Read Moyon Naga ROMIO 8 Bible Online

ROMIO 8 - Moyon Naga bible

ROMIO 8

¹Atii Jesu Khrista thoh iring mee vakhae ningnache manraar mahnii.

²Vajeer chonghak tanii iringnii laetha Jesu Khrista ningna om inche, isii icher omnii vajeer chonghak re ithii tanii ymbathenpa.

³Akhaechuve hakchaang ing suurka, vajeer chonghak ing atucheh mahchu Thangnang ing asapa yngkhehpangchu laaruw paam nache isii icher vaang jenchiirka, laaruw mee taklina isii icher vakhae-chu amanraarpa.

⁴Amatah nache hakchaang ing amanden inuwzii ing isimahka, ynthiing laetha inuwzii ing isi inuw ing vajeer chonghak chongjeerchu areer basuwnii khae-nava.

⁵Laaruw mee hakchaang ing amanden inuwzii ing iring mee inche hakchaang ing amanden nache abarungriir apeehnah, amanche laetha inuwzii ing iring mee inche laetha ing amanden nache abarungriir apeehnah.

⁶Laaruw paam hakchaang ting barungriir ipeeh chuve ithiichu vatah, changvakonchu laetha ting barungriir ipeeh chuve iringnii vokhehkho idae phaniiva.

⁷Chukhaenache hakchaang ting barungriir apeeh mee vakhaechu Thangnang taklina ajeehniiva; akhaechuve ama Thangnang vajeer chonghak dernache ongmahsa, aman-che ongkho chehmahsa.

⁸Hakchaang inuwzii ing iring mee inche Thangnang manpenchehmah.

⁹Changvakonchu Thangnang laetha-chu neningna atatak ing ongnave, nenuw hakchaang nache ongmah vachuw, laetha nache ongvachuw. Achuw yngkheh ningnache Khrista laethachu omah nave Khrista mee mahsa.

¹⁰Changvakonchu Khrista inche neningna ongnave, neng hak-chaangchu isii khaenache thikkhang nakho, nenlaetha chuve ichum ynthiing khaena iringchu aphapa.

¹¹Jesu chu ithii tanii amanring laetha inche neningna ongnave, Jesu Khrista ithii tanii amanring laetha neningna ong inche maangvachii neng hakchaangchu iringnii ringkum pivaata.

¹²Chunuwchembe kauw kanae ae, inuw hakchaang inuwzii ing iringnii khaena hakchaang ler yntuurmahva.

¹³Hakchaang inuwzii ing ring tanuwve nenuw thikva nenchiiva, changvakonchu laetha ajaarnache nenuw ing hakchaang nongtuchu thehta nuwve nenuw ringvanenta.

¹⁴Akhaechuve Thangnang laetha ing apuh mee vakhae chuve Thangnang siti chupae.

¹⁵Ynchiknii khaena nenuw ing ynthiing laethachu nenphamahva, changvakonchu ijuh siti sanae laethachu nenuw ing nenphava; amatah nache inuw ing Aba! Apa! tamuwka ynriirnah.

¹⁶Thangnang siti vamuw ichii khaena, Aafhuw alaetha inche ynlaetha thoh saarkhii apeehsa.

¹⁷Inuwchu asiti manuwve ruw ikuum-chu ynsuwh samuw vokhehkho Khrista thohche ruw ikuumchu ynsuwhhak samuw. Amanche ijachaamchu khaanghak manuwve alaar isachu phahak vataruw.

¹⁸Ataraennii ijachaam ichuve ynningna mandangvachii alaar isa ipir thohche yndeengnii sakmah ichii ing kamandennah.

¹⁹Akhaechuve Thangnang siti pae ichii mandang vachiichu akikseem chaap ing hahbrah ing ynghahnah.

²⁰Akikseem vakhae ing ikaniimah vachii derna ong ae ichuve emanden inuwzii ing mahva, changvakonchu amanghuw ing ama derna amangong Aafhuw ing amanden khaenava.

