Read Moyon Naga 1 THESALONIA 3 Bible Online

1 THESALONIA 3 - Moyon Naga bible

1 THESALONIA 3

¹Chukhaenache kenuw ing athar yndaar kenchehmah tahnache, Athens ne kanumpang ong ing sakvaata ichii kemandenpa,

²amanche Khrista isa chong itong meenae ynsuwh unae Timothi chu nenthacha nache amangiirnii vokheh-kho ynthohnii khaena kenvechiirpa,

³havi inge achuw ingkho ijachaam aajaeh inche imanlaapcheh mahnii ichii i kenlaepah ymbuwrnii chuva ichii nentaksah ing nemanghuwsa.

⁴Havi khaene kakhaang chehmah tahnache, ki ing nenthachachu kamanghuw chehnii ing vokhehkho ymbatheem mee inche ibatheem naka kenongchu ikaniimah ynsuwhkho arusa ichii khaena ynchik ingka kavechiirva.

⁵Akhaechuve kenuw ing nenuw thoh kengonglae ijachaam khaangvaan chiiva ta ungka amaensana kemanchuw pachuw; isuwhkho suwhsa ichii nenuw ingkho nemanghuwsa.

⁶Changvakonchu atiive Timothi ing neningtanii hungkaeka nenthacha vokhehkho neningsiih om rotha rohnii chong, amanche kenuw ingkho nenuwchu munung chuwka kenchii vaang, nenuw ing kenuw chukho imunii khaena apha vakhaena isajaeh ing ymmanden nahchuw ichii keningna ariirpa;

⁷kauw kanae ae, ama khaenache nengkhaena ijachaam kempha aangkhengchu nenthacha ajaar inche kembarung ngamsa;

⁸nenuw ing Aafhuw ningnache icheepjaeh ing ngiirtanuwve kenuw iringpung.

⁹Thangnang maanache nengkhaena kenrotha irohsah aangkheng khaena aningting athiseh ing kemanpahsahnah,

¹⁰akhaechuve kenuw ing nemae kemusahnii vokhehkho nenthacha ivaehchu kemanpir chehnii ing, siimjaen naeru ing kenthamsahva.

¹¹Atiive apa Thangnang vokhehkho Aafhuw Jesu inche neningting kenuw ivasinii khaena lamchu itahpeeh rasiing;

¹²kenuw ing neningna kentu vaangkhe, Aafhuw ing neningna yngkheh ing yngkheh vokhehkho mee aangkhenglaangna ningsiih chu hemanthirasiing.

¹³Aafhuw Jesu ing ynthiing mee ae aangkhenglaang thoh ynruw ing ajuwnglaenche, apa Thangnang maanache Aafhuw ing nenbarungriirchu ichum vokhehkho ynthiing inche amanpirpeeh rasiing.