Read Moyon Naga 1 TIMOTHI 4 Bible Online

1 TIMOTHI 4 - Moyon Naga bible

1 TIMOTHI 4

¹Isajaeh ing ynthiing laetha ing ajeer chuve, nuwting embarungriir ynthiingmah chong manjii aenaka vokhehkho umlae chongzeer lam jiiae naka enthacha tanii ynrivaatae;

²Hangchii chong ive embarungriir ynthiingmah ichummah chong ichong mee aeng siir ynsajor vaang tongvaatae.

³Enuw ing rakhii iniikho rumahnii ae, Thangnang ing aseem isahfhuw vakhae ympahthoh ynruw ing isah aruchirchu isah arumah aru manae vaatae.

⁴Thangnang ing aseem peeh aangkhenglaang isachirva, amanche ithamsah thoh ynruw ing rimanuwve, rumahvachii yntanga omah;

⁵Yngkhaena ynchii imbe Thangnang chongsae vokhehkho ithamsah ing amanthiingva.

⁶Nang ing hava chongzeer vakhae i unae vakhaena tongpeeh ae taniive natak i Khrista khaena isa nongtu meechu vaanta, nang ing namanjiivasah isa chongzeer kha enuw chukho manchuw aera.

⁷Aman-che ynthiingmah ikaniimah chong aekha varaammahra. Nataksah ing Thangnang yndenna nacheepnii ing tura.

⁸Akhaechuve hakchaang khaena yntuchuve yngkaanii ompak mahva, changvakonchu Thangnang ynden nong khaena chembe ataraennii vokhehkho hungvivachii khaenakho iringnii chongreep om khaena aang-khenglaang khaena ikaniiva.

⁹Hava chongzeer i thachafhuwva vokhehkho irifhuwva.

¹⁰Havi khaene kenuw ing nongkho kentuva amanche kemaakho kentaarva, akhaechuve mee vakhae khaena, athurfhuw chuve thacha mee ae khaena, ikarpeeh Aafhuw Thangnang ningna kenuw ing ningmanden kemangomchu reepsung.

¹¹Havana chong vakhae i chonghak ing manchuw aera.

¹²Natak i nae-pangva ichii ing achuw ingkho ijuummah rasii; changvakonchu nangchuve thacha mee ae khaena nachongna, nanong tuna, ningsiihna, thachana, ynthiingna, amandangnii ing tura.

¹³Ki ing kavatheng mahri raentaang, mee kaarna ynthiing thiimziih ipaana, isa chong tongniina vokhehkho manchuwnii khaena barungriir manruwhdehra.

¹⁴Upa vakhae aeng nataklina kik ithoh aeka bor ympeeh ae thohkhe ynruw ing Thangnang jaephar aeng naningna ympivasah ae, naningna om kikthuur kha thosii thosamah ing tumahra.

¹⁵Mee vakhaena nanongtu nache naambaangniichu aandangnii ing, hava nongtu khaene ynrimla vokhehkho nataksah ympidehra.

¹⁶Nataksah khaena vokhehkho mee manchuwnii tahna ynriimla. Havana nong i bachuwtherla, akhaechuve hava nong inge natakkho, nachong aasii mee ae chukho ikarpeeh phavaatae.