Read Moyon Naga 2 KORINTHIA 4 Bible Online

2 KORINTHIA 4 - Moyon Naga bible

2 KORINTHIA 4

¹Thangnang ningchuwhna kenuw ing nong tunii kemphasah inuwzii ing kenrutha sikmahdeh.

²Chukhaena-che kenuw ing hemanchae vemanchae ing vokhehkho Thangnang chongchu ichummah ing sichinniiru ing, ireng ing isip ichumchu ymmansii ajaarna Thangnang mik ennache mee vakhae taklina ichum ynraar ynghuwnii ruthuwh thohche siungka ningjaknii vachii ichohnii, ynruwh nongchaap kenuw ing kembathenpa.

³Kenuw ing kentong isa chongchu mangkhumjaeh nungve, imaang aechu kemangkhum-jaeh tahsae.

⁴Enuw ing thachamah ae, yngkhaena ynchii imbe isamah laaruw paam aafhuw inche embarungriir amanthimpa. Thangnang mae eensuwhpeeh Khrista alaar isa tanii ireng isa chong ithengchu imuniimah khaenache asiihpae.

⁵Kenuw kentaksah khaena kentong mahva, changvakonchu Jesu Khrista chu Aafhuwva ichii khaena kentongva; amanche kenuw ichuve Jesu khaena nemeenae chupung ichiichu kentong sahva.

⁶Chukhaenache taka, “Ynthim nache ireng inche aenvaata,” achii Thangnang ingkhe Khrista mae nache Thangnang alaar isa irengchu inuw ing ymmanghuwnii khaenache, irengchu ymbarungriir sungnache amangaengpa.

⁷Keningna laetha amen iruwpak omchu pir ing ynseem beer vaang ichii vatah, aanchungseh ruwrengchu keningna omah. Changvakonchu Thangnang ningnache omna ichiichu kemandangva.

⁸Kenuw ing aphamsiir nache kenangnah, changvakonchu utaraenkho kiimah ung, makae maraang ynghuwchehmah ung, changvakonchu ningmanden kiimah;

⁹yngensiimah ae inempak omnae; changvakonchu kengaarang omahdeh ichii omah, amanche ithipak ing ynlensahnah ae, changvakonchu kenuw maangmah ung.

¹⁰Iring Jesu chu kentaklina yndangnii khaenache, ithii vasah Jesu barimchu apha omba khaena kenreensa.

¹¹Jesu aringkumchu kentaklina yndangnii khaena Jesu changden nache kenringsen ing ichiisuwhpak ithiinii nache kempeehsahva.

¹²Chu-khaenache ithiinii nongchu keningna omna, changvakonchu iringnii inche neningna nong atunah.

¹³Ynziih vasah ing ariirsa, “Kathacha khaenache ki chong chehning.” Thacha tahna laetha yngkhehpang nache kenuwkho chongnung, akhaechuve kenuw ing kenthacha tahnava.

¹⁴Aafhuw Jesu amanring Thangnang ama inche kenuw chukho Jesu thoh ynruw ing imanring vaata, vokhehkho ne-nuw thohche ynruw ing kenuwchu imangiir vaata ichii kenuw ing kemanghuwsa.

¹⁵Aangkhenglaang havi nenuw nengkhaenava, amanche Thangnang tungsiih inche mee vakhaechu hengkuwmchir naka alaar isa Thangnang ningnache ympah thoh ynruw ing thamsa vaatae.

¹⁶Havi khaene kenuw kenrotha sikmahdeh; changvakonchu taangtanii hakchaangchu maangkhang nare, sungtanii kenlaetha chuve inii iniina ahemanthar sehsehnah.

¹⁷Havana ijaangsesak vokhehkho among-pangna ijachaam kempha havi inge kengkhaena ijachaam chungna ichen naemah alaar isa athiseh ing hungomna.

¹⁸Kenuw ing yndang peeh nache enru ing, yndangchehmah peeh nache kengensahva; yndang peeh chuve iseeh ing omah changvakonchu yndang chehmah peeh chuve ichen naemah ing omna.