yngkheh pangnung.”

³¹Amana mee aenche athar rung ichuwm aeka deengkenta enchii.

³²Jesu ing eningna ariir, “Kapa ningtanii isa nong aajaeh kamandangsa, ama sungne ukho khaenache kichu rung ing deengkenchii nenchiiva?”

³³Enuw ing basang aeka enriir, “Isa nong natu khaena rung ing deeng-kenchii kenchiimahva, changvakonchu Thangnang taklina ithipak ing ichongchii khaenava; akhaechuve natakve mee chiika nataksah ing Thangnang nabunah.”

³⁴Jesu ing eningna abasang, “Nenuw nenvajeer chonghak nakhe Thangnang ing nenuw i laevachuw taka ynziihmah vakhang?

³⁵Ynthiing thiimziih ing ariir chaap vakhae apha vakhaena ynthiingva ichii ymmanghuwsa; ama achongchu apeeh mee ae ningnache lae vachuw achiisa.

³⁶Ki chuve kapa ing eeteerka laaruw paamne ynjenchiirva. Ki ing Thangnang sapa ping kachii khaena ynsaangkhe Thangnang taklina ithipak ing chongnachii ynchii vachuw?

³⁷Kapa ing amandenchu katumah vaniive ithacha mahruw.

³⁸Changvakonchu ki ing katu vaniive, nenuw ing ithachamah khang tanuwkho katu karine thacharuw, amana chembe kapa ing kaningna ongna, ki inge aningna ongning ichiichu manghuwva nenta.”

³⁹Athar vokhehkho enuw ing Jesu chu suwrkenta enchii, changvakonchu engkik tanii ynjohsa.

⁴⁰Jesu ing ahaarpana Johon ing baptais atunii Jordan chifhuw veraenka amanache ongsa.

⁴¹Mee inempak inche aningna theng aeka enriir, “Johon ing laetho tumahdeh, changvakonchu hava mee khaene Johon ing ariir chaapchu chumna.”

⁴²Amana mee inempak aenche ama mapham nache aningna enthachapa.