Read Moyon Naga 1 KORINTHIA 5 Bible Online

1 KORINTHIA 5 - Moyon Naga bible

1 KORINTHIA 5

¹Nenuw nengkaarna naamak itu omna ichii chong iseeng ing enriirpa, jinge ichii ing naamak itu havi thacha omah ae kaarnakho suwhmah; amachuve mee yngkheh ing ampa rumee thoh ijaarhak omsachuw!

²Hava hangchii havi atu meechu nengkaar tanii thurva nenchii khaena japeehva nenchii changdenna nenuw yndingnii nachuw.

³Ki katakrap ynvaemah khangningle, laetha inchembe ynvaeka jinge ichii nong atu meechu katak ynvaevaang ing Aafhuw Jesu Khrista ruming nache vajeer katupa.

⁴Aafhuw Jesu Khrista rumingna, nenuw re kalaetha thoh ing inuw Aafhuw Jesu Khrista ruwreng thoh ynruw ing nenpurraenche,

⁵nenuw ing hangchii mee havi ahakchaang maangnii khaenache umlae ting mansirruw, amana chembe Aafhuw Jesu aanii nache alaetha ikarpeeh phavaata.

⁶Nenuw iruungchuw i sakmah. Nenuw nemanghuw mahva amachuve chor topoh inche atum aangkhenglaang amanpuurmah vakhang?

⁷Chukhae-nache baruw chor amakha manseeng kiirruw, amana chembe nenuw atum itharchu ynsuwhva nenta, akhaechuve nenuw i chor ynvaemahchu vachuw. Inuw manlaennii kuurva khaenache jaoti Khrista inche ympidehsa.

⁸Chukhaenache inuw ing yngensii-mahnii baruw chor vokhehkho isamah chor ynvaerudeh inche, chor ynvaemah vokhehkho ichum tar thohche manlaennii kuurvachu tusataruw.

⁹Nenuw ichuwhmah naamak itu mee aethoh ynruwhak mahruw ta ingka neningna chongthen kabaziihpa;

¹⁰laaruw paamna isamah itu mee aethoh changmahka ikaam mee aethoh, vokhehkho lae ruthaksii irum mee ae thohkhe ynruwhakpoh mahdehruw kachiimahva, changchenreeh vanave nenuw laaruw paam tanii ympeenva nenchiiting bukna.

¹¹Changvakonchu ki ing kariirnah, atiive achuw mee yngkheh unae pasa ing naamak itu, ikaam, lae ruthaksii irum, achong isii, juw ynruw changmahka lamruw mee, changchii mee ae thohche ynruwhak mahruw, isahkho sahak mahruw ta ingka neningna kavebaziih sahnah.

¹²Akhaechuve taangting ong meechu vajeer itunii khaena kavaanvaenii ynchii omkhang? Nenuw ing ruwrthiing sungna ong meechu vajeer nentumah vakhang?

¹³Thangnang ing taangting ong meechu vajeer tuvaata. “Nengsung sahna isamah mee aechu asik ing bathiing aeruw.”