Read Moyon Naga PHILIPPIA 2 Bible Online

PHILIPPIA 2 - Moyon Naga bible

PHILIPPIA 2

¹Chukhaenache achuw yngkheh ing Khrista ningtanii ing barungriir abathae omnave, ningsiih ing barungriir amanungae, laethana yntinnii ruvachii, ichaarpeeh vokhehkho ningmanchuwh omnave,

²nenuw vakhae neningsiih ynchim naka, barungriir yngkhehpang ing, laetha yngkheh ing barungriir ynchim nuwna karotha rohniichu mapung imamphapeehruw.

³Nenuw sehmaner om nong vokhehkho sanaensah ruungnii nong tumahdehruw, ama changdenna barungriirna ynjuursah ing, ataksah ing kachungna mee areh ae inge isapae ichii ing manden rasiing;

⁴changvakonchu mee vakhae ing ataksah khaena pangche mandenmah rasiing, mee areh ae khaenakho manden rasiing.

⁵Jesu Khrista ningna om barungriir havi nening nakho omrasiing:

⁶Khrista ing Thangnang masak reenkhang nakho, Thangnang thoh ynchimnii ama ing mandenmah,

⁷ama changdenna ataksah ing rusaka athang isa vakhae bathen chirka, vokhehkho meenae maong rika laaruw mee vaang juwngsa.

⁸Ama ing laaruw mee vaang jungindangka, ataksahchu ynjuursaka vokhehkho ithii phanii ing pangmahka khros nachenrap ithii phanii ing chongriir ynjii ynsuwhsa.

⁹Chukhaenache ampa Thangnang inche atakchu ithohka chung, thang, sungna ruming chaap asapa Khrista ningnache apeehpa.

¹⁰Amatah nache thangbaen vokhehkho laaruw paam sungna ong meechaap ing akheerkhuwh mansin naka Jesu rumingna thamsa vaatae.

¹¹Vokhehkho ampa Thangnang alaar isachu ner vakhae ing Jesu Khrista i Aafhuw chuva ta ae naka riirvaatae.

¹²Amachu vanave kaarang ae, ajae nenuwthoh kaonglae kariir nemanjiikha athi ing, kaongmahrae nemanjii inche athurfhuwhakna. Manlaenpeeh phanii khaena ynchik ing vokhehkho ynchiim ing nong turuw.

¹³Yngkhaena ynchii imbe nenuw vakhae ing tuning rining nenchii vokhehkho ama ing amandenchu ynjii nenchehnii khaenache, Thangnang ing nentaklina nong tuka omna.

¹⁴Chongsuwh basuwh omrudeh ing nong aangkheng turuw,

¹⁵amachu inche ynraar mahdeh mee Thangnang siti ynsuwhcheh vanenta. Laaruw paam iruwm barungriir, isiicher mee changchii ing omahdehruw. Enuw changchii ae kaarna thangbaen ireng aesii ae vaang nenuw aenruw,

¹⁶iringnii isa chong nentong raenkho changche tutanuwve, Khrista aanii nache nenjaarna iruung phasava kata, akhaechuve amachu inche ki ing katu kari nong vakhae paammahdeh ichii yndang vaata.

¹⁷Kasii i Thangnang ningting chaatha ing ympivaang, nenthacha taklina chirningve karotha rohnaka amanche nenuw ingkho kithoh rotha irohfhuwva nenta.

¹⁸Havi vaange nenuw vakhaekho nenrotha rohvaata, amanche ki chukho rotha irohfhuwva nenta.

¹⁹Aafhuw ing amanden ynsuwhnave, neningna Timothi vechiir vakata, amana nenuw ing hentuva nenchii nong aajaeh inche kabarungriir mangam vaata.

²⁰Ki ing kamanden vakhae atu vokhehkho atatak ing nengkhaena akharchu ama vatah.

²¹Achuw yngkheh chuve Jesu Khrista khaena mandenmahka, ataksah khaena pangche amanden omna.

²²Changvakonchu atak ing ynchii meeping ichii amandangchu nenuw ing nemanghuwsa-amachuve ampa re asapa vaang, ama re ki ing isa chong tongnii khaena nong kentuhaksa.

²³Amatah nache kathenna nong isa ing tuvaata ichii kamanghuw ing aru vakhae imaen ing neningting ivechiirnii khaena kamandennah.

²⁴Amathoh ynruw ing Aafhuw rumingna kamandensahnah amachuve, aru vakhae kikho neningting thengsava kata.

²⁵Runave unae Ipaphroditas i neningting ivechiirnii khaena kamandensa. Ama ing kathenna nong inempak atu vokhehkho kaningting chongla ireennii nong aajaeh atusa.

²⁶Nenuw vakhaechu imunii khaena ahahchehmah atak i nakna ichii nensiichu amanghuwtah nache abarungriir inempak jaana.

²⁷Atatak ing amave ithiivak ing ina rungvaangva. Changvakonchu Thangnang ing aningnapang mahka, kaning nakho aning imansiihka, ijaniipak phava kachii tanii yngkarpa.

²⁸Neningting atak i vechiir ningka kachiipakna, amana chembe nenuw ingkho atak i nemutahna athar rotharoh phavanenta vokhehkho kabarungriir jaanii vakhae chukho omahnii.

²⁹Aafhuw ruming nache rotharoh ing eebom meeva ichii manden nuwna hebariimruw. Hangchii mee ae i eningna isa ivaar ing ningsiih mandangruw,

³⁰akhaechuve nenuw vakhae ing itu nenchehmah Khrista nong aajaeh khaena ithiivak ing atu mee yngkhehva.