Read Moyon Naga 1 THESALONIA 1 Bible Online

1 THESALONIA 1 - Moyon Naga bible

1 THESALONIA 1

¹Pol le Silvanus vokhehkho Timothi ing, Apa Thangnang vokhehkho Aafhuw Jesu Khrista na ong Thesalonika ruwrthiing neningna idae re tungsiihchu om ynsuwhrasiing.

²Kenuw ing apha vakhaena nengkhaenache Thangnang chu manpahsa ungka vokhehkho apha vakhaena kenthamsah raenche nengkhaena kemanparsahnah.

³Apa Thangnang maanache nenthacha nong re ningsiih om nenong vokhehkho inuw Aafhuw Jesu Khrista ningna ningmanden icheep omchu kengaansiisahnah.

⁴Thangnang ing aning ymmansiih kauw kanae ae, nenuw i ama ing eeteerchu kamanghuwsa;

⁵akhaechuve kenuw ing neningna kemanchuwchuw isa chongkha chongsae pang kenjereen mahva, changvakonchu ruwreng re ynthiing laetha thoh, atatak ing kemanghuw thoh ynruw ing ithengpung; nenuw nengkaarna ynchii meepung ichii kentaksah ing kemandangkha nenuw ingkho nemanghuwsa.

⁶Aafhuw re kenuwchu anu ynjii nenuw ynsuwh sachuw; amanche ijachaam inempak phakhang tanuwre, nenuw ing ynthiing laetha thohche isa chongchu nengaraangpa.

⁷Chukhaenache nenuw inge Mesidonia na ong thacha mee aangkhengna aandangniichu hunginsuwh sachuw.

⁸Akhaechuve Mesidonia vokhehkho Akhaia napangche neningtanii Aafhuw isa chongchu ensiimahva, changvakonchu Thangnang ningna nenthacha inche aphamsiirna aphachirpa; chukhaenache kenuw ing ichongbirnii yntanga omah.

⁹Kenuw ing neningna kenvathenglae rukuum ynghentusahchuw khaenare, lae ruthaksii nenrum tanii ichum vokhehkho iring Thangnang ting nemae henbaheer chuwka nenrum,

¹⁰ithii tanii ihangring thangbaen tanii asapa nenghah vokhehkho ikarpeeh nenpha khaena chong enriir.