²¹Thangnang siti ynsuwhnii khaenache, ynseem peeh vakhaechu ynthiingmah tanii karpeeh vaata.

²²Ataraenpha ing ynseem peeh vakhae ing abuw ina vokhehkho siti ynringna ijaanii vaangkhe ijachaampak ymphahaknah ichii ymmanghuwsa.

²³Enuw pangmahva, ynthiing laetha apha inuwkho Thangnang siti ynsuwhnii khaena vokhehkho ikarpeeh phanii khaenache hakchaangna abuw ina ing ongmanuw.

²⁴Ningmanden ajaar inche inuw vakhaechu ikarpeeh ymphava, changvakonchu ningmandenchu mik ing imu phamah manuwve, atatak ningmanden chumahva. Achuw inche ningmandenchu muchehkhang!

²⁵Changvakonchu inuw ing imu ynchehmah nache ningmanden mangom manuwve, inuw ing khaangsa muwka ynghahnah.

²⁶Isuurmuw vakhaka, ynthiing laetha inche ibomvaata. Inuw ing Thangnang ningting iniihnii, itham-nii ymmanghuwmah vakhaka, ynthiing laetha ing inuw ynthen nache Thangnang ningting iniihpeeh vaata.

²⁷Atii barungriir aatoh inche laetha ing amandenchu amanghuwsa, akhaechuve Thangnang ing aman-denna ynthiing ae khaena ama ing aniihpeehna.

²⁸Thangnang aning amansiih mee ae khaena, vokhehkho ama ing amanden inuwzii ing a-een ae ningnache isachu tupeeh ae ningka achiiva ichii inuw ing ymmanghuwsa.

²⁹Thangnang ing maensana amanghuw vasah aechu asapa thoh aanghakjaeh ing asik inche asiihpae, amana chembe asapa ing auw anae ae kaarna amaensachu aansuwhnii khaenava.

³⁰Thangnang ing een aeka asik ing asiih vasah ae vokhehkho a-een mee aechu manchum vaatae amanche alaar isa chukho phahak vaatae.

³¹Changvaniive hava vakhae khaene inuw ing ynchii riirvataruw! Thangnang chu inuw yngkhaena vanave, achuw ing inuwchu ijeehnii-cheh vachiiva?

³²Asapa rapkho karpeehru ing inuw vakhae khaena ympeehpa! Asapa ngareh ing ipinave, yngkhaenache hava vakhae ichu ngareh ing ipimah vachiiva?

³³Thangnang ing aateer vasah amee aechu raarmah ae achii vakhaka, achuw ing Thangnang amee aechu manraar chehva chiiva!

³⁴Achuwva enuw manraar vachiichu, Khrista ing ithii chukho chehka hangring Thangnang changbaen derna ongka ynniihpeeh raenche,

³⁵achuwva Khrista ningsiih tanii ikhaecheh vachiichu? Barungriir ija ing vamo, inangsuwh ijachaam vamo, changmahka venchaam chiilaar ing vamo, ideenmah sara naeriing ing vamo, isii ikha ing vamo changmahka ithii inchen vamo?

³⁶Havi ynziihka omna, “Aafhuw nakhaena kenuw apha vakhaena ichiisuwh ithiinii nache ongnung; Kenuwchu jao enthehchak vaangkhe yntunah ae.”

³⁷Changmahva, aningsiih ajaar-nache inuw ing hava vakhae takline aacheh phavataruw.

³⁸Ki ing kaman-dennah, ynchiitanga ingkho inuwchu aningsiih tanii ikhaecheh mahnii, ithii vokhehkho iring ing, vaarmee vokhehkho minvaen aapuh ae ing, ruwrengpir ae vokhehkho nuwtanii ing,

³⁹changmahka yngkaangseh ing vakhang nakho, ithuwhpak ing vakhang nakho, reentaang ynseem peeh ing vakhang nakho, Aafhuw Jesu Khrista ningna om Thangnang ningsiih tanii inuwchu ikhaecheh mahnii.