Read Moyon Naga 2 KORINTHIA 9 Bible Online

2 KORINTHIA 9 - Moyon Naga bible

2 KORINTHIA 9

¹Atii ynthiing ae ningna nentu nong khaenakhe neningna ivebaziih ikanii omah.

²ibomnii khaena nenbarungriir iruwhchu ki ing kamanghuwsa, amanche ki ing Mesidonia ae ningna ruungnii ingka kariir, “Akhaia aeng ajaenkum basenka ibomnii khaena thoraang emanchipa.” Nenuw nenbarungriir iruwhdeh inge mee aanem aechu nengathohsahpa.

³Changvakonchu nengkhaena kenruungniichu aruwh thangsii aansuwhniimah ing, ki ing kariirvasah vaangkhe nenthoraang aomnii khaena, kauw kanae aechu kajebathenva.

⁴Kithoh ynruw ing Mesidonia mee ae ing enthenglae nenuw ing thoraang hengommah tanuwve, icheep ing ithacha khaene kenuwkho nenuwkho laanglam ningjak iphakho arusa.

⁵Chukhaenache kauw kanae ae, kenuw ing mamaenna neningting kenvasi raenkhe, nenuw ing ahaarpa kikthuur pivakenta nenchii-kha manerrudeh inche piningka ichii nenthoraangchu achichirnii khaenache, maensa ing ynthang ing sakvaata ta ingka kamandensahva.

⁶Ki ing havi kariirnah, ituum avor mee inche ituum ruwpvaata amanche inem avor mee inche inemhak ruwp-vaata.

⁷Mee aangkheng amaner ing changmahka ipipham isuwhva taru ing ataksah ing amanden inuwzii ing pirasiing; yngkhaena ynchii imbe rotharoh ing ipeehchu Thangnang ing aning amansiihnah.

⁸Vokhehkho aangkhenglaangna apha omba khaena ivaeh omrudeh ing isa nong tunii nentaklina aomnii ing, Thangnang ing nentaklina atungsiih amanemchehsa.

⁹Ynziihvasa ing jinge ariirsa, “Ama ing barungriir iruungpak ing apeehpa, ama ing sara naeriing mee ae ningnache apeehpa, Meeningsiih ataklina omchu ichen naerudeh ing anasiirna omna.”

¹⁰Amanche amuw avor mee ningnache amuw vokhehkho isahfhuwchu ympeeh Aafhuw inche amuwchu ipikho ipivaata, inemkho imanempeeh vaata, amanche nenuw ing meeningsiih nendeen aanlachu ihemannempeeh vaata.

¹¹Manerrudeh ing nenpeeh inche nenuwchu aangkhenglaangna savang ibasuw vaata, amana chembe kenuw kenjaar nache mee aenche Thangnang manpah vaatae.

¹²Nongruw havi khaene ynthiing aechu envaehniimah khaenapang mahva, Thangnang ympah niikho ahenthisehseh niiva.

¹³Nong havi nemandang ajaarna, Khrista isa chong manjiichuwka nemanthang re eningna vokhehkho mee vakhaena barungriir iruungpak ing piningka ichii ing nenpeeh khaenache enuw ing Thangnang emanpahsa,

¹⁴amanche nentaklina Thangnang tungsiih iruungpak ing om khaena enuw ing nenuwchu imandensa aeka nengkhaena enthamsahva.

¹⁵Ariirfhuwchah ing Thangnang kikthuur khaena Aafhuw chu manpahsataruw.