Read Moyon Naga 1 TIMOTHI 1 Bible Online

1 TIMOTHI 1 - Moyon Naga bible

1 TIMOTHI 1

¹Eekarpeeh Thangnang vokhehkho ningmanden ing ymmandensah Jesu Khrista chonghak inuwzii ing chongthang Pol ki ing,

²thacha tahna ichum kasiti: Tungsiih re ningsiih vokhehkho idaechu Apa Thangnang re Aafhuw Jesu Khrista tanii naning-nache om ynsuwhrasii.

³Mesidonia ting kasipharae naningna kariir vaangkhe, Ephisia na reentaang ichummah thamin itong itheng aenche thamin entongniimah khaena Ephisia nakhe ongjaehra.

⁴Amachuve mee ing amansa thamin ichinaemah tunanii thamin nache barungriir emanruwhniimah ing eningnache thamin tongpeeh aera. Changchii thamin inche ruwm ae naka thacha tanii, Thangnang ing amanden manghuwniiseh changdenna ichummah thamin tingche athiseh ing embarungriir piniivaatae.

⁵Amanche ichummah thamin aanla chuve, ynthiing barungriir tanii amanghuw vasah nakhe achung paamphuw thacha ahenbasuwniinah;

⁶havipang mahka mee vakhae barungriir aasiirting sika irifhuwmah thamin ting barungriir empeehnah.

⁷Chukhaenache hangchii mee ae inge reentaang chong riirbasam riir aeka, amanche ynchii thamin kentongva, uting ikanii hungsuwh vaate ichii manghuwmah khang ae nare vajeer itupa ynsuwh nungka enchiinah.

⁸Achuw yngkheh ing vajeer chonghakchu ichum ing manjiicheh nave sakna ichii ing ymmanghuwsa.

⁹Inuw ing ymmanghuw chuve, ichum ing isi mee ae khaena vajeer chonghak aseem mahva, vajeer chonghak derna isimah re chongriir ynjiimah, Thangnang amandenmah, isii icher, ynthiingmah, isa amandenmah amnuw ampa atheh, vokhehkho miktheh ae,

¹⁰ichuwhmah mee ae, naamak atu, miksuwr ae, mee amanchae, ichummah saarkhii vokhehkho ichum ynjiifhuwna isimah hava vakhae i khaenava.

¹¹Havi pangmahka kaningna ymmansir isa chong chuve Thangnang alaar isa tanii isa chongchu manthangnii khaenava.

¹²Karuwreng ymmanpirpeeh Jesu Khrista vokhehkho inuw vakhae Aafhuw chu kamanpahsahnah, akhae-chuve anong itunii khaena Aafhuw ing kichu eeteerka pham ynthinsahpa.

¹³Isi vasahna Aafhuw taklina ithipak ing ichong meeping vokhehkho jeehnii ingka ningjak kapeeh changvakonchu atii aningsiihchu kaphasahpa, amachuve changlaenche thachamah ingka manghuwru ing katu khaenava.

¹⁴Amana Jesu Khrista ningna om thacha vokhehkho tungsiihchu Aafhuw ajaar inche kaningna athiseh ing ympeehsahpa.

¹⁵Jesu Khrista inge, isii icher areen vakhae meechu ikarnii khaena laaruw paamne jungthengsa ichii chong i ithacha arupa vokhehkho iri chukho arupa. Amana isii icher ae kaarna ki inge aaruung chuping.

¹⁶Changvakonchu ichen naemah iringnii Aafhuw chu thachanii khaena Jesu Khrista ing kataklina yngkhaangpeeh vakhaechu amandangnii khaena atungsiichu kaphasahpa.

¹⁷Atii ichen naemah iruwng imaang omah, imu ynchehmah, yngkhehpang om ichen naemah Thangnang ningnache ichuwr naerudeh ing ynjasuwh vokhehkho ympahchu ynsuwhrasiing, Amen.

¹⁸Kasiti Timothi, nakhaena ma-maenna Thangnang chong ynjeerchaap inuwzii ingkhe, havana chonghak i naningna kamansirnahchii. Hava chongzeer inge isapak ing laar natuknii khaena, thacha vokhehkho ichum ynraar yngnghuwnii naruw-thuwh nakhe thinnana tukniira,

¹⁹achuw yngkheh mee ae chuve hava ruwthuwh i rumah aeka thacha tanii itiih emphapa.

²⁰Ama kaarnache Himanus re Alekjender ynvaenae, enuw ae ingkhe ithipak ing athar enchongniimah khaena umlae kamansirpae.