Read Moyon Naga 1 KORINTHIA 6 Bible Online

1 KORINTHIA 6 - Moyon Naga bible

1 KORINTHIA 6

¹Nenuw nengkaar tanii achuw yngkheh ing mee taklina vaathuh abasuw tahna, ynthiing ae ningting siruchuw ing ichummah ae ningting vajeer tunii khaena isi thona omvachuw?

²Vokhehkho ynthiing aenche laaruw paam vajeer tuvaatae ichii nemanghuw mahva? Laaruw paamchu nenuw ing vajeer tutanuwve, isiingpak vaathuhchu nenuw ing vajeer tunii nematik omahva?

³Inuw ing vaarmee aechu vajeer tuvataruw ichii nenuw nemanghuw mahva? Amachu vanave, laaruw paam havane nenvathuhchu manchichehmah vanenchiiva!

⁴Nengkaarna vaathuh isuwh omchu, vajeer tunii khaenache ruwrthiing sungna ynvaemah mee aechu nenuw ing nemanvaepae?

⁵Havi nening aanjaknii ing kariirva. Nengkaarna chong amanchicheh achuw yngkheh ising mee sup om omahdehva?

⁶Mee yngkheh ing yngkheh taklina vaathuh abasuwchu thachamah mee ae ningting vajeer tunii khaena isichakpae?

⁷Chukhaenache atiive yngkheh re yngkheh chong amanthuh omchakna ichiichu atatak ing nenuw nensuurnii chuva. Amachang chembe nentaklina mee yngkheh ing araar inche athiseh ing sakmah khang? Amachang chembe nenuw nentaklina lam abaruwh inche athiseh ing sakseh mahkhang?

⁸Nenuw nentakrap ing unae ningna nemanchae chaksa, vokhehkho nenraar chaksa.

⁹Ichummah mee ae ing Thangnang iruwng lipah phamahnii ae ichii nenuw nemanghuw mahva? Nentaksah ynchaemahruw; nengkaarna ichuwhmah nongtu, lae ruthaksii irum, naamak itu om, pasar nireerna, rupanuw nireerna ichuwhmah ruw ingki om,

¹⁰lamruw, sehmaner om, juw ynruw, achong isamahdeh amanche mee amanchae, enuw vakhae inge Thangnang iruwng lipahchu phamahnii ae.

¹¹Nenuw areh ing jinge ichii ing tiknachuw, changvakonchu Aafhuw Jesu Khrista rumingna vokhehkho Thangnang tanii ynthiing laetha ing nenuwchu ynchaampa, ymmanthiingpa amanche Ymmanchumpa.

¹²“Achuw yngkheh ing tavaata, kakhaena chembe aangkhenglaang aruchirsa.” Changvakonchu aang-khenglaang nakhaena ikanii omah. Ki ing kariirnah, kakhaena chembe aangkhenglaang aruchirsa, changvakonchu kive reentaang peeh yngkheh derna suwh ing ongmahdeh ing.

¹³Achuw yngkheh ing tavaata, “Isahfhuw inge ven khaenava, amanche ven inge isahfhuw khaenava.” Havi chumna, changvakonchu Thangnang ing aaniimeh i mamaang vaata. Hakchaang ive naamak tunii khaena mahva, Aafhuw khaenava, amanche Aafhuw inche hakchaang khaenava.

¹⁴Thangnang ing Aafhuw chu amanringpa amanche inuw chukho aruwreng inche amanring vaata.

¹⁵Nenuw nenghakchaang i Khrista hakchaang yngkhehva ichii nemang-huwmah vakhang? Ki ing Khrista hakchaangchu riningka ichuwhmah hakchaang thohche ruw mangki kate? Supru rumahnii!

¹⁶Vokhehkho ichuwhmah rupanuw thoh ruw ingki mee inche amathoh hakchaang yngkhehpangsae ichii nemanghuwmah vakhang? Havi ynziihka om basahva, “Ynniimehchu hakchaang yngkhehpang vaata.”

¹⁷Changvakonchu Aafhuw thoh yntuw mee chuve amathoh laethana yngkhehpangsae.

¹⁸Naamak itu bathenruw. Mee ing reentaang isii atuchaap chuve hakchaang ataang taniiva; changva-konchu naamak itu mee ae chuve ataksah ahakchaang ajeehnii sahva.

¹⁹Thangnang ing neningna ympeeh hakchaang i ynthiing laetha eenva ichii nenuw nemanghuw mahva? Nentaksah tanii mahva, changva-konchu Thangnang taniiva;

²⁰Ama ing nenuwchu amen ing eeriipa. Chukhaenache nenghakchaang inge Thangnang manpahniiruw.