Read Moyon Naga EPHESIA 3 Bible Online

EPHESIA 3 - Moyon Naga bible

EPHESIA 3

¹Jesu Khrista khaena kaeshum sungna ong Pol ki ing, reentaang mee ae nengkhaena Thangnang ting kathamsahnah.

²Nenuw ing nensiipa amachuve Thangnang tungsiihna nenuw nensaknii khaena havana nong i kaningna ympipa.

³Thangnang ing asir ithuwhpakchu ynghuwnii khaena kaningna amandangpa. Havi khaene itomsak ing kabaziihpa,

⁴nenuw amachu paatanuwve, nenuw ing Khrista khaena ithuwhpak kamanghuwchu manghuwva nenta.

⁵Havana ithuwhpak chong i atiive laetha jaarna ynthiing chongthang ae vokhehkho jaephar ae ningna amandang vaang, reentaang laaruw mee siti ae ningnache mansiimah;

⁶Amachuve isa chong ajaar inche Jesu Khrista ningna om chongreepchu ruw ikuum ynsuwhhaknii inche, hakchaang yngkhehpang ynsuwhhak-nii vokhehkho borchu iphahaknii khaenache reentaang mee ae chukho ynvaesae.

⁷Thangnang ningtanii ruwreng inche Aafhuw nong tunii kaningna ympeeh vasah kikthuur inuwzii ing, Thangnang isa chong khaena meenae ynsuwhsing.

⁸Isiing vakhae kaarna isiingseh kaningna havana tungsiih i ympeehpa, amana chembe ijong ynchehmah Khrista lerchiichu reentaang mee ae ningna tongningka,

⁹vokhehkho peeh aangkhenglaang aseem Thangnang ing asir inuwzii ing suwnthar aajaehna thuurjaehka om ithuwhpak chongsaechu mee vakhae ing imunii inche,

¹⁰thangbaen aphamsiirna ong aafhuw ae ningna, ruwreng ipir ae ningna, Thangnang ningtanii aziih aajaeh losingchu, atarae ruwrthiing ae ajaarnache ynghuwchehnii khaenava.

¹¹Havi inuw Aafhuw Jesu Khrista ing asir suwnthar hungvi hungvina thoraang atu inuwjii ingva.

¹²Inuw ing Aafhuw ningna ynthacha ajaar inche thona om ing vokhehkho barungriir ingam ing hungruwhchu aningtanii ymphava.

¹³Havi khaene ki nengkhaena ijachaam kakhaangva vokhehkho nenuw nenchang atakniimah ing kaniihsahva; hava aangkhenglaang i nenuw nengkanii khaenava.

¹⁴Havi khaene kakheerkhuw mansinsa ingka apa ningnache kathamsahva,

¹⁵thangbaenna vokhehkho laaruw paamna ong eengkuw chaap ing ichum rumingchu iphanii khaenache,

¹⁶Thangnang lerchii tanii alaar isa laetha jaarna nenuwchu ruwreng ipinaka nenpirnii khaenache kaniihsahva,

¹⁷vokhehkho thacha jaarna Khrista ing nenba-rungriir sungna ynringpeehnii khaena amanche Aafhuw alaar isachu neningna ipeehnii khaena, nenuw ningsiihna arajung ipae nache icheep ing omtanuwka,

¹⁸ama aningsiih adung, avom, ingiir, ithuwh, ynchiiva ichiichu ynthiing ae thohche nenbarungriir ing ikhar nenchehnii khaena,

¹⁹vokhehkho nemanghuw nakhe athiseh ing Khrista ningsiihchu manghuw tanuwka nenpirnii khaena, vokhehkho Thangnang ningna om vakhae isipchu nening nache ymmansip peehnii khaenache ki ing kathamsahva.

²⁰Inuw ymbarungriir sungna nong atu ruwreng inuwzii ing, iniihsahna changmahka ymmandensah vakhae taklina athiseh ing inempak nong yntupeehcheh aning nache,

²¹ruwr-thiing nache vokhehkho Jesu Khrista ningnache ichi naemah ipha ing suwnthar aangkhengna alaar isa om ynsuwhrasiing. Amen