Read Moyon Naga 2 KORINTHIA 5 Bible Online

2 KORINTHIA 5 - Moyon Naga bible

2 KORINTHIA 5

¹Inuw ing ymmanghuwsa amachuve havana khurpeenthaam ynseem havi maangkhang nare, kik ing ynseem-mah Thangnang tanii ichen naemah een thangbaen nache inuw yngkhaena omna.

²Chukhaenache thangbaen tanii yngongnii eenchu peen vaang isingnii khaenache ningmanden ing hahchehru ing abuw ina vaang ing ommanuw.

³Atatak ing peen ing singmanuwka, asae ing ongchu inuw phamah manuw.

⁴Laaruw paam khurpeenthaam hane ong inuw ing laethana abuw ina thohche peehrik ing ongmanuw; inuw ing asae inche om idik changchiimahva, changvakonchu thiknii vaanchiichu iring inche abaduwrnii ing peen vaang isingchu eediksahva.

⁵Havi yntehnii inche inuw yngkhaena asirchu Thang-nang va, vokhehkho ama ing havana ithar ringkum ichu ynningna ipinii khaenache laetha chongreepchu ympisahpa.

⁶Chukhaenache inuw ing apha omba khaena barungriir ymmangamva. Inuw ing ymmanghuwsa amachuve, eenna yngong raentaangche hakchaang nache Aafhuw thohche inuw onghak mahmuw.

⁷Yngkhaena ynchii imbe ynthacha ajaarnache inuw isisah vamuw, mik ing ymmu ajaarna mahva.

⁸Inuw ing hakchaangchu bathen mamanuwka amanche Aafhuw thohche onghaknii khaenache thona isip ommanuw vokhehkho inempak eediknah.

⁹Chukhaenache inuw ing onghak vakhangnare, barungriir nache Aafhuw chu amanpennii eediksahva.

¹⁰Mee vakhae inche ahakchaang ing atu ari inuwzii ing, isa vakhang nakho, isamah vakhang nakho, iphanii khaenache inuw vakhae ing Khrista vajeer tunii vaapa ongnii maanache mandang vataruw.

¹¹Chukhaenache Aafhuw chu chiisa ungka, kenuw ing mee aechu kema-neemsahnah. Thangnang ing inuw vakhaechu isajaeh ing ymmanghuwsa, vokhehkho nenuw ing katak i isajaeh ing ymmanghuw sachuw ta ingka kathachanachuw.

¹²Kenuw ing neningna athar kentaksahchu ympahsah mahpung, changvakonchu barungriir nachen mahka achung pamphuw mik enna iruungsah ae ningnache, nenuw ing nenbasangfhuw chong omnii khaena kenruungniichu nening nache kenriirsahva.

¹³Kenuw ing barungriirna areh ing omkhang nungle, amachu Thangnang khaenava; vokhehkho barungriir ichum vakhang-nare, nengkhaena vatah.

¹⁴Yngkhaena ynchii imbe Khrista ningsiih inche kenuwchu ympuhpa, atii kenuw ing kemanghuwpa amachuve, mee yngkheh inche aangkhenglaang khaena thiksa, amanche mee vakhaekho thiksa.

¹⁵Atii iring mee aenche athar entaksah khaenapang ringru ing, Aafhuw khaena iringnii khaenache, Aafhuw ing aangkhenglaang khaena thikka athar hangringsa.

¹⁶Chukhaenache kenuw ing mee achuw yngkhehpang chukho hak-chaang nache manghuwmah ung; kenuw ing Khrista chu hakchaang nache manghuwkhang nungle, atiive Aafhuw chu hakchaang yngkheh-vaang ichii ing manghuwmah sung.

¹⁷Chukhaenache achuw yngkheh mee ing Khrista ningnache ongnave, ama itharpeh mee chusa; baruw chaapchu omahchirsa. Enruw, aangkhenglaang hungthar chirsa.

¹⁸Aangkhenglaang havi Thangnang ningtaniiva, Thang-nang ing inuwchu Khrista ajaarna atak thohche aanruniichu tuka, kening nache athar aanrunii nong tuniichu ympeehpa;

¹⁹amachuve, laaruw mee ing isii areen vakhaechu mandenpeehru ing, Thangnang ing Khrista ningnache iongpeehka, laaruw paamchu Aafhuw thohche aanrunii atupa, vokhehkho aanrunii yntupeeh khaenache isa chongchu Aafhuw ing kening nache ymmansirpa.

²⁰Chukhaenache Thangnang ing kenjaarna ymbasoh vaange, kenuw ing Khrista khaena changdenmee ynsuwh ungka athen nache kenriirsahnah: Thangnang thoh aanrunii itupeehruw.

²¹Aafhuw ajaarna inuw ing Thangnang mee ichumchu ynsuwhnii khaena, isii amanghuw mahdeh Aafhuw chu ynchangden nache Thangnang ing isii icher mee abasuwpa.