Read Moyon Naga ROMIO 13 Bible Online

ROMIO 13 - Moyon Naga bible

ROMIO 13

¹Mee aangkhenglaang ing aatuaricheh ae derna ongvachiiva. Thangnang tanii aatuari-cheh mahnaka omah, vokhehkho om aatuaricheh aechu Thangnang ing pham athinpae.

²Aatuaricheh ae arumah mee vakhaechu Thangnang chongriir amanjiimahpae. Chukhaenache arumah chaap ae ing Thangnang vajeer phavaatae.

³Aapuh aechu isa nong atu mee aenche chiivachii mahpae, changvakonchu isamah atu mee aenche chiivachiipae. Nang aatuaricheh aechu chiimahchii? Isachu tura amanache aningtanii ympahchu phavanata.

⁴Ama isa khaena Thangnang nong atuva. Changvakonchu isamahchu nang tutaniive, nang ynchikra akhaechuve achemchu manpaam mahnii, ama Thangnang nong atu meeva, isamah atu mee chaapna ponti pikata achii chuva.

⁵Havi khaene aatuaricheh ae chongchu manjiira, Thangnang khaenapang mahva changvakonchu barungriir khaena khomva.

⁶Thangnang nongchu atupae khaka entu enri chaapna enriir vakhaechu manjiiruw.

⁷Nenuw ing lerchii nentuur chaapchu singva nenchiiva, natasah vokhehkho nadeen chaapna ree teenva nachiiva amanche ijava nachiipae vokhehkho bariimva nachiipae.

⁸Mee ningna ler tuurmahruw, changvakonchu yngkheh re yngkheh ningsiih ympiruw. Yngkheh re yngkheh ningsiih inge vajeer chonghak ynjii chuva.

⁹Chonghak ing ariirnah, “Reentaang rumee fhuwsar taklina ichuwhmah tumah; mee thehmah; peeh baruwhmah; ynraar ing saarkhii tumah amanche kaammahra, havimah reentaang chonghak chuve, ‘Naveen-chaangchu nataksah vaangkhe naning mansiihra.’”

¹⁰Chukhaenache naveenchaang taklina ningchuwhjaeh ing isamah tumah. Chutahnache ningsiih ing chonghak areer abasuwsa.

¹¹Aphachu manghuwruw, ataraene ijaar tanii ihangsuwnii aphachuva; amaensana ynthacha thohkhe athi ing ataraene Manlaenpeeh phaniichu ynneengsa.

¹²Jaenchu vitohsa, siim aphachu ynneengsa, chutahnache ynthim nongchaap renmanuwka ireng laarpeenchu niitaruw.

¹³Inuw vakhae ing siimna isajaeh ing isimuw vaangkhe sitaruw, isamah, ichummah, juw ynruw, ichamah, barungriir ingiirmah, ynnahnii, vokhehkho kallak omahrasii.

¹⁴Changvakonchu Aafhuw Jesu Khrista tanii laar tukniichu chinuwna, isii hakchaang ing aadik vokhehkho apenniichu itu manchenruw.