Read Moyon Naga 1 TIMOTHI 2 Bible Online

1 TIMOTHI 2 - Moyon Naga bible

1 TIMOTHI 2

¹Amaensana, ki ing neningna kariirsahnah, amachuve iniih-peehruw, ithampeehruw, mee khaena ithamsah vokhehkho mee aangkheng khaena imanpahpeehruw,

²iruwng ae khaena amanche aatuaricheh ae khaena isa ivaar ing vokhehkho idae ringkum ing Thangnang thoh ipaarnii khaenache aangkheng khaena Thangnang ting ithampeehruw.

³Hava vakhae nong i inuw eekarpeeh Aafhuw Thangnang mik enna isapakva vokhehkho aruvasahva,

⁴amachuve mee vakhaechu karpeeh ningka achii barungriir areen, ichum amanghuw, changchii aechu Aafhuw ing aadikva.

⁵Akhaechuve Thangnang yngkheh omna; amanche Thangnang re mee ruwrakna yngkhehpang aansuwhnii khaena eenuwmpeeh yngkhehpang omna,

⁶amachuve laaruw paam mee khaena ynjebathenpeeh Jesu Khrista chuva, apha ichachakna mee vakhae ikarpeeh phaniichu amandangva.

⁷Havi khaene reentaang mee ae ningna kichu thacha vokhehkho ichumna isa chongjeer, amanche chongthangnii khaena aanchuw yngkheh ing ynthinva (kariir chong i ichumva, kamanchaemah vachuw).

⁸Chukhaenache pasar ae ing barung isii, fhuwm ynvae omrudeh inche ynthiing kik ithoh aesana aphamsiirna ithamsahnii nong itu kaadiknah.

⁹Havi vaange rupanuw engkho ningjak manghuw aesana embarungriirna ynriim ing, entaksah enganruwfhuw peendiir ing ynthong aesana, isa ing sam phen aesana, sana kikchii vokhehkho amen iruwpak rung changchii changdenna isasa ing ynthong ae rasiing.

¹⁰Havi Thangnang amanden rupanuw ae khaena inempak isasehva.

¹¹Chukhaenache rupanuw ing ynjuursana fhuwdaejaeh ing rungae rasiing.

¹²Changpangmahka pasar taklina rupanuw ing amanchuw i ki idikmah ing, vokhehkho ahuw mandaesana rungaerasiing.

¹³Akhae-chuve Adam chu maensa ing seemka aanuwtingche Eve aseempehva;

¹⁴vokhehkho Adam ningna abatheem mahva, rupanuw ningnache batheemka isii tingche ababuwva;

¹⁵chang-vakonchu rupanuw ing thacha naka, ningsiih nache, ynthiing barungriir reencheh nave, rupanuw ing siti abaringna ikarpeehchu phavaata.