Read Moyon Naga 2 THESALONIA 3 Bible Online

2 THESALONIA 3 - Moyon Naga bible

2 THESALONIA 3

¹Achiniidehna kauw kanae ae, Aafhuw chong isachu neningna vaangkhe, ithupak ing aanjarnii ing vokhehkho alaar isachu ahang-ruungnii sehseh ing ithampeeh saruw.

²Amanche ichamah vokhehkho ichuwhmah mee ae tanii yngkarnii khaena ithampeeh saruw, akhaechuve mee vakhae ningna isa chongchu thachanii omkhom mahva.

³Changvakonchu Aafhuw chuve thachafhuwva, ama ing nenruwreng imanpirpeeh vaata vokhehkho isamah tanii ingahpeeh vaata.

⁴Kenuw ing kenriir vakhaechu nenuw ing nentusa vokhehkho hentuva nenta ta ungka neningna kenbarungriir kemangamsa.

⁵Aafhuw ing neningna Thangnang ningsiihchu ynghuwniiseh khaena vokhehkho ikhaangchehnii Khrista ing ympeeh ingkhe maen eensapeeh ynsuwhrasiing.

⁶Atii kauw kanae ae, nenuw vakhaechu Aafhuw Jesu Khrista rumingna chonghak kempeehnahchuw, amachuve thaachah mee ae vokhehkho kenriir chongchu amanziimah mee vakhae tanii nenuw asiksii ing tiingruw.

⁷Nenuw ing kentu kenri vasah nakhe ynsaangkhe manjiiva kenchiiva ichii nentaksah ing nemanghuwsa; akhaechuve kenuw ing nenuw thoh kengonglae nongtu ringmahdeh ung.

⁸Kenuw ing achuw yngkheh ningnakho ngareh ing isahfhuw samahdeh ung vokhehkho kenuw ing achuw mee yngkheh ningnache ija peehrik piniimah khaena siimjaen naeru inche ijachaam ikhaang thoh nong kentuva.

⁹Havi kenuw ing iphanii ruwreng keningna omah changchii mahva, changvakonchu kentu kenri inge mee ing ynziinii khaena aandangnii ynsuwhpung.

¹⁰Kenuw ing nenuw thoh kengonglae neningna hava chonghak vakhae i kempeeh vasah vachuw; achuw yngkheh ing ynriing ningka tamahnave isahkho samah rasiing.

¹¹Nengkaarna ynriing ningka achiimah ynlenjaehka vokhehkho isahpang sakata achii omna ichii chong kensiisa.

¹²Changchii mee aechu idaejaeh ing ynriing ae sana sasa ae rasiing ichii khaena, kenuw ing Aafhuw Jesu Khrista rumingna chonghak kempeehchuw inge kengathohsah nahchuw.

¹³Changvakonchu kauw kanae ae, nenuw isa nong itutahna jaanung tamahdehruw.

¹⁴Achuw yngkheh ing kembaziih chongthen ne kenriirchu reehnave ama meechu buwtinruw amanche aning aanjaknii ing amathoh ynchaarhak mahruw.

¹⁵Changvakonchu eejeehniiva ichii ing rimahruw, ama changdenna nauw nanae yngkheh vaang ichahruw.

¹⁶Atiive idae Aafhuw inche apha vakhaena vokhehkho nenongtu chaapna idaechu ympeeh ynsuwhrasiing.

¹⁷Havana kaningtanii salaam ynziih i Pol kakikrap ing kabaziihva amanche kachongthen vakhae aandangniiva.

¹⁸Inuw vakhae Aafhuw Jesu Khrista atungsiih inche apha om vakhaena eenruwfhuw rasiing.